युहान्‍ना 19:4 - आठपहरिया

⁴ पिलातासङा फेरि भारा होन्‍डाउङ् याप्‌मिचिगा खिमेयाङ्‌मे लोडुचे, “पुयानुम्, आङा ना याप्‌मि खानि सोरि भारा आप्‍टुङ्‌गेट्‌टुङ्, हिट्‌नुङ् ना याप्‌मि फाट्‌टुर ठेम्‍माना रिङ् आङा पाक्‍चा टुब्‍नेट्‌निङ्‌ना रिङ् खानिङा ठाहा टोगानुम् नुङ् खानि लोनाँनि॥”

युहान्‍ना 19:4 ပူးပေါင်းရင်းမြစ်များ

मात्‌ति 27:19

पिलातास न्‍याए चोक्‍माना बैठाक्‌ङि युङेसाना बेला ओपाङ्‌डाङ्‌माङा उन् नाड्‌डे पिक्‍सा खाबोर हाक्‍टुए, “हिट्‌ना फाट्‌टुर मालेना याप्‌मि पाक्‍चा मेट्‌टुन्, पोङ्‌भोने हाट्‌ले युसा उन्‍ङाना बारेङि सेम्‍माङ् माक्‍टुङ्‌नाँ आङा आड्‌डिक् दुखे टोगुएसुङे॥”

मात्‌ति 27:24

टरो पिलातासङा पाक्‍चा चोक्‍मा हिनिना निसुए, हिट्‌नुङ् हाट्‌ले खालाङ्‌बालाङ् लियुक् नुङ् किट्‌टाउङ् उन्‍ङा याप्‌मिचिगा टोकानाङि चुवाङा उमुक् वासिडुङ् लोडुचे, “ना याप्‌मिङाना ओहेलिक्‌ङाना जिम्‍मा आङि ओठानिचा ए, खानि डोक् ओठायाक्॥”

मात्‌ति 27:4

हिट्‌नुङ् हिट्‌नागा लोडुचे, “आङा फाट्‌टुर मालेना याप्‌मि धोका पिडुङुङ् पाप चोगुएसुङे॥” टरो हिट्‌नागाँ ओलोडुए, “आन्‍याँ पाक् याप्‌मिओलोयुक्‍ना? नाउम्‍टे खान्‍ङाना कारिङ् गोलो॥”

मात्‌ति 27:54

हिट्‌नुङ् लुक्‍लेमा काडाना हिट्‌नुङ् हिट्‌नि लिसाना घाटाना उनिसुङ् येसु ओकोडुङ् उयुङासागा काप्‍तान लोक् उन्‌लोक् उलिसागा आड्‌डिक् उकिट्‌टे, हिट्‌नुङ् हिट्‌नागाँ नाड्‌डे ओमाट्‌टुए, “छेम्‍बा डोक्, ना याप्‌मिउम् माङ्‌हाङ् छा डोक् रैछो॥”

लुका 23:4

पिलातास ठेना हाकिमङा गाडुवाडाङ्‌बाचि हिट्‌नुङ् हिट्‌नि उछुमागा याप्‌मिचि लोडुचे, “आङा ना याप्‌मि फाट्‌टुर लाहाब् चोक्‍माना ठिक् रिङ् चा टुब्‍नेट्‌निङ्॥”

लुका 23:41

आन्‌चिम् टे ओचाफेन्‍ना टोॽवा चोगाचुङ् हिट्‌ना लोङ्‌सा टोक्‍ना साजाए आङ्‌चुएच्‍चु, टरो ना याप्‌मिङाउम् हिड्‌डेना ओचाफेन्‍ना टोॽवा पाक्‍चा चोगुन्‍गेट्‌टुन्‍ना॥”

लुका 23:47

हिट्‌नुङ् रोमि उपिङ्‌बाचिगा काप्‍तानङा नाड्‌डे लिसाना रिङ् निसुङ् नाड्‌डे पिक्‍सा माङ्‌हाङ्‌ङाना उनिङ् चोन्‍डुए, “छेम्‍बा डोक्, नाउम् धारमोति याप्‌मि रैछो॥”

युहान्‍ना 18:33

पिलातास फेरि भिट्‌रा लिगे, हिट्‌नुङ् येसु छेम्‍डुङ् लोडुए, “पाक् खान् याहुदिचिगा हाङ्‌बा इ?”

