युहान्‍ना 17:22 - आठपहरिया

²² आन्‌चि ठिक्‍ए लिसाचि गाड्‌डे डोक् हिट्‌नागा चा ठिक्‍ए उलियाक् नुङ् खान्‍ङा आङा जुन् माहिमा याङ्आपिडाइसाङे, हिट्‌ना माहिमा डोक् आङा चा हिट्‌नागा पिडुएसुङ्‌चिङे॥

युहान्‍ना 17:22 ပူးပေါင်းရင်းမြစ်များ

मारकुस 6:7

उन्‍ङा बारो जाना ओचेलाचि छेम्‍डुचे, हिट्‌नुङ् इप्‍पाङ्-इप्‍पाङ् चोगुचिउङ् पाङ्‌सुचे॥ हिट्‌नुङ् हिट्‌नागा ओचाफेन्‍गा रिमेट्‌चि होप्‍माना आधिकार चा पिडुचे॥

लुका 22:30

आङा सासान् चोगुङ्‌ना बेला खानि आङालोक् एक्‍केउ आयुङिउङ् आचाम्‍टुम् हिट्‌नुङ् हाङ्‌बा युङ्‌ना सिङासान्‌ङि आयुङिउङ् इस्‍राएलि याप्‌मिचिगा बारो छोङ्‌बाचि डोक् सासान् आचोगुम्‌चिम्‌चिम्॥”

युहान्‍ना 1:14

माङ्‌हाङ्‌ङाना रिङ् याप्‌मि उरुपङि लिसे हिट्‌नुङ् आनि माझाङि मायादाया लोक् छेम्‍बाना रिङ्‌ङा इप्‍टुङ् हेन्‍से॥ हिट्‌नुङ् उन्‍ङाना माहिमा आन्‍याँ निसुम्‍मे, हिट्‌ना माहिमा माङ्‌हाङ् पाबालाम्‍मा उङ्‌साना ठिबाङ् एना छाङाना गाड्‌डेना डाना॥

युहान्‍ना 1:16

उन्‌ङि लिसाना जोम् मायादायालाम्‍मा आनि सोब्‍बेङा याप्‍मा आसिक् ए आसिक् टोगुएसुम्‍मे॥

युहान्‍ना 14:20

हिट्‌ना लेम्‍बा खानिङा आङा आप्‍पाङि हिट्‌नुङ् खानि आङि, हिट्‌नुङ् आङा खानिङि वाङेट्‌ना नुङ् ठाहा आटोगुम्‍टुम्॥

युहान्‍ना 17:24

“हाउ आप्‍पो, खान्‍ङा आङा याङ्‌आपिडाङ्‌ना याप्‌मिचि आङालोक् डोक् उलियाक् नुङ् आनिङ्‌ग्‍वा युङ्‌ग्‍वा॥ हिट्‌नुङ् खान्‍ङा आङा याङ्‌आपिडाङ्‌ना माहिमा हिट्‌नागाँ उनिसुवाक्, हिट्‌ना माहिमा नारा चोक्‍मा पाइलेलाम्‍मा डोक् आङा माया याङ्आचोगाङ्‌नाँ खान्‍ङा आङा याङ्‌आपिडाङ्‌ना डाना॥

मुलिचेला टोॽवा 5:41

हिट्‌नुङ् मुलिचेलाचि काचाहारि-कुन्‍डाललाम्‍मा भारा ओहोन्‍डाउङ् “माङ्‌हाङ्‌ङाना ओनाजारङि आनिम्‍टे येसु लोङ्‌सा चिम्‍मा फुट्‌मा हिट्‌नुङ् याङ्‌छामा आङ्‌मा आखान्‌युक्” पिक्‍सा आड्‌डिक् उन्‌चि चाप् टाए॥

रोमि 8:30

हिट्‌नुङ् उन्‍ङा पाइले डोक् उइछा गाड्‌डे चोक्‍मा निङ्‌ग्‍वा चोगुचिगालाउङ्‌सा, उन्‍ङा छेम्‍डुचे चा॥ हिट्‌नुङ् उन्‍ङा छेम्‍डुचिगालाउङ्‌सा उन्‍ङा ओनाभाक्‌ङि धारमोति चा चोगुचे, हिट्‌नुङ् धारमोति चोगुचिगालाउङ्‌सा उन्‍ङा मान् चा पिडुचे॥

२ कोरिन्‌थि 3:18

टाङ्‌बाङि बिस्‍वास काचोक् आनि सोब्‍बेङा आनि नाभाक् घुम्‍टोङा मिटेप्‍मे उन्‍ङाना माहिमा पारकाट् चोगुम्‍टुम्॥ टाङ्‌बा हाङ्‌सा ए, हिट्‌नुङ् उन्‍ङा आनि उन् गाड्‌डे डोक् आड्‌डिक् याप्‍मा फेराँ आचोक्‌युङ् आझै झान् उन्‍ङाना माहिमाङि ओम्‌सिटि॥

