युहान्ना 14:26 - आठपहरिया26 जब घुवार काफाबा, सेङ्सेङ्ना हाङ्सा आङाना पाबाङा आनिङ्ङि पाङ्सुटु, उन्ङा डोक् खानि ख्वाप्पा रिङ् माहिसिक्टिटि हिट्नुङ् आङा लोनानिगा सोब्बे रिङ् मिप्मा मामेट्टिटि॥ အခန်းကိုကြည့်ပါ။ |
युहान्ना 14:26
75 ပူးပေါင်းရင်းမြစ်များ
“छेम्बा डोक्, खानि पापलाम्मा काएल्-काबु आलिसिउङ् माङ्हाङ्लेङ् आनोक्टिगा रिङ् निमेप्मा लोङ्सा आङा खानि चुवाङा बाप्टिस्मा पिनाँनि, टरो आङाना ओएङ्स्वा टायुगेट्ना आङा नुङ्ना साक्तिसालि वाहेट्, आङाउम्टे उन्ङाना ओलाङ्सुप् खुमा चा याङ्खान्ना नुना याप्मि माखाक्॥ हिट्नुङ् उन्ङा डोक् खानि सेङ्सेङ्ना हाङ्सा लोक् मिङा बाप्टिस्मा मापिडिटि॥
याप्मिचिङा खानि मालाबि माखाट्टिउङ् मुद्दा माठेन्डिटि हिट्ना बेला पाक् रिङ् माप्माना नुङ् खानि निङ्ग्वा ओेभेन्निचा॥ टरो हिट्ना बेला माङ्हाङ्ङा पाक् मालोडिटिगा हिट्ना रिङ् डोक् माट्टानुम्, पोङ्भोने हिट्ना बेला खानिङा आप्पे निङ्ग्वाङिना रिङ् आमाट्निम्ना टरो सेङ्सेङ्ना हाङ्सा खानिङि लियुङ् चेक्युक्॥
ठिक् लेम्बा उन्ङा हिट्नागालोक् चामा चासिङा युङाना बेला उन्ङा हिट्नागा नाड्डे लोडुचे, “खानि यरुसलेमलाम्मा खोनि चा खाट्नेनिन्, टरो टोनालोग्ङिना आङाना माङ्हाङ् पाबाङा सेङ्सेङ्ना हाङ्सा पिनाँनि पिक्सा चोगुना चामारसिङा खानिङा हाङ्सानुम्॥ ना रिङ्उम्टे पाइला आङा लोनानिगा खानिङा आखेम्सुएसुम्मे॥
आङा पानिछोङ्बाचिलाउङ्सा माङ्हाङ्ङाना बारेङि ओचेट्नुना खाबोर पारचार चोगुङुङ् खिरिस्ट येसुङाना सेवा चोगुङ्टुङ्॥ नाड्डेउङ् पुजारिङा भेटि ठाङ्सु गाड्डे डोक् आङा चा हिट्नागा माङ्हाङ्ङाना उनिङ्ग्वा टासुना भेटि ठाङ्मा हिडुङ्टुङ्, पोङ्भोने सेङ्सेङ्ना हाङ्साङा हिट्नागा सेङ्सेङ्गा याप्मिचि चोगुएसुचे॥
माङ्हाङ्ङा हिट्नागा माङ्काटाचिङा ओचोगुना सेवा हिट्नागा आप्पे लाउङ्सा माखाक्, टरो खानि लाउङ्सा नुङ् हिट्नागा लोडुचे॥ हिट्नुङ् टोनालोग्लाम्मा पाङ्बालाक् सेङ्सेङ्ना हाङ्साङाना बोल्ङि खानि लाउङ्सा टाप्बालाक् नुना खाबोर हिट्नागाँ हाट्ले खानि माझाङि पारचार ओचोगुएसुए॥ ना रिङ् माङ्हाङ् रिङ् काउग्बाचिङा चा ठाहा टोक्मा ओकोलुएट्टु॥
टरो खानिङाम्बाक् सेङ्सेङ्ना हाङ्सा आटोगुएसुम्मे, हिट्नुङ् उन् खानिङि लियुक्, हिट्डेउङ् साङा चा खानि हिसिक्मा कोन्निना॥ पोङ्भोने सेङ्सेङ्ना हाङ्साङा खानि सोब्बे रिङ् सिकाँ माचोगिटि, हिट्नुङ् उन्ङा सिकाँ माचोगिगा रिङ् छेम्बाना ए, माङ्जोना माखाक्॥ सेङ्सेङ्ना हाङ्साङा सिकाँ माचोगि गाड्डे डोक् खिरिस्टङि लिसानि॥
ကြော်ငြာတွေ