युहान्‍ना 18:38

पिलातासङा सिलाप्‍टुए, “छेम्‍बाना रिङ् पाइना?” नाट्‌टेप्‍मा रिङ् सिलाप्‍मा हिडुङ् पिलातास भारा होन्‍डाउङ् याहुदिचि लोडुचे, “साजाए पिमा लोङ्‌सा ना याप्‌मिङि आङा पाक्‍चा फाट्‌टुर टुब्‍नेट्‌निङ्॥

युहान्‍ना 19:6

गाडुवाडाङ्‌बाचि लोक् माङ्‌ठाना काकोबाचिङा येसु उनिसुङ् नाड्‌डे पिक्‍सा ओराट्‌टे, “हिट्‌ना खाप्‍चेङि छुडु, हिट्‌ना खाप्‍चेङि छुडु!” पिलातासङा हिट्‌नागा लोडुचे, “हिड्‌डे भोने खानिङा डोक् ना खाट्‌टानुमुङ् खाप्‍चेङि छुडानुम्, पोङ्‌भोने ना याप्‌मि फाट्‌टुर ठेम्‍माना रिङ् आङा पाक्‍चा टुब्‍नेट्‌निङ्॥”

२ कोरिन्‌थि 5:21

पोङ्‌भोने आनिउम्‍टे खिरिस्‍टलाम्‍मा माङ्‌हाङ् ओटोकानाङि धारमोति उलिसियाक् नुङ् पाप डोक् चोगुन्‍गेट्‌टुन्‍ना खिरिस्‍ट माङ्‌हाङ्‌ङा आनि पाप लाउङ्‌सा भोक् ठाङ्‌मा मेट्‌टुए॥

हिब्‍रु 7:26

येसुम्‍बाक् आनि लाउङ्‌सा चाहाब् लिना सानिङ्‌डाङ्‌बा ए॥ उन् सेङ्‌सेङ्‌ना, फाट्‌टुर मालेना, चोखो ए, हिट्‌नुङ् उन्‍ङा पाप चोग्‍वाट्‌टुन्॥ माङ्‌हाङ्‌ङा उन् सोब्‍बे नुङ्‌ना टो टोनालोग्‌ङि युङ्‌सुए॥

१ पाटरुस 1:19

टरो नाउम् पाप मालेना, खोट् मालेना माङ्‌हाङ्‌ङाना थुमा खिरिस्‍टङाना आड्‌डिक् बाहुमुल्‍ले ओहेलिक्‌ङा छुट्‌कारा आटोगुएसुम्‍मे॥

१ पाटरुस 2:22

“उन्‍ङा खोना बेला चा पाप चोग्‍वाट्‌टुन्, हिट्‌नुङ् उन् खोना बेला चा माङ्‌जोना रिङ् चेक्‍नेट्‌नि॥”

१ पाटरुस 3:18

पोङ्‌भोने खिरिस्‍ट आनि पाप लोङ्‌सा एक्‍के खेप् सिए॥ ठिबाङ् नुना याप्‌मि कायाङ्‌छाबा याप्‌मिचि लाउङ्‌सा सिए॥ खिरिस्‍टङा आनि माङ्‌हाङ् सोरि खाप्‍माउङ्‌सा हिड्‌डे चोगुए॥ उन् याप्‌मिचिगा गाड्‌डे येम्‌ङि लिसानाँ सिए, टरो माङ्‌हाङ्‌ङाना ओहाङ्‌साङा उन् फेरि उहिङ्‌ग्‍वाट् चोगुए॥

१ युहान्‍ना 3:5

हिट्‌नुङ् याप्‌मिचिगा पाप टुग्‍मा लाउङ्‌सा खिरिस्‍ट पारकाट् लिसाना नुङ् खानिङा ठाहा आटोगुम्‍टुम्॥ हिट्‌नुङ् उन्‌ङि पाप डोक् वाइना॥