२ कोरिन्‌थि 5:20

नाड्‌डेउङ् आनिउम्‍टे खिरिस्‍ट लाउङ्‌सा चेक्‍मा आपाङ्‌सागा याप्‌मिचि ए हिट्‌नुङ् माङ्‌हाङ् आप्‍पेङा खानि लाउङ्‌सा आन्‍याँलाम्‍मा बिन्‌टि चोगुएट्‌टु॥ माङ्‌हाङ्‌लोक् खानि टोङानि नुङ् खिरिस्‍टङाना उनिङ्‌ङि आन्‍याँ बिन्‌टि चोगुम्‍टुम्‍मा॥

२ कोरिन्‌थि 6:1

पोङ्‌भोने आन्‍याँ माङ्‌हाङ्‌लोक् एक्‍केउ टोॽवा काचोक्‍बा लिसिङानाँ खानिङा आटोगुम्‍ना माङ्‌हाङ्‌ङाना मायादायाङाना बारदान खेरोक् लिमा पिनेनुम् नुङ् बिन्‌टि चोक्‍नानि॥

एफिसि 2:20

आनिम्‍बाक् मुलिचेलाचि लोक् माङ्‌काटाचिङा ओचोगुना ओजाग् उठुङ्‌ङिना पाङ् ए॥ हिट्‌नुङ् हिट्‌ना जाग्‌ङाना उसुरङिना लिङ्‌गेॽवाम्‍बाक् खिरिस्‍ट येसु आप्‍पे डोक् ए॥

फिलिप्‌पि 1:29

पोङ्‌भोने माङ्‌हाङ्‌ङा खानिङा खिरिस्‍टङि बिस्‍वास चोक्‍माउङ्‌सा एडोक् मापिडिगा माखाक्, टरो उन्‌ङि याङ्‌छामा आङ्‌डानुम् नुङ् चा खानि मौका मापिडेसे॥

कालास्‌सि 1:24

ना बेला आङा खानि ओचेट्‌नुना लाउङ्‌सा याङ्‌छामा आङ्‌मा हारका लिसाइसाङे॥ हिट्‌नुङ् खिरिस्‍टङा याङ्‌छामा आङ्‌डु गाड्‌डे डोक् खिरिस्‍टङाना ओयेम् लाउङ्‌सा उन्‍ङा आङ्‌मा बाँकि उलिसागा याङ्‌छामा आयेम्‌ङि आङ्‌डुङ्‌टुङ्, हिट्‌नाम्‍बाक् माङ्‌पाङ् ए॥

१ युहान्‍ना 1:3

आन्‍याँलोक् खानिगा साङ्‌गाति उलियाक् नुङ् डोक् आन्‍याँ जे निसुम्‍मे हिट्‌नुङ् खेम्‍सुम्‍मे, हिट्‌ना डोक् खानिलाउङ्‌सा लोनाँनि॥ आनि साङ्‌गातिउम्‍बाक् माङ्‌हाङ् पाबा हिट्‌नुङ् उन्‍ङाना छा येसु खिरिस्‍टलोक् युङ्‌ग्‍वा॥

१ युहान्‍ना 3:24

उन्‍ङा माट्‌टुगा रिङ् पालान् काचोक् सोब्‍बे याप्‌मिचि उन्‌ङि उलियुक्, हिट्‌नुङ् उन् हिट्‌नागालोक् लियुक्॥ नाड्‌डेउङ् माङ्‌हाङ् आनि निङ्‌ग्‍वाङि युङ्‌ना रिङ् उन्‍ङा आपिडाना सेङ्‌सेङ्‌ना हाङ्‌सालाम्‍मा आनि ठाहा टोगुम्‍टुम्॥

१ युहान्‍ना 4:17

आनि आरु छेम्‍बाना माया चोगुम्‌चिम्‌चिम् हिट्‌नुङ् खिरिस्‍टङा नाराङि चोगु गाड्‌डे डोक् युङिटि भोने, न्‍याएङाना लेम्‍बा आनि चिन्‌तित लिमा कोन्‌निना॥

पारकास 21:14

हिट्‌ना खालाङ्‌गाङाना पारखाल बारो ओटा लिङ्‌गेॽवाङाना ओजाग् ओठेन्‍डुङ् ओचोगुएसुना॥ हिट्‌नागा ओजाग्‌ङि थुमाङाना बारो जाना मुलिचेलाचिगा उन्‌चि निङ् ओछेप्‍टेसुना डाना॥