युहान्‍ना 15:6 - आठपहरिया

⁶ कोइ याप्‌मि आङि लिनेट्‌नि भोने, काम लिनिना हागेप्‍पा गाड्‌डे डोक् भारा लेप्‌युक्, हिट्‌नुङ् हिट्‌ना चोप्‌युएट्‌युक्॥ नाड्‌डेगा ओहागेप्‍पाचि याप्‌मिचिङा उछुम्‍सुटु, हिट्‌नुङ् मिङि ओठेन्‍डुङ् ओहाट्‌टुढिसुटु॥

युहान्‍ना 15:6 ပူးပေါင်းရင်းမြစ်များ

मात्‌ति 13:41

हिट्‌ना बेला याप्‌मि छाङा उन्‍ङाना माङ्‌हाङ् रिङ् काउग्‍बाचि पाङ्‌सुचिचि, हिट्‌नुङ् पाप चोक्‍मा कामेप्‍बाचि हिट्‌नुङ् ओभेन्‍गा टोॽवा काचोक् सोब्‍बेलोङ्‌सा उन्‍ङाना मुलुक्‌लाम्‍मा हिट्‌नागाँ उछुम्‍सुचिचि,

मात्‌ति 27:5

ना रिङ् खेम्‍सुङ् याहुदाङा हिट्‌ना रुपाङाना राङ्‌चि माङ्‌ठाना भिट्‌रा लेप्‍टुङ् हिट्‌ना खाडे, हिट्‌नुङ् छुडासिए॥

मात्‌ति 3:10

हाट्‌ले डोक् सिङ् उभुङ्‌मा ओजाराङि माङ्‌हाङ्‌ङा न्‍याएङाना फेन्‌डिक्‌ङा ठोग्‍मा टेयार चोगुएसुए॥ हिट्‌डेउङ् ओचेट्‌नुलोक् टुल्‍फुल ओकेङुन्‍गा सोब्‍बे सिङ् उभुङ्‌माचि ओटाङुचिउङ् मिङि ओठेन्‍डुचिचि॥

मात्‌ति 7:19

हिड्‌डेउङ् ओचेट्‌नुलोक् टुल्‍फुल ओकेङुन्‍गा सोब्‍बे सिङ् उभुङ्‌माचि ओडाङ्‌बाङा टाङुचिचि हिट्‌नुङ् मिङि उडुडिसुटु॥

युहान्‍ना 15:2

आङि लिसागा उसा केङुन्‍गा ओहागेप्‍पाचि उन्‍ङा खोक्‍टुचिचि, हिट्‌नुङ् उसा ओकेङुगा सोब्‍बे ओहागेप्‍पाचिङा आझै जोम् उसा ओकेङुवाक् नुङ् उन्‍ङा रुबुटु॥

हिब्‍रु 10:27

टरो नाड्‌डेगा रिङ् काचोक्‍बाचिङा किट्‌सा माङ्‌हाङ्‌ङाना साजाए हाङ्‌मायाक्‍मा कोन्‌युक्, पोङ्‌भोने माङ्‌हाङ्‌ङा ओसाट्‌टुरचि हाट्‌युयाक्‍ना मिङाना उभुङ्‌रोङि ठेन्‍डुचिउङ् साजाए पिडुचिचि॥

२ पाटरुस 2:20

हिट्‌नुङ् जब याप्‌मिचिङा आनि टाङ्‌बा लोक् काहिङ्‌मेप्‍बा डाङ्‌बा येसु खिरिस्‍ट मिसेन् उनिसुङ् नाराङिना जाखाम्‌ङि आठेन्‍ना रिङ्‌लाम्‍मा ओहोन्‍डाउङ् चा फेरि हिट्‌ना रिङ्‌ङि डोक् लाहाब् उलियुक् भोने, हिट्‌नागाँगा आवास्‍था पाइले नुङ्‌ना चा झान् ओचाफेन्‍लोक् लियुक्॥

१ युहान्‍ना 2:19

हिट्‌नागा आनिलेङ्‌गा माखाक्, हिट्‌नाड्‌डेउङ् आनि आपोक्‍टाढाउङ् ओखाडे॥ छेम्‍बा हिट्‌नागा आनिगालेङ्‌गा नाउम्‍बे हिट्‌नागा आनिलोक् उयुङेबे, टरो हिट्‌नागा होन्‍डा ओखाडाउङ् हिट्‌नागा आनिगा माखाक् नुङ् ना रिङ्‌ङा पारचिन्‍दा चोगुए॥

पारकास 21:8

टरो डारछेरुवा याप्‌मिचि, धोका कापि याप्‌मिचि, चिम्‍मा फुट्‌टुम्‍ना टोॽवा काचोक्‌चि, याप्‌मि कासेट्, हिट्‌नुङ् इम्‍मेट्‌माजामा टोॽवा काचोक्‌चि, चाटाके याप्‌मिचि, मुरति साम्‍माङ् काचोक् याप्‌मिचि हिट्‌नुङ् माङ्‌जो रिङ् ओचेग्‍गा याप्‌मिचि मि लोक् गान्‍धाक् हाट्‌ना भाट्‌टिङि ओठायुक्॥ हिट्‌नाम्‍बाक् दोस्‍रो खेप् सिमा ए॥”