युहान्‍ना 16:33 - आठपहरिया

³³ “खानि आङि युङानिउङ् हाङ्‌हाङ् टोगानुम् नुङ् डोक् आङा खानिलोङ्‌सा नागा रिङ् लोनानिगा ए॥ नाराङि खानि याङ्आछाडिटि, टरो लुक्‍माभुङ् ठेलोक् चोगानुम्, पोङ्‌भोने आङा नारा मेप्‍मा हिडुएसुङे॥”

युहान्‍ना 16:33 ပူးပေါင်းရင်းမြစ်များ

मात्‌ति 9:2

हिट्‌नुङ् याप्‌मिचिङा याङ्‌छाडाना लोङ्‌लेन् याप्‌मि ओडोलेन्‍चालोक् उखुयुङ् उन् सोरि ओआप्‍टुए॥ हिट्‌नागा याप्‌मिचिगा बिस्‍वास निसुङ् येसुङा हिट्‌ना टुगाना याप्‌मि लोडुए, “हाउ साइबा, आँटि लिसा॥ कापापचि छेमा उलिसे॥”

लुका 19:38

“टाङ्‌बा उनिङ्‌ङि टायाना हाङ्‌बा माङ्‌हाङ्‌ङा आसिक् पिडुटु॥ टोनालोग्‌ङि हाङ्‌हाङ् उलियाक्, हिट्‌नुङ् माङ्‌हाङ्‌ङाना माहिमा उलियाक्॥”

लुका 2:14

“सोब्‍बे नुङ्‌ना उठुइ टोनालोग्‌ङि आयुङ्‌ना माङ्‌हाङ्‌ङाना निङ् टो-टो उलियाक्, हिट्‌नुङ् उन्‍ङा निङ्‌ग्‍वा टाडुचिगा ना नाराङिगा याप्‌मिचिङा हाङ्‌हाङ् निङ्‌ग्‍वा ओटोगुयाक्‍टुवाक्॥”

युहान्‍ना 12:31

हाट्‌ले ना नाराङाना न्‍याए चोक्‍मा बेला लिसाइसे॥ हाट्‌ले ना नारा सासान् काचोक् सासाक् माङ्‌हाङ्‌ङा भारा लेप्‍टुटु॥

युहान्‍ना 14:1

येसुङा चेलाचि लोडुचे, “खानि चिन्‌तित् लिनेनिन्॥ खानिङा माङ्‌हाङ् बिस्‍वास चोगानुम्, हिट्‌नुङ् आङा चा बिस्‍वास याङ्‌चोगानि॥

युहान्‍ना 14:27

“आङा खानिलोङ्‌सा हाङ्‌हाङ् पिनाढानाँनि॥ आप्‍पे आङाना हाङ्‌हाङ् खानि पिनाँनि हिट्‌नुङ् नाराङा आपिना गाड्‌डेना हाङ्‌हाङ् माखाक्॥ खानि निङ्‌ग्‍वा टुक्‍नेनुम् हिट्‌नुङ् किट्‌नेनिन्॥

युहान्‍ना 16:11

हिट्‌नुङ् उन्‍ङा माङ्‌हाङ्‌ङाना न्‍याए बारेङि चा निमेट्‌टुचिचि, पोङ्‌भोने नाराङिना सासान् काचोक्‍बा पाइले डोक् माङ्‌हाङ्‌ङा न्‍याए चोक्‍मा हिडुएसुए॥

मुलिचेला टोॽवा 14:22

हिट्‌नागाचिङा येसु डाङ्‌बाङि बिस्‍वास काचोक्‍बाचि बिस्‍वासङि बोलियो लिसानि पिक्‍सा आँट् पिडाचुए, हिट्‌नुङ् “माङ्‌हाङ् उमुलुक्‌ङि खाप्‍मा नुङ्‌ना उटुम्‌ङि आनि याङ्‌छामा, निङ्‌गुवा सागु हिट्‌नुङ् खेदो आङ्‌मा डोक् कोन्‌युक्” पिक्‍सा हिट्‌नागा लोडाचुचे॥

मुलिचेला टोॽवा 23:11

हिट्‌ना युसा डोक् पावाल सोरि टाङ्‌बा ठेट्‌टाउङ् लोडुए, “हाउ पावाल, आँटिलो लिसा, नेहि यरुसलेमङि आङाना बारेङि याप्‌मिचि आलोडुचि गाड्‌डे डोक् रोमङि चा खान्‍ङा लोमाचि कोन्‌युक्॥”

