युहान्‍ना 15:8 - आठपहरिया

⁸ खानिङा जोम् टुल्‍फुल आकेङुमे भोने, ना रिङ्‌ङा डोक् आङाना पाबाङाना माहिमा लियुक्, हिट्‌नुङ् खानि आचेलाचि आलिसिटि॥

युहान्‍ना 15:8 ပူးပေါင်းရင်းမြစ်များ

मात्‌ति 5:16

हिड्‌डे डोक् कुपिङाना व्‍हाङ् गाड्‌डे डोक् खानि व्‍हाङ् चा याप्‌मिचि सोरि ओओम्‌याक्, हिट्‌डेउङ् हिट्‌नागाँ खानिङा आचोगुम्‍ना नुना टोॽवा उनिसुटुटु हिट्‌नुङ् टोनालोग्‌ङिना माङ्‌हाङ् पाबाङाना माहिमा ओचोगुटु॥

मात्‌ति 5:44

टरो आङा खानि लोनाँनि, खानि साट्‌टुरचि माया चोगानुम्‌चिम्, हिट्‌नुङ् खानि निङ्‌ग्‍वा टुक्‍मेप्‍मा मामेट्‌टिगा लोङ्‌सा बिन्‌टि चोगाबिडानुम्‌चिम्॥

मात्‌ति 9:8

ना डोङ् ठोङ्‌डिना टोॽवा याप्‌मिचिगा खिमेयाङ्‌मेङा उनिसुङ् हिट्‌नागा उकिट्‌टे, हिट्‌नुङ् याप्‌मिचिलोङ्‌सा नाड्‌डेना आधिकार कापिबा माङ्‌हाङ्‌ङाना उनिङ् ओचोन्‍डुए॥

लुका 6:35

“टरो खानिङा खानि साट्‌टुरचि चा माया चोगानुम्‌चिम्, हिट्‌नुङ् हिट्‌नागा नुलोक् चाट्‌ला मेट्‌टानुम्‌चिम्॥ हिट्‌नुङ् फेरि टोक्‍माना निङ्‌ग्‍वा युङ्‌सा नाॽवा पिनेनुम्‌चिम्, हिट्‌नुङ् खानिङा ठेना इनाम् आटोगोम्‍टुम् हिट्‌नुङ् खानि सोब्‍बे नुङ्‌ना ठेना माङ्‌हाङ्‌ङाना ओछालेट्‌चि आलिसिटि, पोङ्‌भोने उन्‍ङा निङ्‌ग्‍वा एकेलेङ् ओचोग्‍गा हिट्‌नुङ् दुस्‍टाचि चा लुक्‍मा टुक्‍टुचिचि॥

युहान्‍ना 13:35

खानिङा ठिबाङ्‌ङा आरको माया चोक्‍गा चोक् आचोगिटि भोने, खानि आचेलाचि नुङ् सोब्‍बेङा ठाहा माटोगिटि॥”

युहान्‍ना 15:5

“आङ्‌गुर उभुङ्‌मा आङा डोक् हिट्‌नुङ् खानिम्‍बाक् ओडालाचि ए॥ कोइ आङालोक् लिसे भोने, हिट्‌नुङ् आङा हिट्‌नालोक् लिसाङे भोने, हिट्‌नाँ जोम् टुल्‍फुल केङुटु, पोङ्‌भोने आङालाम्‍मा आसाम्‌डिउङ् खानिङा पाक्‍चा चोक्‍मा आहिनिम्‍ना॥

युहान्‍ना 8:31

येसुङा उन्‌ङि बिस्‍वास काचोक्‍बा याहुदिचि लोडुचे, “आङा हिसिक्‍नानिगा रिङ् पालान् आचोगुम्‍टुम् भोने, खानि छेम्‍बारोक् आचेलाचि ए॥

१ कोरिन्‌थि 10:31

नाड्‌डेउङ् आङा लोनाँनि, खानिङा आचाम्‍चा, आठुङुम्‍चा, जे सुके आचोगिचा, सोब्‍बे माङ्‌हाङ्‌ङाना उनिङ् चोन्‍मा लोङ्‌सा चोगानुम्॥

१ कोरिन्‌थि 6:20

पोङ्‌भोने माङ्‌हाङ्‌ङा याप्‍मा मुल्‍ले हुङुङ् खानि माइनिगा॥ नाड्‌डेउङ् खानिङा खानि येम्‌ङा माङ्‌हाङ् मान् चोगानुम्॥

फिलिप्‌पि 1:11

हिट्‌नुङ् येसु खिरिस्‍टङाना बोल्‌लाम्‍मा खानि चोलाङि धारमिक्‍ताङाना टोॽवा चोगानुम्, ना ओचेट्‌नुना टोॽवा याप्‌मिचिङा उनिसुङ् माङ्‌हाङ् मान् उपिडुटु हिट्‌नुङ् उनिङ् ओचोन्‍डुटु॥

तितास 2:10

हिट्‌नागाँ चोर उखुट्‌टुन् टरो सोरोक् नुना हिट्‌नुङ् बिस्‍वासिलो याप्‌मि उलियाक्॥ हिट्‌डेउङ् हिट्‌नागा सोब्‍बेङा आनि काहिङ्‌मेप्‍बा डाङ्‌बा माङ्‌हाङ्‌ङाना खाबोर खेम्‍माना निङ्‌ग्‍वा याप्‌मिचिगा ओचोगुबिडुचियाक्॥

तितास 2:5

हिट्‌नुङ् जोम् निङ्‌ग्‍वा कारिबा, चोखो, नुलोक् पाङ्‌ठाङ् कापुबा, लुक्‍मा काटुक्‍बा हिट्‌नुङ् खानि टालिबाङ्‌ङाना काबुङि युङानि पिक्‍सा हिसिक्‍मा उहिडुचिचि॥ हिट्‌डेउङ् साङा चा माङ्‌हाङ् उरिङ् बारेङि माङ्‌जोना रिङ् ओचेक्‌निगा॥

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

१ पाटरुस 4:11

कोइलोक् चेक्‍माना बारदान युङ्‌ग्‍वा भोने माङ्‌हाङ् उन्‌लाम्‍मा चेक्‌टि गाड्‌डे डोक् हिट्‌ना ओचेक्‌याक्॥ कोइङा सेवा चोगुटु भोने माङ्‌हाङ्‌ङा पिडुना बोल्‌लाम्‍मा हिट्‌नाँ सेवा ओचोगुवाक्॥ हिड्‌डेउङ् नागा ख्‍वाप्‍पा रिङ्‌ङि येसु खिरिस्‍टलाम्‍मा माङ्‌हाङ्‌ङाना डोक् उनिङ् टो-टो उलियाक्॥ ख्‍वाप्‍पा माहिमा हिट्‌नुङ् बोल् उन्‌ङि डोक् सोरोक् उलियाक्॥ आमेन्॥