युहान्‍ना 16:11 - आठपहरिया

¹¹ हिट्‌नुङ् उन्‍ङा माङ्‌हाङ्‌ङाना न्‍याए बारेङि चा निमेट्‌टुचिचि, पोङ्‌भोने नाराङिना सासान् काचोक्‍बा पाइले डोक् माङ्‌हाङ्‌ङा न्‍याए चोक्‍मा हिडुएसुए॥

युहान्‍ना 16:11 ပူးပေါင်းရင်းမြစ်များ

मात्‌ति 12:18

“आङा सेगुङ्‌ना आमायालु सेवाक् उन् डोक् ए, उन्‌लोक् आङा आड्‌डिक् हारका लिसाइसाङे॥ उन् उठुङ्‌ङि आङाना हाङ्‌सा ठेन्‍डुङ्‌बिडुङ्‌टुङ्, हिट्‌नुङ् उन्‍ङा सोब्‍बे छोङ्‌बाचि साहि न्‍याएङाना बारेङि पारचार चोगुटु॥

मात्‌ति 12:36

आङा खानि लोनाँनि, खेडोक्‍गा रिङ् ओचेक्‍गा याप्‌मिचि न्‍याएङाना लेम्‍बा हिट्‌ना ठिक्-ठिक् रिङ्‌ङाना हारहिसाब् पिमा कोन्‌युक्॥

लुका 10:18

हिट्‌नुङ् येसुङा हिट्‌नागा लोडुचे, “आए, आङा सैतान टोनालोग्‌लाम् मिङा ओलाप्‍को गाड्‌डे ओम्‍साउङ् ठाया उङ्‌साना निसुङे॥

युहान्‍ना 12:31

हाट्‌ले ना नाराङाना न्‍याए चोक्‍मा बेला लिसाइसे॥ हाट्‌ले ना नारा सासान् काचोक् सासाक् माङ्‌हाङ्‌ङा भारा लेप्‍टुटु॥

युहान्‍ना 14:30

हाट्‌लेम्‍टे आङा खानिलोक् आरु जोम् रिङ् चेक्‍मा टोक्‌निङ्‌ना, पोङ्‌भोने ना नाराङिना सासान् काचोक्‍बा टायुगेट्॥ हिट्‌नाङा आङा पाक्‍चा चोक्‍मा याङ्‌हिनिना॥

युहान्‍ना 16:12

“आङा खानि लोमाना रिङ्उम् आझै जोम् युङ्‌ग्‍वा, टरो हाट्‌ले खानिङा ना नुङ्‌ना याप्‍मा बुजा चोक्‍मा आहिनिम्‍ना॥

मुलिचेला टोॽवा 10:42

हिट्‌नुङ् ख्‍वाप्‍पा याप्‌मिचि पारचार चोक्‍मा, हिट्‌नुङ् उन् उहिङ्‌ग्‍वाट् हिट्‌नुङ् उसियागा न्‍याए काचोक्‍बा लिमालोङ्‌सा माङ्‌हाङ्‌ङा सेगुना याप्‌मि नुङ् माप्‍मा लोङ्‌सा आन्‍याँ आग्‍याँ याप्‌मिपिडे॥

मुलिचेला टोॽवा 24:25

पावालङा “माङ्‌हाङ्‌ङाना धारमिक्‍ता, निङ्‌ग्‍वा मुक्‍ठुङ्‌ङि युङ्‌माना रिङ् हिट्‌नुङ् माङ्‌हाङ्‌ङा न्‍याए चोक्‍माना लेम्‍बा टायुगेट्‌ना” रिङ् माट्‌टुना खेम्‍सुङ् फेलिक्‍स किट्‌टे हिट्‌नुङ् लोडुए, “हाट्‌ले याक्‍टुए, हाट्‌ले खान् खाडा॥ हान्‍डेङ् छिङ्‌डेन् आङा भ्‍याप् चोगुङे भोने खान् छेम्‍नाँ॥”

मुलिचेला टोॽवा 26:18

खान्‍ङा हिट्‌नागा याप्‌मिचिगा मिक् ओङ्‌सुबिडुचि, हिट्‌नुङ् हिट्‌नागा डुम्‍बारिक् डुम्‍लाम्‍मा व्‍हाङ्‌ङि हिट्‌नुङ् सैतानङाना ओसाक्‌तिलाम्‍मा माङ्‌हाङ्‌ङि ओनोक्‌याक्॥ हिट्‌नुङ् माङ्‌हाङ्‌ङा हिट्‌नागाँगा पाप टुगुबिडुचिचि, हिट्‌नुङ् हिट्‌नागाँ माङ्‌हाङ्‌ङि बिस्‍वास ओचोगुनाँ उन्‍ङा सेगुचिगा ओयाप्‌मिचिलोक् साङ्‌गाटिङि युङ्‌मा ओटोगुटु॥’

रोमि 16:20

हिट्‌नुङ् हाङ्‌हाङ् कापिबा माङ्‌हाङ्‌ङा एला डोक् सैतान उठुङ्‌ङि सासान् चोक्‍माना बोल् खानि मापिडिटि हिट्‌नुङ् हिट्‌ना जाखाम् चोगुटु॥ आनि टाङ्‌बा येसुङाना मायादाया खानिलोक् उलियाक्॥

रोमि 2:16

हिट्‌ना लेम्‍बा टायुगेट् जाबो माङ्‌हाङ्‌ङा खिरिस्‍ट येसु याप्‌मिचिगा उन्‌चि निङ्‌ग्‍वाङि ठोबागा रिङ्‌ङाना न्‍याए काचोक्‍बा चोगुटु॥ ना रिङ् डोक् आङा नुना खाबोर पारचार चोगुङ्‌नाँ माट्‌टुङ्‌टुङ्॥