मुलिचेला टोॽवा 27:22

हाट्‌ले आङा खानि लोनाँनि, खानि निङ्‌ग्‍वा सेट्‌नेनुम्, आनि पाक्‍चा लिसिन्‍गा टरो चुवाखोङ्‌डाङ्‌म्‍बाक् जाखाम् लियुक्॥

मुलिचेला टोॽवा 27:25

नाड्‌डेउङ् आम्‍भु-आन्‍झाचि, आँटि लिसानि, पोङ्‌भोने माङ्‌हाङ्‌ङा माट्‌टुना रिङ् युयुक् नुङ् उन् बिस्‍वास आङा चोगुङ्‌टुङ्॥

मुलिचेला टोॽवा 9:31

हिट्‌नुङ् याहुदिया, गालिलि हिट्‌नुङ् सामारिया छेट्‌राङि लिसागा सोब्‍बे माङ्‌पाङ्‌ङि हाङ्‌हाङ् लिसे॥ हिट्‌नागाँ टाङ्‌बा आड्‌डिक् आदार उपिडुए, हिट्‌नुङ् सेङ्‌सेङ्‌ना हाङ्‌साङा हिट्‌नागा बोल् हिट्‌नुङ् आँट् पिडुचे हिट्‌नुङ् जोम् लिसा ओखाडे॥

२ कोरिन्‌थि 1:3

आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ् आनि दाया काचोक् पाबा ए, हिट्‌नुङ् उन्‍ङा सोरोक् आनि आँट् आपियुक्॥

२ कोरिन्‌थि 13:11

आम्‍भु-आन्‍झाचि, हाट्‌ले नागा रिङ् छेप्‍टुङुङ् बाबा लोनाँनि, आनान्‍दा चोगानि, नुना रिङ् चोक्‍मा निङ्‌ग्‍वा पिडानुम्, आङा लोनानिगा रिङ् खेम्‍सानुम्, ठिक्‍ए निङ्‌ग्‍वा चोगानुम् हिट्‌नुङ् टोङानिउङ् युङानि॥ हिट्‌नुङ् माया लोक् हाङ्‌हाङ् आपिना माङ्‌हाङ् खानिलोक् लियुक्॥

२ कोरिन्‌थि 2:14

टरो आङा माङ्‌हाङ् पोए-पोए ठाङ्‌सुङ्‌टुङ्, पोङ्‌भोने उन्‍ङा आनि सोरोक् खिरिस्‍टङि बिजाएङाना लाम्‍भोङि आलाम्‌टिमेट्‌युक्॥ माङ्‌हाङ्‌ङा ख्‍वाप्‍पालेङ् खिरिस्‍टङाना ठोना बारेङि छिन्‍मा लाउङ्‌सा चा आनि घुवार आफायुक्, हिट्‌नुङ् ना ठोनाम्‍बाक् बुङ्‌बुङ् नाम्‍ना आट्‌टार गाड्‌डेना ए॥

२ कोरिन्‌थि 4:7

हाट्‌ले आनि निङ्‌ग्‍वाङि ना ओम्‍ना व्‍हाङ् युङ्‌ग्‍वा, टरो आनिम्‌बाक् ना आड्‌डिक् बाहुमुल्‍ए माक्‍फेन्‍सुबेन् युङ्‌बालाक् खाम्‍माङाना भाँडा गाड्‌डेगा ए॥ हिट्‌डेउङ् ना ठेना साक्‌तिम्‍बाक् माङ्‌हाङ्‌लाम्‍मा टायुक्, आनि आप्‍पेलाम्‍मा माखाक् ए नुङ् ना रिङ्‌ङा पारचिन्‍दा चोगुटु॥

२ कोरिन्‌थि 6:4

टरो सोब्‍बे रिङ्‌ङि आन्‍याँ माङ्‌हाङ्‌ङाना ओसेवाक् नुङ् याप्‌मिचि निमेट्‌टुम्‌चिम्‌चिम्‍मा॥ आन्‍याँ याङ्‌छामा टोगुम्‍मानाँ, आप्‍ठेरोङि ठाइङानाँ, हिट्‌नुङ् टुक्‍लोक् लिसिङाना सोब्‍बे रिङ् धैइरे लिसिङाउङ् आङ्‌डुम्‍टुम्‍मा॥

२ कोरिन्‌थि 7:4

खानिङि आङा ठेना भोर युङ्‌सुएसुङे, हिट्‌नुङ् खानिङि डोक् आङा आड्‌डिक् आनाभुक् ठेलोक् चोगुङ्‌टुङ्॥ आनिना ख्‍वाप्‍पा याङ्‌छामाङि चा आनिङ्‌ग्‍वा बोल्‍लेउ लिसेसे हिट्‌नुङ् आड्‌डिक् हारका लिसेसाङे॥

