युहान्‍ना 15:19 - आठपहरिया

¹⁹ खानि ना नाराङिगा याप्‌मिचि आलिसानाँ बे हिट्‌नागाँ खानि आन्‍याँ याप्‌मि नुङ् मामिट्‌टियुङ् माया माचोगिए बे॥ टरो खानि ना नाराङिगा माखाक्, हिट्‌नुङ् खानि नारालाम्‍मा आङा सेग्‍नाने, हिट्‌डेउङ् नाराङिगा याप्‌मिचिङा खानि चिम्‍मा माफुट्‌टिटि॥

युहान्‍ना 15:19 ပူးပေါင်းရင်းမြစ်များ

मात्‌ति 10:22

आङि बिस्‍वास आचोगुम्‍नाँ सोब्‍बे याप्‌मिचिङा खानि चिम्‍मा माफुट्‌टिटि॥ टरो आन्‍ते सोम्‍मा बिस्‍वास चोगुयाक्‍टुनाम्‍बाक् हिङ्‌युक्॥

मात्‌ति 24:9

“हिट्‌ना बेला याप्‌मिचिङा खानि मालाबिटि हिट्‌नुङ् साजाए पिमा माखाट्‌टिटि, हिट्‌नुङ् खानि मासेडिटि, हिट्‌नुङ् आनिङ्‌ङि बिस्‍वास आचोगुम्‍नाँ सोब्‍बे छोङ्‌चिङा खानि चिम्‍मा माफुट्‌टिटि॥

लुका 6:32

“खानिलाउङ्‌सा माया काचोक्‌चि एडोक् माया आचोगुचिम्‍गा भोने, खानिङा पाक् ओचेट्‌नुना टोॽवा आचोगुमेना टे? नाड्‌डेनाम् टे पापि याप्‌मिचिङा चा ओचोगुटु॥

युहान्‍ना 13:18

“आङा खानि ख्‍वाप्‍पाङाना बारेङि माट्‌टुङ्‌ना माखाक्, आङा सेगुङ्‌चिङ्‌गा लाउङ्‌सा मिसेन् निसुङ्‌चिङ्‌चिङ्॥ टरो ‘आङाना चालेपा काचाबा आङाना बिरुद्‌दाङि कोबे’ नुङ् धारमाछाप्‍लाङि छेप्‍बालाक् रिङ् युमा डोक् कोन्‌युक्॥

युहान्‍ना 15:16

खानिङा आङा आसेगेट्‌टिन्‍ना, टरो आङा खानि सेग्‍नाने॥ हिट्‌नुङ् खानि खाडानिउङ् सोरोक् लियुयाक्‍ना टुल्‍फुल केङानुम् नुङ् खानिलोङ्‌सा टोॽवा पिनाने॥ हिट्‌डेउङ् खानिङा पाबालोक् आनिङ्‌ङि जे आनाक्‍टुम् चा उन्‍ङा खानि मापिडिटि॥

युहान्‍ना 6:70

येसुङा हिट्‌नागा लोडुचे, “पाक् आङा आप्‍पे डोक् खानि बारो जाना सेग्‍नानिगा माखाइ टे? टरो खानि माड्‌डेङि ठिबाङ्उम् दियाबालास डोक्॥”

याकुब 4:4

हाउ इम्‍मेप्‍माजामा टोॽवा काचोक् याप्‌मिचि, नाराङिगा थोक् माया काचोक्‍बा याप्‌मि माङ्‌हाङ्‌ङाना ओसाट्‌टुर लियुक् नुङ् खानिलोङ्‌सा ठाहा वाइना इ? नाड्‌डेउङ् नाराङिगा थोक् माया काचोक् याप्‌मिङा माङ्‌हाङ् ओसाट्‌टुर चोगुटु॥

१ पाटरुस 4:3

पाइले खानिङा पानिछोङ्‌बाचिङा ओचोगुगा गाड्‌डे डोक् खानि छाडा, पापि निङ्‌ग्‍वा, इमालिङ्‌ङा टेडुबाचि, मोज्‍मोज्‍जा, इमालिङ् जोम् काठुङ्‌बा हिट्‌नुङ् चिम्‍मा फुट्‌टुम्‍गा मुरतिचि साम्‍माङ् चोक्‍मा डोक् खानि बेला जोम् खेरो आटिसुम्‍मे॥

१ युहान्‍ना 3:12

आनि कायिन गाड्‌डे लिमा लिनिना॥ उन् सैतानङाना ओयाप्‌मि डाना, हिट्‌नुङ् आप्‍पे उन्‍झा सेडुए॥ हिट्‌नाङा आप्‍पे उन्‍झा पोङ् सेडुएना? पोङ्‌भोने हिट्‌नाङाना ओटोॽवा भेन्‍ना डाना, हिट्‌नुङ् आप्‍पे उन्‍झाङाना टोॽवाम्‍बाक् नुना डाना॥

पारकास 12:17

हिट्‌नुङ् हिट्‌ना मेच्‍छेमालोक् हिट्‌ना ठेना ओप्‍पुङाना आड्‌डिक् ओयाक् लेडे, हिट्‌नुङ् हिट्‌ना मेन्‍झेमाङाना आरु ओछालेट्‌चि बिरुद्‌दाङि हिट्‌ना चुङ्‌सिङा खाडे॥ हिट्‌नागाम्‍बाक् माङ्‌हाङ्‌ङाना आग्‍याँ पालान् काचोक्‌चि हिट्‌नुङ् येसुङाना हिसिक्‍मा बिस्‍वास काचोक्‌चि ओडागा॥

पारकास 12:9

हिट्‌ना ठेना ओप्‍पु आच्‍छो बेलाना ओप्‍पु ए, हिट्‌ना दियाबालास हिट्‌नुङ् सैतान चा ओलोडुए, हिट्‌नाँ डोक् सोब्‍बे नाराङिगा याप्‌मिचि बान्‍डुचिगा॥ हिट्‌ना उदुतचिलोक् एक्‍केउ नाराङि ओलेप्‍टुए॥