युहान्‍ना 17:24 - आठपहरिया

²⁴ “हाउ आप्‍पो, खान्‍ङा आङा याङ्‌आपिडाङ्‌ना याप्‌मिचि आङालोक् डोक् उलियाक् नुङ् आनिङ्‌ग्‍वा युङ्‌ग्‍वा॥ हिट्‌नुङ् खान्‍ङा आङा याङ्‌आपिडाङ्‌ना माहिमा हिट्‌नागाँ उनिसुवाक्, हिट्‌ना माहिमा नारा चोक्‍मा पाइलेलाम्‍मा डोक् आङा माया याङ्आचोगाङ्‌नाँ खान्‍ङा आङा याङ्‌आपिडाङ्‌ना डाना॥

युहान्‍ना 17:24 ပူးပေါင်းရင်းမြစ်များ

मात्‌ति 25:21

“ओडाङ्‌बाङा हिट्‌ना लोडुए, ‘होहोबास्, आङाना ओचेट्‌नुना हिट्‌नुङ् बिस्‍वासिलो चाकार! खान् खाट्‌टिप्‍मा रिङ्‌ङि बिस्‍वासिलो आलिसे, हाट्‌ले आङा खान् जोम् रिङ्‌ङाना जिम्‍मा पिनाँ॥ खान् चा आङालोक् हारका लिसा॥’

मात्‌ति 25:23

“ओडाङ्‌बाङा हिट्‌ना लोडुए, ‘होहोबास्, आङाना ओचेट्‌नुना हिट्‌नुङ् बिस्‍वासिलो चाकार! खान् खाट्‌टिप्‍मा रिङ्‌ङि बिस्‍वासिलो आलिसे, हाट्‌ले आङा खान् जोम् रिङ्‌ङाना जिम्‍मा पिनाँ॥ खान् चा आङालोक् हारका लिसा॥’

मात्‌ति 25:34

हिट्‌नुङ् हाङ्‌बाङा उछुप्‍टाङ् उमुक्‌लेङ्‌गा लोडुचिचि, ‘आबानि, आङाना माङ्‌हाङ् पाबालाम्‍मा आसिक् आटोगुम्‍गा याप्‌मिचि, नारा उटुम् नुङ् डोक् खानि लोङ्‌सा टेयार चोग्‍बालाक् मुलुक् आधिकार चोगानुम्॥

मात्‌ति 26:29

आङा खानि लोनाँनि, हाट्‌लेलाम्‍मा आङाना माङ्‌हाङ् पाबाङाना उमुलुक्‌ङि आङा ओछोङ्‌ग्‍वाट् मिलिए सोम्‍मा फेरि आङ्‌गुर ओमोॽवा आङा खानिलोक् ठुङ्‌निङ्‌ना॥”

लुका 12:37

पाङ्‌डाङ्‌बा नोक्‌यु आप्‍नाँ ओचाकारचि मिइम्‍मे उयुङागा टुबुचे भोने, हिट्‌नागा लोङ्‌सा ना आड्‌डिक् ओचेट्‌नुना लियुक्॥ छेम्‍बा डोक्, आङा खानि लोनाँनि, हिट्‌ना पाङ् ओडाङ्‌बा आप्‍पे टेयार लियुङ् ओचाकारचि चामा चासिङा युङ्‌सुचिचि हिट्‌नुङ् सेवा चोगुचिचि॥

लुका 23:43

येसुङा हिट्‌ना लोडुए, “छेम्‍बा डोक् खान् लोनाँ, हाट्‌ले डोक् खान् आङालोक् टोनालोग्‌ङि आलियुक्॥”

युहान्‍ना 1:14

माङ्‌हाङ्‌ङाना रिङ् याप्‌मि उरुपङि लिसे हिट्‌नुङ् आनि माझाङि मायादाया लोक् छेम्‍बाना रिङ्‌ङा इप्‍टुङ् हेन्‍से॥ हिट्‌नुङ् उन्‍ङाना माहिमा आन्‍याँ निसुम्‍मे, हिट्‌ना माहिमा माङ्‌हाङ् पाबालाम्‍मा उङ्‌साना ठिबाङ् एना छाङाना गाड्‌डेना डाना॥

युहान्‍ना 12:26

कोइङा आङाना सेवा चोगुटु भोने हिट्‌नाङा आङा डोक् याङ्उरिक्‌याक् हिट्‌नुङ् आङा खोनि खोनि लिङा आङाना सेवा काचोक्‍बा चा हिट्‌नि लियुक्॥ कोइङा आङाना सेवा चोगुटु भोने पाबाङा हिट्‌ना मान् चोगुटु॥