गालाति 1:4

हाट्‌ले आनि माङ्‌हाङ् पाबाङाना उनिङ्‌ग्‍वा गाड्‌डे येसुङा ना भेन्‍ना जुगलाम्‍मा छुट्‌कारा पिमाउङ्‌सा आनि पापङाना ओसाट्‌टोङि आप्‍पे ओचोला भोक् पिडुए॥

गालाति 6:14

टरो आङाम्‍बाक् आरु रिङ्‌ङि माखाक्, आनि टाङ्‌बा येसु खिरिस्‍ट खाप्‍चेङि सियाना रिङ्‌ङि एडोक् ठेलोक् नाभुक् चोगुङ्‌टुङ्॥ उन् खाप्‍चेङि सियानाँ आङा लाउङ्‌सा नाराङिगा थोक्‌चि पाक्‍चा माखाक्, हिट्‌नुङ् नारा लाउङ्‌सा आङा पाक्‍चा माखाक्॥

फिलिप्‌पि 4:7

खानिङा हिड्‌डे आचोगुमे भोने माङ्‌हाङ् खानिलोक् लियुक् हिट्‌नुङ् खानि निङ्‌ग्‍वाङि हाङ्‌हाङ् मापिडिटि, हिट्‌ना हाङ्‌हाङ् आड्‌डिक् ठेना खोनाङा चा बुझा चोक्‍मा डोक् उहिडुन्‍ना॥ ना हाङ्‌हाङ्‌ङा डोक् खानिगा खेक् हिट्‌नुङ् निङ्‌ग्‍वा खिरिस्‍ट येसुङि जोगाँ चोगुङ् युङ्‌सुटु॥

कालास्‌सि 1:20

हिट्‌नुङ् माङ्‌हाङ् उइछालाम्‍मा सोब्‍बे थोक्‌चि फेरि उन्‍ङाना चोगुचे॥ जब उइछा खाप्‍चेङि सिए हिट्‌ना उइछाङाना ओहेलिक्‌लाम्‍मा डोक् टोनालोग् हिट्‌नुङ् नाराङि उलिसागा सोब्‍बे थोक् उन्‍ङा टोङ्‌सुचे॥

१ थेसालोनिकि 3:4

पोङ्‌भोने आन्‍याँ खानिलोक् वासिङाना बेला डोक् आन्‍याँ याङ्‌छामा आङ्‌मा कोन्‌युक् नुङ् पाइला डोक् लोनानिगा डागा॥ छेम्‍बा डोक् आन्‍याँ माटुम्‍माना गाड्‌डे लिसे, हिट्‌ना रिङ् खानिङा ठाहा आटोगुमे॥

१ थेसालोनिकि 3:7

हिट्‌डेउङ् भुम्‍भु-झान्‍झाचि, खानिङि लिसाना बिस्‍वासङाना खाबोर खेम्‍सुमुङ् आन्‍याँङि लिसाना ख्‍वाप्‍पा याङ्‌छामा हिट्‌नुङ् निङ्‌ग्‍वा सागुङि चा आन्‍याँ निङ्‌ग्‍वा आड्‌डिक् भेरेङ् लिसे॥

२ थेसालोनिकि 3:16

हाट्‌ले आनि हाङ्‌हाङ् कापिबा टाङ्‌बा आप्‍पे उन्‍ङा डोक् सोरोक् हिट्‌नुङ् सोब्‍बे बेला खानि हाङ्‌हाङ् मापिड्‌याक्॥ हिट्‌नुङ् खानि सोब्‍बेलोक् टाङ्‌बा उलियाक्॥

२ तिमोथि 3:12

खिरिस्‍ट येसुङि धारमोति लिमा निङ्‌ग्‍वा काचोक्‍बाङा आरुलाम्‍मा याङ्‌छामाउङ् आङ्‌मा डोक् कोन्‌युक्॥

हिब्‍रु 11:25

उन्‍ङा पापलाम्‍मा टाना छोप्‍मोङ् धारि सुखा टोग्‍मा नुङ्‌ना माङ्‌हाङ् ओयाप्‌मिचिलोक् एक्‍के याङ्‌छामा आङ्‌मा डोक् उनिङ्‌ग्‍वा टाए॥