१ कोरिन्‌थि 4:5

हिट्‌डेउङ् बेला मिलिए पाइले डोक् न्‍याए चोक्‍नेनुम्, टाङ्‌बा उङ्‌लोक् सोम्‍मा हाङ्‌सानुम्॥ टाङ्‌बाङा डोक् डुम्‍बारिक् डुम्‌ङि ठोबागा रिङ् व्‍हाङ्‌ङि पारकाट् चोगुटु, हिट्‌नुङ् याप्‌मिचिगा निङ्‌ग्‍वाङिगा रिङ् पारचिन्‍दा चोगुटु॥ हिट्‌ना बेला सोब्‍बे याप्‌मिचिङा ओचोगुना टोॽवालाम्‍मा टोक्‍माना जाए-जाए माङ्‌हाङ्‌लाम्‍मा ओटोगुटु॥

२ कोरिन्‌थि 4:4

ना नाराङिना साम्‍माङ् ओलोडुना सैतानङा आबिस्‍वासिचिगा निङ्‌ग्‍वा डोम्-डोम् चोगुबिडुएसुचे॥ हिट्‌डेउङ् हिट्‌नागाँ खिरिस्‍टङाना बारेङि नुना खाबोर लोक् उन्‍ङाना माहिमा बुजा चोक्‍मा उहिडुन्‍ना॥ खिरिस्‍टउम् माङ्‌हाङ् गाड्‌डेना डोक्॥

एफिसि 2:2

हिट्‌ना बेला खानि चा भेन्‍ना टोॽवा ओचोग्‍गा नाराङिगा आरु याप्‌मिचि गाड्‌डे डोक् चोक्‍सा आयुङिगा डागा, हिट्‌नुङ् टाङ्‌साङ्‌ङि सासान् काचोक् हाङ्‌साङाना सासाक् मानाँ आचोगुम्‍ना डाना॥ हाट्‌ले हिट्‌ना हाङ्‌सा डोक् माङ्‌हाङ् इन्‍कार काचोक्‍बा याप्‌मिचि सोरि टोॽवा चोगुएट्‌टु॥

कालास्‌सि 2:15

हिट्‌नुङ् खिरिस्‍टङा हिट्‌नागा निनिम्‍गा ओभेन्‍गा रिमेट्‌चिगा बोल् लोक् आधिकारचि मेट्‌टुचिउङ् खाप्‍चेङि डोक् सोब्‍बेङा ठाहा ओटोगुलोक् मोम्‍मासिमा मेट्‌टुचिउङ् हिट्‌नागालाम्‍मा हिट्‌ना बोल् नाप्‍टुए॥

हिब्‍रु 2:14

पोङ्‌भोने नागा छालेट्‌चि हेलिक् लोक् साङाना येम् उलिसानाँ येसु चा हिट्‌नागा गाड्‌डे डोक् सा लोक् हेलिक् लिसाना याप्‌मि लिसे॥ हिट्‌नुङ् येसु सियाउङ् एडोक् आसेड्‌ना साक्‌ति लिसाना सैतान जाखाम् चोगुए॥

हिब्‍रु 6:2

हिट्‌डेडोक् खाले-खाले बाप्‌टिस्‍मा बारे सिकाँ लिमाना रिङ्, याप्‌मिचि उठुङ्‌ङि मुक् युङ्‌माना बारेङि हिट्‌नुङ् उसियागा उहिङ्‌ग्‍वाट् उलियुङ् ओकोब्‍गा रिङ्‌ङि हिट्‌नुङ् आखेरिङिना न्‍याए बारेङि फेरि फेरि रिङ् चोक्‌निम्‍चा॥

हिब्‍रु 9:27

सोब्‍बे याप्‌मिचि एक्‌खेप् सिमा डोक् कोन्‌युक्, हिट्‌नुङ् उसियुङ् माङ्‌हाङ्‌ङा हिट्‌नागा न्‍याए चोगुचिचि॥

२ पाटरुस 3:7

हिट्‌नाड्‌डे डोक् ना बेला लिसाना टाङ्‌साङ् लोक् नारा चा मिलाम्‍मा जाखाम् चोक्‍माउङ्‌सा माङ्‌हाङ् उरिङ्‌ङा डोक् जोगाँ चोगुङ् युङ्‌सुएसुए॥ उन्‍ङा आधारमोति याप्‌मिचि जाखाम् चोक्‍माउङ्‌सा न्‍याए चोक्‍माना लेम्‍बा सोम्‍मा टाङ्‌साङ् लोक् नारा युङ्‌सुएसुए॥

१ युहान्‍ना 3:8

जुन्‍ङा पाप चोगुयाक्‍टुटु हिट्‌ना सैतानङाना ओयाप्‌मि ए, पोङ्‌भोने सैतानङा उटुम्‌लाम्‍मा डोक् पाप चोक्‍सा टाइसे॥ हिट्‌नाड्‌डेउङ् सैतानङाना टोॽवा जाखाम् चोक्‌सिङा माङ्‌हाङ् छा ठेट्‌टाना ए॥

पारकास 1:7

ओछेक्‍छेक् लिसानिउङ् पुयानुम्, येसु खिमेमाङि उङ्‌युगेट्, हिट्‌नुङ् सोब्‍बे याप्‌मिचिङा उन् उनिसुटु॥ उन् ओरोक्‍टुना याप्‌मिचिङा चा उनिसुटु॥ हिट्‌नुङ् नाराङिगा ख्‍वाप्‍पा याप्‌मिचि उन् उनिसुङ् निङ्‌ग्‍वाङि दुखेसो ओचोक्‌युक्॥ छेम्‍बा नाड्‌डे लियुक्॥ आमेन्॥