युहान्‍ना 14:3

हिट्‌नुङ् आङा खाट्‌नाउङ् खानि लोङ्‌सा ठोङ् टेयार चोगुङ् आङा फेरि नोक्‍ङा उङ्‌ङा, हिट्‌नुङ् खानि आङालोक् खाट्‌नाँनि, हिट्‌डेउङ् आङा खोनि युङ्‌ङा, हिट्‌नि खानि चा आलिसिटि॥

युहान्‍ना 15:9

“आङाना पाबाङा आङा माया याङ्‌चोगेसे, हिट्‌नाडे डोक् आङा चा खानि माया चोक्‍नाइनाने॥ हाट्‌ले खानि आङाना मायाङि युङायाक्‍टानि॥

युहान्‍ना 17:2

पोङ्‌भोने खान्‍ङा उन् सोब्‍बे याप्‌मिचि उठुङ्‌ङि आधिकार आपिडुएसुए, हिड्‌डेउङ् खान्‍ङा उन् जिम्‍मा आपिडुचिगा सोब्‍बे याप्‌मिचि उन्‍ङा खोना बेला चा लाट्‌निना चोला उपिडुचियाक्॥

युहान्‍ना 17:22

आन्‌चि ठिक्‍ए लिसाचि गाड्‌डे डोक् हिट्‌नागा चा ठिक्‍ए उलियाक् नुङ् खान्‍ङा आङा जुन् माहिमा याङ्आपिडाइसाङे, हिट्‌ना माहिमा डोक् आङा चा हिट्‌नागा पिडुएसुङ्‌चिङे॥

युहान्‍ना 17:5

हाउ आप्‍पो, हाट्‌ले आङा खान्‍ङाना टोकाना सोरि हिट्‌ना माहिमा याङ्‌पिडा, जुन् माहिमा नारा उटुम् लिमा नुङ्‌ना पाइले खान्‌लोक् लिसाङ्‌नाँ आङालोक् डाना॥

युहान्‍ना 6:37

आङाना पाबाङा आङा जिम्‍मा याङ्‌पिडाङ्‌ना टेप्‍मा सोब्‍बे आङा सोरि ओटायुक्, हिट्‌नुङ् आङा हिट्‌नागा खोना बेला चा इन्‍कार चोक्‌निङ्‌चिङ्‌गा॥

युहान्‍ना 6:39

हिट्‌नुङ् आङा कापाङ्‌बाङाना उनिङ्‌ग्‍वाम्‍बाक् उन्‍ङा जिम्‍मा याङ्‌पिडाङ्‌ना टेप्‍मा खोना चा आङा ओमानिङ् चा, टरो हिट्‌नागा आखेरि लेम्‍बाङि उहिङ्‌ग्‍वाट् चोगुङ्‌चिङ् नुङ् ए॥

युहान्‍ना 8:58

येसुङा हिट्‌नागा लोडुचे, “छेम्‍बा आङा खानि लोनाँनि, आब्‍राहाम पोङ्‌मा नुङ्‌ना पाइलेलाम्‍मा डोक् आङा वाङेट्‌ना॥”

१ कोरिन्‌थि 13:12

हाट्‌ले आनि खिम्‍बाराङ् आइनाङि पुयुम् गाड्‌डे एडोक् निसुम्‍टुम्, टरो हिट्‌ना बेलाम्‍बाक् सोब्‍बे थोक् पारचिन्‍दा निसुम्‍टुम्॥ हाट्‌ले आङा खाट्‌टिप्‍मा एडोक् बुजा चोगुङ्‌टुङ्, टरो हिट्‌ना बेलाम्‍बाक् माङ्‌हाङ्‌ङा आङाना बारेङि सोब्‍बे रिङ् निसु गाड्‌डे डोक् आङा चा सोब्‍बे थोक् ठाहा टोगुङ्‌टुङ्॥

२ कोरिन्‌थि 3:18

टाङ्‌बाङि बिस्‍वास काचोक् आनि सोब्‍बेङा आनि नाभाक् घुम्‍टोङा मिटेप्‍मे उन्‍ङाना माहिमा पारकाट् चोगुम्‍टुम्॥ टाङ्‌बा हाङ्‌सा ए, हिट्‌नुङ् उन्‍ङा आनि उन् गाड्‌डे डोक् आड्‌डिक् याप्‍मा फेराँ आचोक्‌युङ् आझै झान् उन्‍ङाना माहिमाङि ओम्‌सिटि॥

