युहान्‍ना 16:14 - आठपहरिया

¹⁴ उन्‍ङा आङाना माहिमा चोगुटु, पोङ्‌भोने पाक् आङाना, हिट्‌ना आङालाम्‍मा खाट्‌टुङ् खानि मालोडिटि॥

युहान्‍ना 16:14 ပူးပေါင်းရင်းမြစ်များ

युहान्‍ना 14:21

आङा माट्‌टुङ्‌गा रिङ् खेम्‍सुङ् हिड्‌डे गाड्‌डे काचोक्‍बा डोक् आङा माया काचोक्‍बा याप्‌मि ए॥ हिट्‌नुङ् आङा माया काचोक्‌लोङ्‌सा पाबाङा चा माया चोगुटु, हिट्‌नुङ् आङा चा उन् माया चोगुङ्‌टुङ् हिट्‌नुङ् आङा आप्‍पेलाउङ्‌सा हिट्‌ना सोरि पारकाट् चोगुङ्‌टुङ्॥”

युहान्‍ना 15:26

“आङा पाबालाम्‍मा छेम्‍बाना हाङ्‌सा खानि घुवार काफाबा खानिङि पाङ्‌सुङ्‌टुङ्॥ उन् पाबालाम्‍मा उङ्‌युक् हिट्‌नुङ् उन्‍ङा डोक् आङाना बारेङि ख्‍वाप्‍पा साँचि मापिडिटि॥

युहान्‍ना 7:39

ना रिङ् येसुङा उन्‌ङि बिस्‍वास काचोक्‌चिङा ओटोगु लाबुना सेङ्‌सेङ्‌ना हाङ्‌साङाना बारेङि माट्‌टुना डाना॥ टरो हिट्‌ना बेला सोम्‍मा माङ्‌हाङ्‌ङा सेङ्‌सेङ्‌ना हाङ्‌सा हिट्‌नागा पिडुन्‍गेट्‌टुन्‌चिन्‍गा डागा, पोङ्‌भोने उन्‍ङा येसुङाना माहिमा पारकाट् चोगुन्‍गेट्‌टुन्‍ना डाना॥

१ कोरिन्‌थि 12:3

हिड्‌नाड्‌डेउङ् ना रिङ् खानिङा बुजा चोगानुम् नुङ् लोनाँनि, माङ्‌हाङ्‌ङाना ओहाङ्‌सालाम्‍मा काचेक् याप्‌मि येसुङाना बिरुद्‌दाङि चेक्‌निना, हिट्‌नुङ् सेङ्‌सेङ्‌ना हाङ्‌सालाम्‍मा एडोक् येसु डोक् आङाना टाङ्‌बा नुङ् माप्‍मा हिडुटु॥

२ कोरिन्‌थि 4:6

पोङ्‌भोने माङ्‌हाङ्‌ङा माट्‌टुए, “डुम्‍बारिक् डुम्‌लाम्‍मा व्‍हाङ् ओओम्‌याक्,” आनि निङ्‌ग्‍वाङि चा उन्‍ङाना व्‍हाङ् ओम्‍सेसे, हिट्‌डेउङ् खिरिस्‍टङाना ओनाभाक्‌ङि पारकाट् चोगुना माङ्‌हाङ्‌ङाना माहिमा आनि ठाहा टोग्‍मा हिडुम्‍टुम्॥

गालाति 5:5

माङ्‌हाङ्‌ङा आनि धारमोति ए नुङ् आलाड्‌ना रिङ् ठाहा टोक्‍मा माङ्‌हाङ्‌ङाना ओहाङ्‌साङा डोक् आनि घुवार आफायुक्, पोङ्‌भोने आनि खिरिस्‍टङि बिस्‍वास चोगुम्‍टुम्॥

१ पाटरुस 2:7

नाड्‌डेउङ् खानि बिस्‍वास काचोक्‍बाचिलोङ्‌सा ना लुङ्‌गेॽवा आड्‌डिक् बाहुमुल्‍ले लियुक्॥ टरो बिस्‍वास काचोक्‌निबाचि लाउङ्‌साम्‍टे, “लुङ् काछेट्‌बाचिङा ओलेप्‍टुना लुङ्‌गेॽवा डोक् पाङ् ओजाग्‌ङि छेट्‌माना उसुरङिना मुलि लिङ्‌गेॽवा लिसे॥”

१ युहान्‍ना 3:23

उन्‍ङा आनि आग्‍याँ आचोगाना रिङ्उम्‍बाक् ना डोक् ए, आनि उन्‍ङाना छा येसु खिरिस्‍ट उनिङ्‌ङि बिस्‍वास चोग्‍मा कोन्‌युक्, हिट्‌नुङ् उन्‍ङा आनि आहिसिक्‍टा गाड्‌डे डोक् ठिबाङ्‌ङा आरकोलाउङ्‌सा माया चोक्‍मा कोन्‌युक्॥

१ युहान्‍ना 5:20

हिट्‌नुङ् माङ्‌हाङ् छा टाइसे, हिट्‌नुङ् छेम्‍बाना माङ्‌हाङ् मिसेन् निमा उहिडुम् नुङ् उन्‍ङा आनि लाउङ्‌सा बुजा चोक्‍माना ठोना चा आपिडाना रिङ् ठाहा युङ्‌ग्‍वा॥ हिट्‌नुङ् आनि छेम्‍बाना माङ्‌हाङ्‌ङि वासेट्‌टि, पोङ्‌भोने आनि उन्‍ङाना छा येसु खिरिस्‍टङि वासेट्‌टि॥ उन् एरोक् छेम्‍बाना माङ्‌हाङ् हिट्‌नुङ् उन्‍ङा एरोक् याप्‌मिचि लाट्‌निना चोला पिमा हिडुचिचि॥

१ युहान्‍ना 5:6

येसु खिरिस्‍ट चुवाङाना बाप्‌टिस्‍मा हिट्‌नुङ् खाप्‍चेङि हेलिक् वेडुङ् टाए, उन् चुवालाम्‍मा एरोक् माखाक्, टरो उन् चुवा हिट्‌नुङ् हेलिक्‌लोक् चा टाए॥ हिट्‌नुङ् ना छेम्‍बाना ए नुङ् सेङ्‌सेङ्‌ना हाङ्‌साङा डोक् साँचि पिडुटु, पोङ्‌भोने सेङ्‌सेङ्‌ना हाङ्‌सा डोक् छेम्‍बाना ए॥

पारकास 19:10

हिट्‌नुङ् हिट्‌ना माङ्‌हाङ् रिङ् काउग्‍बा माङ्‌ध्‍यान् चोक्‍मा लाउङ्‌सा ओटोकानाङि गुङ् चोगाङे, टरो हिट्‌नाङा आङा नाड्‌डे याङ्‌लोडे, “नाड्‌डे चोक्‍नेन्॥ आङाउम्‍टे खान् हिट्‌नुङ् बिस्‍वासि कासाइबाचि गाड्‌डे येसुङाना सेवा काचोक्‍बा एडोक् ए॥ खान्‍ङा माङ्‌हाङ् एडोक् माङ्‌ध्‍यान् चोक्‍मा कोन्‌युक्, पोङ्‌भोने छेम्‍बाना माङ्‌हाङ्‌लाम्‍माना रिङ् काचेक्‍बाङा एडोक् येसुङाना बारे आरु लोडुचिचि॥”