हिब्‍रु 7:2

आब्‍राहामङा लडाइङि मेट्‌टुचिउङ् टाडुगा सोब्‍बे थोक्‌ङाना दासांस माल्‌किसेदेक पिडुए॥ माल्‌किसेदेक उनिङ्‌ङाना उटुप्‍बाक् “धारमोति हाङ्‌बा” हिट्‌नुङ् सालेमङिना हाङ्‌बाङाना उटुप्‍बाक् “हाङ्‌हाङ्‌ङाना हाङ्‌बा” नुङ् लियुक्॥

१ पाटरुस 5:9

बिस्‍वासङि बोल्‍लेउ लिसानिउङ् सैतानङाना बिरोध चोगानुम्, पोङ्‌भोने खानि गाड्‌डे डोक् नाराङिगा ख्‍वाप्‍पालेङ् आरु बिस्‍वासि भुम्‍भु-झान्‍झाचि हिट्‌नुङ् नाना-झान्‍झाचिङा चा नाड्‌डेगा याङ्‌छामा ओआङ्‌डुएट्‌टुगा रिङ् खानिलोङ्‌सा ठाहा युङ्‌ग्‍वा॥

१ युहान्‍ना 2:13

पाबाचि, आङा खानि लोङ्‌सा छेप्‍टुएट्‌टुङ्, पोङ्‌भोने उटुम्‌लाम्‍मा वासेट्‌टाना खानिङा मिसेन् आनिसुम्‍टुम्॥ ठाङ्‌बेन्‌चि, आङा खानि लाउङ्‌सा छेप्‍टुएट्‌टुङ्, पोङ्‌भोने खानिङा सैतान आमेट्‌टुएसुम्‍मे॥

१ युहान्‍ना 4:4

खानि आइछाचि गाड्‌डेगा, खानिम्‍बाक् माङ्‌हाङ्‌ङाना ओयाप्‌मिचि, हिट्‌नुङ् खानिङा हिट्‌नागा माङ्‌जो रिङ् काहिसिक्‍बाचि आमेट्‌टुम्‌चिम्‍मे, पोङ्‌भोने खानिलोक्‍ना सेङ्‌सेङ्‌ना हाङ्‌साम्‍बाक् नाराङि लिसाना हाङ्‌सा नुङ्‌ना माङ्‌ठेना ए॥

१ युहान्‍ना 5:4

पोङ्‌भोने माङ्‌हाङ् ओछालेट्‌चि ख्‍वाप्‍पाङा नाराङिगा ओभेन्‍गा थोक्‌चि मेप्‍मा उहिडुटु॥ नाड्‌डेउङ् नाराङिगा ओभेन्‍गा रिङ्‌चि आनि बिस्‍वासलाम्‍मा डोक् मेप्‍मा हिडुम्‍टुम्॥

पारकास 12:11

आनि भुम्‍बु-झान्‍झाचि हिट्‌नुङ् नाना-झान्‍झाचिङा थुमाङाना ओहेलिक् हिट्‌नुङ् हिट्‌नागाँ पारचार ओचोगुना छेम्‍बाना रिङ्‌ङा हिट्‌ना सैतान ओमेट्‌टुएसुए॥ हिट्‌नुङ् हिट्‌नागाँ येसु लाउङ्‌सा उन्‌चि चोला सिमा लाउङ्‌सा पिमा चा उकिट्‌नेट्‌नि॥

पारकास 3:21

जुन् याप्‌मिङा दुस्‍टा मेट्‌टुटु, हिट्‌ना आङा युङ्‌ङाना डेन्‌ङि आङा सोरि युङ्‌माना आधिकार पिडुङ्‌टुङ्, हिट्‌नुङ् हिट्‌नाङा आङालोक् सासान् चोगुटु, खोड्‌डेउङ् आङा चा दुस्‍टा मेट्‌टुङेना, हिट्‌नुङ् हाट्‌ले आङा आङाना माङ्‌हाङ् पाबालोक् उन् युङ्‌ना डेन्‌ङि युङैसाङे॥

पारकास 7:14

हिट्‌नुङ् आङा लोडुङे, “आडाङ्‌बा, आङा ठाहा टोक्‌निङ्‌ना, हिट्‌नागा साक्‌चि नुङ् खान्‍ङा डोक् ठाहा आटोगुटु॥” हिट्‌नुङ् उन्‍ङा आङा याङ्‌लोडे, “नागाउम् माङ्‌ठेना याङ्‌छामा ओआङ्‌डुङ् ओटायागा याप्‌मिचि ए॥ हिट्‌नागाँ आ-आप्‍पे उन्‌चि लोट्‌लिङ् थुमाङाना ओहेलिक्‌ङा ओवासिडुङ् फुट्‌टुम्‍बुरि ओचोगुएसुए॥