२ कोरिन्‌थि 4:6

पोङ्‌भोने माङ्‌हाङ्‌ङा माट्‌टुए, “डुम्‍बारिक् डुम्‌लाम्‍मा व्‍हाङ् ओओम्‌याक्,” आनि निङ्‌ग्‍वाङि चा उन्‍ङाना व्‍हाङ् ओम्‍सेसे, हिट्‌डेउङ् खिरिस्‍टङाना ओनाभाक्‌ङि पारकाट् चोगुना माङ्‌हाङ्‌ङाना माहिमा आनि ठाहा टोग्‍मा हिडुम्‍टुम्॥

२ कोरिन्‌थि 5:8

आन्‍याँ ढुक्‍का वासेट्‌टिङा नुङ् आङा फेरि माट्‌टुङ्‌टुङ्, हिट्‌नुङ् ना येम्‌ङि हिङ्‌मा नुङ्‌ना टाङ्‌बालोक् एक्‍केउ हिङ्‌माडोक् आन्‍याँ नुलोक् लोसिटिङा॥

फिलिप्‌पि 1:23

आङाम्‍टे नागाचि इप्‍पोक् रिङ् सेक्‍मा निङ्‌ग्‍वा रिमा डोक् हिनिङ्‌गेट्‌निङ्॥ आङाउम्‍टे ना चोला नाडुङुङ् खिरिस्‍टलोक् युङ्‌माना आनिङ्‌ग्‍वा युङ्‌ग्‍वा, पोङ्‌भोने नाम्‍बाक् आङा लाउङ्‌सा आड्‌डिक् डोक् ओचेट्‌नु लियुक्॥

१ थेसालोनिकि 4:17

हिट्‌नुङ्‌ना आनि हिङेसिगा हिट्‌नुङ् नाडिढाइसिगाम्‍बाक् टाङ्‌साङ्‌ङि टाङ्‌बा टुब्‌सिङा माङ्‌हाङ्‌ङा एक्‍के खेप् हिट्‌नागालोक् आछुम्‌युङ् खिमेमाङि आफोक्‌युङ् आखाट्‌युक्, हिट्‌नुङ् आनि सोरोक् डोक् टाङ्‌बालोक् वासिटि॥

१ पाटरुस 1:21

खिरिस्‍टलाम्‍मा खानिङा माङ्‌हाङ्‌ङि बिस्‍वास आचोगुम्‍मे, जुन्‍ङा उन् सियानालाम्‍मा उहिङ्‌ग्‍वाट् चोगुए हिट्‌नुङ् उन्‌लाउङ्‌सा मान् पिडुए, नाड्‌डेउङ् खानिङा बिस्‍वास लोक् आसा माङ्‌हाङ्‌ङि आयुङ्‌सुएसुम्‍मे॥

१ युहान्‍ना 3:2

मायालु आसाइबाचि, हाट्‌लेम्‍बाक् आनि माङ्‌हाङ्‌ङाना खालाक् डोक् ए॥ हिट्‌नुङ् हान्‍डेङ् आनि पाक् गाड्‌डेना लिसिटिगा हिट्‌ना रिङ् आनि ठाहा टोग्‌निम्‍ना॥ टरो खिरिस्‍ट उङ्‌नाँ आनि चा उन् गाड्‌डे डोक् लिसिटि नुङ् ठाहा टोगुम्‍टुम्, पोङ्‌भोने उन् खोड्‌डेना वाहेट्‌ना हिड्‌नाडेना डोक् उन् निसुम्‍टुम्॥

पारकास 21:22

आङा हिट्‌ना खालाङ्‌गाङि खोनाइ चा माङ्‌ठाना निमानिनेट्‌निङ्, पोङ्‌भोने सोब्‍बे नुङ्‌ना माङ्‌बोल्‍लेउ टाङ्‌बा माङ्‌हाङ् हिट्‌नुङ् थुमा डोक् हिट्‌नि वासेट्‌टाचिगा, हिट्‌नुङ् सोब्‍बेङा उन्‌चि सोरि माङ्‌ध्‍यान् ओचोगुटु॥

पारकास 3:21

जुन् याप्‌मिङा दुस्‍टा मेट्‌टुटु, हिट्‌ना आङा युङ्‌ङाना डेन्‌ङि आङा सोरि युङ्‌माना आधिकार पिडुङ्‌टुङ्, हिट्‌नुङ् हिट्‌नाङा आङालोक् सासान् चोगुटु, खोड्‌डेउङ् आङा चा दुस्‍टा मेट्‌टुङेना, हिट्‌नुङ् हाट्‌ले आङा आङाना माङ्‌हाङ् पाबालोक् उन् युङ्‌ना डेन्‌ङि युङैसाङे॥