युहान्‍ना 17:9 - आठपहरिया

⁹ “आङा हिट्‌नागा लोङ्‌सा बिन्‌टि चोगुङ्‌टुङ्, नाराङिगा सोब्‍बे याप्‌मिचि लाउङ्‌सा माखाक्, टरो खान्‍ङा आङा याङ्‌आपिडाङ्‌ना याप्‌मिचि लोङ्‌सा आङा बिन्‌टि चोगुङ्‌बिडुङ्‌चिङ्‌चिङ्, पोङ्‌भोने हिट्‌नागा खान्‍ङागा कायाप्‌मिचि ए॥

युहान्‍ना 17:9 ပူးပေါင်းရင်းမြစ်များ

लुका 22:32

टरो खान् आङि बिस्‍वासि लिसा नुङ् खान् लोङ्‌सा माङ्‌हाङ्‌ङा घुवार माफायाक् नुङ् आङा बिन्‌टि चोगुएसुङे॥ हिट्‌नुङ् जब खान् काएल्-काबु आलियुङ् आङालेङ् आनोक्‌युक्, टब काटाक्‌चि चा बिस्‍वास्‌ङि बोल्‍लेउ लिमा लोङ्‌सा घुवार फाडुचि॥”

लुका 23:34

हिट्‌ना बेला येसु नाड्‌डे पिगे, “हाउ आप्‍पो, नागा माफ पिडुचि, पोङ्‌भोने नागा पाक् ओचोक्‌येट्‌गा हिट्‌ना ठाहा ओटोगुन्‍ना॥” हिट्‌नुङ् उपिङ्‌बाचिङा येसु ओलोट्‌लिङ् हाम्‍मा लोङ्‌सा चिट्‌ठा ओठेन्‍डुए॥

लुका 8:34

हिट्‌नुङ् फाक् कापुबाचिङा ना घाट्‌ना उनिसुङ् हिट्‌निलाम्‍मा पिन्‍सा ओखाडाउङ् खालाङ्‌गाङि हिट्‌नुङ् हिट्‌ना याम्‍बा-नायाम्‍बाङिगा युक्‍टाम्‌ङि ना खाबोर ओमाट्‌टुए॥

युहान्‍ना 14:16

हिट्‌नुङ् आङा पाबाङि बिन्‌टि ठाङ्‌सुङ्‌टुङ्, हिट्‌नुङ् उन्‍ङा आरको घुवार काफाबा खानि लाउङ्‌सा मापाङ्‌सिबिडिटि, हिट्‌नुङ् उन् सोरोक् खानिलोक् लियुक्॥

युहान्‍ना 17:2

पोङ्‌भोने खान्‍ङा उन् सोब्‍बे याप्‌मिचि उठुङ्‌ङि आधिकार आपिडुएसुए, हिड्‌डेउङ् खान्‍ङा उन् जिम्‍मा आपिडुचिगा सोब्‍बे याप्‌मिचि उन्‍ङा खोना बेला चा लाट्‌निना चोला उपिडुचियाक्॥

युहान्‍ना 17:20

“आङा नागा लाउङ्‌सा एडोक् बिन्‌टि चोग्‌निङ्‌ना, टरो नागाँ ओलोडुचिगा खाबोरलाम्‍मा आङि बिस्‍वास काचोक्‍बाचि लोङ्‌सा चा बिन्‌टि चोगुङ्‌टुङ्॥

युहान्‍ना 17:6

“ना नारालाम्‍मा आङा खान्‍ङा याङ्आपिडाना याप्‌मिचि खान्‍ङाना कानिङ् मिसेन् निमेट्‌टुएसुङ्‌चिङे॥ हिट्‌नागा खान्‍ङागा ओडागा, हिट्‌नुङ् खान्‍ङा हिट्‌नागा आङा याङ्‌आपिडाङे, हिट्‌नुङ् हिट्‌नागाँ खान्‍ङाना कारिङ् पालान् ओचोगुएसुए॥

युहान्‍ना 6:37

आङाना पाबाङा आङा जिम्‍मा याङ्‌पिडाङ्‌ना टेप्‍मा सोब्‍बे आङा सोरि ओटायुक्, हिट्‌नुङ् आङा हिट्‌नागा खोना बेला चा इन्‍कार चोक्‌निङ्‌चिङ्‌गा॥

युहान्‍ना 6:39

हिट्‌नुङ् आङा कापाङ्‌बाङाना उनिङ्‌ग्‍वाम्‍बाक् उन्‍ङा जिम्‍मा याङ्‌पिडाङ्‌ना टेप्‍मा खोना चा आङा ओमानिङ् चा, टरो हिट्‌नागा आखेरि लेम्‍बाङि उहिङ्‌ग्‍वाट् चोगुङ्‌चिङ् नुङ् ए॥

हिब्‍रु 7:25

हिट्‌नाड्‌डेउङ् येसुङि बिस्‍वास ओचोगुङ् माङ्‌हाङ् सोरि ओखाट्‌गा याप्‌मिचि उन्‍ङा सोरोक् लाउङ्‌सा बाचाँ चोक्‍मा हिडुचिचि, पोङ्‌भोने हिट्‌नागा लाउङ्‌सा माङ्‌हाङ्‌ङि बिन्‌टि चोक्‍माबिमा उन् सोरोक् उहिङ्‌ग्‍वाट् वाहेट्॥

हिब्‍रु 9:24

पोङ्‌भोने खिरिस्‍टउम्‍टे याप्‌मिङा ओचोगुना सेङ्‌सेङ्‌ना डेन्‌ङि लिग्‍नेट्‌नि, हिट्‌नाम्‍बाक् छेम्‍बाना सेङ्‌सेङ्‌ना डेन्‌ङाना सिको एडोक् डाना, हाट्‌ले उन् उम्‍टे आनि घुवार फामाउङ्‌सा टोनालोग्‌ङि माङ्‌हाङ् ओटोकाना सोरि खाडेसे॥

१ युहान्‍ना 5:19

ख्‍वाप्‍पा नारा सैतानङाना उमुक्‍ठुङ्‌ङि युङ्‌सु चा आनिम्‌बाक् माङ्‌हाङ् ओछालेट्‌चि नुङ् आनिलाउङ्‌सा ठाहा युङ्‌ग्‍वा॥

पारकास 12:9

हिट्‌ना ठेना ओप्‍पु आच्‍छो बेलाना ओप्‍पु ए, हिट्‌ना दियाबालास हिट्‌नुङ् सैतान चा ओलोडुए, हिट्‌नाँ डोक् सोब्‍बे नाराङिगा याप्‌मिचि बान्‍डुचिगा॥ हिट्‌ना उदुतचिलोक् एक्‍केउ नाराङि ओलेप्‍टुए॥

पारकास 13:8

हिट्‌नुङ् नाराङिगा सोब्‍बे याप्‌मिचिङा हिट्‌ना जिवाट् साम्‍माङ् ओचोगुटु, हिट्‌नागा याप्‌मिचि माले जुन्‍ङाना उन्‌चि निङ् माङ्‌हाङ्‌ङा नारा सिरिस्‌टि चोक्‍मा पाइले डोक् काइले चा लाट्‌निना चोलाङाना छाप्‍लाङि छेप्‍टुबिडुएसुचे॥ हिट्‌ना छाप्‍लाम्‍बाक् याप्‌मिचिङा ओसेडुना थुमाङाना ए॥