युहान्‍ना 16:7 - आठपहरिया

⁷ टरो आङा खानि छेम्‍बाना रिङ् लोनाँनि, आङा नाहिलाम्‍मा खाप्‍मा डोक् खानिलोङ्‌सा ओचेट्‌नुना लियुक्, पोङ्‌भोने आङा खाट्‌नेट्‌निङ् भोने, घुवार काफाबा खानिङि उङ्‌निना॥ टरो आङा खाडाङे भोने उन् खानिङि आङा पाङ्‌सुङ्‌टुङ्॥

युहान्‍ना 16:7 ပူးပေါင်းရင်းမြစ်များ

लुका 24:49

हिट्‌नुङ् आङा खानि लोनाँनि, आप्‍पा माङ्‌हाङ्‌ङा चोगुना माङ्‌हुप् आङा खानि सोरि एला डोक् पाङ्‌सुङ्‌टुङ्॥ टरो माङ्‌हाङ्‌ङाना ओबोल् मिटोक्‍ङे सोम्‍मा खानि ना खालाङ्‌गाङि डोक् युङायाक्‍टानि॥”

लुका 4:25

आरको ठिक् रिङ् आङा खानि लोनाँनि, माङ्‌काटा एलियाङाना टालाङि सुम्‍बोक् ओफारा बारखा टेप्‍मा व्‍हेट् टानेयाट्‌नि हिट्‌नुङ् ख्‍वाप्‍पा देसङि आनिकाल लाहाब् लिसे॥ हिट्‌नापाका इस्‍राएलङि जोम् लाङ्‌मेप्‍माचि ओवासेट्‌टागा॥

लुका 9:27

टरो छेम्‍बा डोक्, आङा खानि लोनाँनि, नेहि ओयेब्‍गा कोइ-कोइ याप्‌मिचि माड्‌डे माङ्‌हाङ् उमुलुक् मिने सोम्‍मा उसिनिगा॥”

युहान्‍ना 14:26

जब घुवार काफाबा, सेङ्‌सेङ्‌ना हाङ्‌सा आङाना पाबाङा आनिङ्‌ङि पाङ्‌सुटु, उन्‍ङा डोक् खानि ख्‍वाप्‍पा रिङ् माहिसिक्‌टिटि हिट्‌नुङ् आङा लोनानिगा सोब्‍बे रिङ् मिप्‍मा मामेट्‌टिटि॥

युहान्‍ना 14:28

‘आङा नाहिलाम्‍मा खाट्‌नागेट्‌नाँ हिट्‌नुङ् खानि सोरि फेरि नोक्‍ङा टाङा’ नुङ् आङा माट्‌टुङ्‌ना रिङ् खानिङा आखेम्‍सुम्‍लेट्‌टुम्‍मे॥ खानिङा आङा छेम्‍बा डोक् माया आचोगिङाङ्‌गा भोनेम्‍टे आङा माङ्‌हाङ् पाबा सोरि खाट्‌नानाँ खानि चाप् टायेबे, पोङ्‌भोने आङा नुङ्‌ना पाबा डोक् ठेना ए॥

युहान्‍ना 14:3

हिट्‌नुङ् आङा खाट्‌नाउङ् खानि लोङ्‌सा ठोङ् टेयार चोगुङ् आङा फेरि नोक्‍ङा उङ्‌ङा, हिट्‌नुङ् खानि आङालोक् खाट्‌नाँनि, हिट्‌डेउङ् आङा खोनि युङ्‌ङा, हिट्‌नि खानि चा आलिसिटि॥

युहान्‍ना 15:26

“आङा पाबालाम्‍मा छेम्‍बाना हाङ्‌सा खानि घुवार काफाबा खानिङि पाङ्‌सुङ्‌टुङ्॥ उन् पाबालाम्‍मा उङ्‌युक् हिट्‌नुङ् उन्‍ङा डोक् आङाना बारेङि ख्‍वाप्‍पा साँचि मापिडिटि॥

युहान्‍ना 16:8

हिट्‌नुङ् उन् उङ्‌युङ् उन्‍ङा नाराङिगा याप्‌मिचिगा पाप, माङ्‌हाङ्‌ङाना धारमिक्‍ता बारेङि हिट्‌नुङ् टायुगेट्‌ना माङ्‌हाङ्‌ङाना न्‍याएङाना बारेङि हिट्‌नागा निमेट्‌टुचिचि॥

युहान्‍ना 7:39

ना रिङ् येसुङा उन्‌ङि बिस्‍वास काचोक्‌चिङा ओटोगु लाबुना सेङ्‌सेङ्‌ना हाङ्‌साङाना बारेङि माट्‌टुना डाना॥ टरो हिट्‌ना बेला सोम्‍मा माङ्‌हाङ्‌ङा सेङ्‌सेङ्‌ना हाङ्‌सा हिट्‌नागा पिडुन्‍गेट्‌टुन्‌चिन्‍गा डागा, पोङ्‌भोने उन्‍ङा येसुङाना माहिमा पारकाट् चोगुन्‍गेट्‌टुन्‍ना डाना॥

मुलिचेला टोॽवा 10:34

ना रिङ् खेम्‍सुङ् पाटरुसङा माप्‍मा ठालाँ चोगुए, “माङ्‌हाङ्‌ङा याप्‌मिचि ठिक्‍ए चाट्‌ला मेट्‌टुचिगा रिङ् हाट्‌ले आङा ठाहा टोगुङे॥

मुलिचेला टोॽवा 2:33

हिट्‌नुङ् उन् माङ्‌ठेना चोगुङ् माङ्‌हाङ्‌ङा उछुप्‍टाङ्‌लेङ् युङ्‌सुएसुए॥ माङ्‌हाङ् पाबाङा सेङ्‌सेङ्‌ना हाङ्‌सा येसुङि पाङ्‌माना माङ्‌हुप् चोगुए, हिट्‌ना हाङ्‌सा डोक् येसु डाङ्‌बाङा आनि उठुङ्‌ङि ठेन्‍डुना रिङ् खानिङा आनिसुएट्‌टुम् हिट्‌नुङ् आखेम्‍सुएट्‌टुम्॥

रोमि 8:28

माङ्‌हाङ् माया काचोक्‌चिलाउङ्‌सा उन्‍ङा सोब्‍बे रिङ् उन्‌चि ओचेट्‌नु लाउङ्‌सा डोक् चोगुटु नुङ् आनि ठाहा टोगुम्‍टुम्– हिट्‌नागा याप्‌मिचि डोक् माङ्‌हाङ्‌ङाना उनिङ्‌ग्‍वा गाड्‌डे छेम्‍डुचिगा याप्‌मिचि ए॥

२ कोरिन्‌थि 4:17

पोङ्‌भोने हाट्‌ले आनि आङ्‌डुम्‍ना याङ्‌छामा टुक्‍ना वाइना हिट्‌नुङ् ना याङ्‌छामा छोप्‍मोङ् धारि लाउङ्‌सा एडोक् लियुक्॥ टरो हान्‍डेङ् टोगुम्‍ना आड्‌डिक् ठेना खोना बेला चा लाट्‌निना माहिमा मिट्‌टुम्‍नाँ हिट्‌ना याङ्‌छामाङा आनिङि टाडुगा रिङ्उम् पाक्‍चा माखाक् ए॥