युहान्‍ना 15:25 - आठपहरिया

²⁵ टरो धारमाबिधिङि छेप्‍टाना ना रिङ् उयुयाक् नुङ् डोक् नागा ख्‍वाप्‍पा लिसा टाए, ‘पाक्‍चा माले हिट्‌नागाँ आङा चिम्‍मा उफुट्‌टाङे॥’

युहान्‍ना 15:25 ပူးပေါင်းရင်းမြစ်များ

मात्‌ति 10:8

टुखुमाङ्‌चि नुमेट्‌टानुम्‌चिम्, उसियागा उहिङ्‌ग्‍वाट् चोगानुम्‌चिम्, कुस्‍टा रोगिचि चोख्‍याँ चोगानुम्‌चिम्, हिट्‌नुङ् ओचाफेन्‍ना रिमेट्‌चि होट्‌टानुम्‌चिम्॥ खानिङा खेडोक् आटोगुम्‍मे, हिट्‌नुङ् खेडोक् डोक् पिडानुम्‌चिम्॥

लुका 24:44

हिट्‌नुङ् हिट्‌नागा लोडुचे, “आङा खानिलोक् वासाङ्‌नाँ मोसाङा छेप्‍टुना धारमाबिधिङाना छाप्‍ला, माङ्‌काटाचिङा ओछेप्‍टुना छाप्‍ला हिट्‌नुङ् छाम्‍लोमा छाप्‍लाङि आङाना बारेङि छेप्‍टाना रिङ्‌चि ख्‍वाप्‍पा युयुक् पिक्‍सा आङा खानि लोनानिगा॥”

युहान्‍ना 10:34

येसुङा हिट्‌नागा लोडुचे, “पाक् खानि धारमाबिधिङि माङ्‌हाङ्‌ङा ‘आङा लोनाने, खानि माङ्‌चि ए’ नुङ् माट्‌टुना रिङ् छेप्‌निगेट्‌निनै टे?

युहान्‍ना 13:18

“आङा खानि ख्‍वाप्‍पाङाना बारेङि माट्‌टुङ्‌ना माखाक्, आङा सेगुङ्‌चिङ्‌गा लाउङ्‌सा मिसेन् निसुङ्‌चिङ्‌चिङ्॥ टरो ‘आङाना चालेपा काचाबा आङाना बिरुद्‌दाङि कोबे’ नुङ् धारमाछाप्‍लाङि छेप्‍बालाक् रिङ् युमा डोक् कोन्‌युक्॥

युहान्‍ना 19:36

“हिट्‌नागाँ उन्‍ङाना ठिक् चा ओसारुॽवा ओएगुन्‍ना” नुङ् धारमाछाप्‍लाङि छेप्‍टाना रिङ् युमा डोक् ना रिङ् लिसाना ए॥

रोमि 3:19

हाट्‌ले धारमाबिधिङा जे रिङ् माट्‌टुटु हिट्‌ना धारमाबिधिङाना आधिन्‌ङि उलिगा याप्‌मिचिलाउङ्‌सा माट्‌टुना रिङ् नुङ् आन्‍याँ ठाहा टोगुम्‍टुम्‍मा॥ नाड्‌डेउङ् साक्‍लोक् चा पाक्‍चा माप्‍माना रिङ् लिनिना हिट्‌नुङ् नाराङिगा ख्‍वाप्‍पा याप्‌मिचि माङ्‌हाङ्‌ङाना न्‍याए सोरि येप्‍मा कोन्‌युक्॥

रोमि 3:24

टरो माङ्‌हाङ्‌ङा उन्‍ङाना मायादाया आनि आपिडे हिट्‌नुङ् धारमोति आचोगे॥ उन्‍ङा खिरिस्‍ट येसुलाम्‍मा आनि पापङाना साजाएलाम्‍मा छुट्‌कारा आपिडे॥

२ कोरिन्‌थि 11:7

आङा माङ्‌हाङ्‌ङाना ना नुना खाबोर पारचार चोगुङ्‌नाँ खानिङा पालोवालो हुङानुम् नुङ् आङा काइले चा नाक्‍नेयाट्‌निङ्॥ टरो खानि टो आलिस्‍याक् नुङ् आङा आप्‍पेलाउङ्‌सा यो चोगुङे॥ पाक् आङा नाड्‌डे चोक्‍मा गाल्‌ति लिसेनि टे?

गालाति 2:21

आङा माङ्‌हाङ्‌ङाना मायादाया खेडोक्‍ना नुङ् चोक्‌निङ्‌ना, पोङ्‌भोने धारमाबिधि पालान् चोगुमुङ् माङ्‌हाङ् सोरि धारमोति लिसिटि भोनेउम्‍टे खिरिस्‍ट सिमा डोक् कोन्‍नेयाट्‌नि बे॥

२ थेसालोनिकि 3:8

आन्‍याँ साङागा चा ओफाबा मिहुङ्‌ङे पाक्‍चा चानेट्‌निम्‍मा ठुङ्‌नेट्‌निम्‍मा॥ टरो खानि खोनालाउङ्‌सा चा दुखा उलिन्‍याक् नुङ् आन्‍याँ लेन्‍सेन् निङ्‌ग्‍वा पिडुम्‍मुङ् टोॽवा चोगिङे॥

पारकास 21:6

उन्‍ङा आङा याङ्‌लोडे, “हाट्‌ले सोब्‍बे रिङ् आङा चोक्‍मा हिडुङे॥ आल्‍फा हिट्‌नुङ् ओमेगा, उटुम् हिट्‌नुङ् आन्‍ते आङा डोक्॥ जुन् याप्‌मिङाना ओयेप्‍मा काड्‌युक्, हिट्‌ना आङा लाट्‌निना चोला आपिना चुवाङाना उपुन्‌लाम्‍मा ठुङ्‌मा पिडुङ्‌टुङ्, हिट्‌नाङा इम्‍मा कोन्‌निना॥

पारकास 22:17

सेङ्‌सेङ्‌ना हाङ्‌सा हिट्‌नुङ् खिरिस्‍टङाना बेहुलिङा नाड्‌डे माट्‌टुटु, “आबानि॥” जुन्‍ङा नागा रिङ् खेम्‍सुटु हिट्‌नाँ चा ओमाट्‌टुवाक्, “आबानि॥” खोना लाउङ्‌सा ओवेप्‍मा काडेसेना हिट्‌ना ना चोला आपिना चुवा ठुङ्‌ङा ओआब्‍याक्॥