युहान्ना 14:27 - आठपहरिया27 “आङा खानिलोङ्सा हाङ्हाङ् पिनाढानाँनि॥ आप्पे आङाना हाङ्हाङ् खानि पिनाँनि हिट्नुङ् नाराङा आपिना गाड्डेना हाङ्हाङ् माखाक्॥ खानि निङ्ग्वा टुक्नेनुम् हिट्नुङ् किट्नेनिन्॥ အခန်းကိုကြည့်ပါ။ |
युहान्ना 14:27
65 ပူးပေါင်းရင်းမြစ်များ
हिट्डेउङ् खानि सोब्बे रोमङि आयुङिगा मायालु याप्मिचि खानिलाउङ्सा माङ्हाङ्ङा माया माचोगिटि हिट्नुङ् ओयाप्मिचि नुङ् माछेम्डिगा खानि लाउङ्सा ना चिट्ठि छेप्टुङ्गेट्टुङ्॥ हिट्नुङ् खानिलाउङ्सा माङ्हाङ् आनि पाबा लोक् आनि डाङ्बा येसु खिरिस्टङा मायादाया लोक् हाङ्हाङ् मापिड्याक् नुङ् आङा बिन्टि चोगुङ्टुङ्॥
हाट्ले सान्ति आपिना माङ्हाङ्ङा खानि चाहाब् आलिसिगा सोरोक् ओचेट्नुगा थोक् खानि मापिडिटि नुङ् आङा बिन्टि चोगुङ्टुङ्, हिट्नुङ् उन्ङा निङ्ग्वा चोगुना रिङ् खानिङा चोक्मा आहिडुम्टुम्॥ ठुँबाचिगा ठेना गोठाले आनि डाङ्बा येसुलाउङ्सा माङ्हाङ्ङा सियानालाम्मा उहिङ्ग्वाट् फोगुए॥ येसुङाना ओहेलिक्लाम्मा माङ्हाङ्ङा उन् हिट्नुङ् ओयाप्मिचि माझाङि सोरोक् लियुयाक्ना माङ्हुप् उटुम् चोगुए॥ माङ्हाङ् पाक् रिङ्ङा खुसि चोगुटुना हिट्ना रिङ् आनिङि येसु खिरिस्टलाम्मा उन्ङा चोगुटु नुङ् आङा बिन्टि ठाङ्सुङ्टुङ्, हिट्नुङ् खिरिस्टङाना माहिमा जुग-जुग उलियाक्॥ आमेन्॥
आङा युहान्नाङा ना खाबोर एसिया छेट्राङि उलिसागा सि ओटा माङ्पाङ्ङिगा लाउङ्सा छेप्टुएट्टुङ्॥ माङ्हाङ् पाबा, सि ओटा हाङ्सा हिट्नुङ् येसु खिरिस्टङाना मायादाया हिट्नुङ् हाङ्हाङ् खानिलोक् उलियाक्॥ माङ्हाङ् हाट्ले चा उन् युङ्ग्वा, पाइले चा डाना, हिट्नुङ् हान्डेङ् चा लियुक्॥ सि ओटा हाङ्सा माङ्हाङ् युङ्ना सिङासान् ओटाकानाङि युङ्ग्वा॥ येसु खिरिस्ट माङ्हाङ्ङा लोडुना रिङ्ङि बिस्वासिलो ए, उन् सियानालाम्मा उहिङ्ग्वाट् कोबाना पाइलेना याप्मि हिट्नुङ् उन् नाराङिगा हाङ्बाचि सासान् काचोक्बा ए॥ येसुङा आनि माया आचोक्युक् हिट्नुङ् उन्ङा आप्पेलाउङ्सा खाप्चेङि भोक् पिडुङ् आनि पापलाम्मा छुट्कारा आनि आपिडैसे॥
हाट्ले खानिङा आङ्डुम्लाबुम्ना याङ्छामालोक् किट्नेनिन्॥ खानि बिस्वास जाँचा चोक्माउङ्सा खानि माड्डे कोइ-कोइ सैतानङा खाम्बाङ्ङि माठेन्डिटि॥ हिट्नुङ् खानिङा ठिमेक् लेम्बा टेप्मा याङ्छामा आआङ्डुम्टुम्॥ टरो सिमा डोक् कोन्ना लिचा आङि बिस्वास चोक्मा नानेनुम्, हिट्नुङ् आङा खानि खोना बेला चा लाट्निना चोलाङाना इनाम् पिनाँनि॥
टरो डारछेरुवा याप्मिचि, धोका कापि याप्मिचि, चिम्मा फुट्टुम्ना टोॽवा काचोक्चि, याप्मि कासेट्, हिट्नुङ् इम्मेट्माजामा टोॽवा काचोक्चि, चाटाके याप्मिचि, मुरति साम्माङ् काचोक् याप्मिचि हिट्नुङ् माङ्जो रिङ् ओचेग्गा याप्मिचि मि लोक् गान्धाक् हाट्ना भाट्टिङि ओठायुक्॥ हिट्नाम्बाक् दोस्रो खेप् सिमा ए॥”
ကြော်ငြာတွေ