युहान्‍ना 14:21 - आठपहरिया

²¹ आङा माट्‌टुङ्‌गा रिङ् खेम्‍सुङ् हिड्‌डे गाड्‌डे काचोक्‍बा डोक् आङा माया काचोक्‍बा याप्‌मि ए॥ हिट्‌नुङ् आङा माया काचोक्‌लोङ्‌सा पाबाङा चा माया चोगुटु, हिट्‌नुङ् आङा चा उन् माया चोगुङ्‌टुङ् हिट्‌नुङ् आङा आप्‍पेलाउङ्‌सा हिट्‌ना सोरि पारकाट् चोगुङ्‌टुङ्॥”

युहान्‍ना 14:21 ပူးပေါင်းရင်းမြစ်များ

लुका 11:28

येसुङा लोडुए, “हिट्‌नाड्‌डे माखाक्, टरो माङ्‌हाङ् रिङ् काखेम्‍बा हिट्‌नुङ् हिट्‌डेडोक् काचोक्‍बा याप्‌मिचि गो माङ्‌हाङ्‌ङा जोम् आसिक् पिडुचिचि॥”

युहान्‍ना 14:15

“खानिङा आङा माया आचोगिटिङा भोने, आङा लोनानिगा आग्‍याँ आटेन्‌डिटि॥

युहान्‍ना 14:18

आङा खानि याङ्आछाडिगा गाड्‌डे पोक्‍नेनिन्‍गा, आङा फेरि खानि सोरि टाङा॥

युहान्‍ना 15:14

आङा लोनानिगा गाड्‌डे खानिङा आचोगुम्‍टुम् भोने, खानि आसाइबाचि ए॥

युहान्‍ना 16:14

उन्‍ङा आङाना माहिमा चोगुटु, पोङ्‌भोने पाक् आङाना, हिट्‌ना आङालाम्‍मा खाट्‌टुङ् खानि मालोडिटि॥

युहान्‍ना 16:27

पाबा आप्‍पेङा खानि माया माचोगिटि, पोङ्‌भोने खानिङा आङा माया याङ्आचोगिएसिङे हिट्‌नुङ् आङा माङ्‌हाङ्‌लाम्‍मा टायाङ्‌ना नुङ् बिस्‍वास आचोगिएसिङे॥

युहान्‍ना 17:23

आङा हिट्‌नागालोक्, हिट्‌नुङ् खान् आङि आवाहेट्॥ नाड्‌डेउङ् हिट्‌नागा चा ख्‍वाप्‍पा ठिक्‍ए उलियाक्॥ ना रिङ्‌लाम्‍मा डोक् खान्‍ङा आङा याङ्आपाङ्‌साङ्‌ना हिट्‌नुङ् खान्‍ङा आङा माया याङ्आचोगाङ्‌ना गाड्‌डे खान्‍ङा हिट्‌नागा माया आचोगुचिगा नुङ् नाराङिगा याप्‌मिचिङा ठाहा टोक्‍मा उहिडुवाक्॥

मुलिचेला टोॽवा 22:18

हिट्‌नुङ् आङा टाङ्‌बा निसुङे हिट्‌नुङ् उन्‍ङा याङ्‌लोडे, ‘एला चोगाउङ् यरुसलेमलाम्‍मा खाडालेट्‌टा, पोङ्‌भोने खान्‍ङा आङाना बारेङि आलोडुचिगा रिङ् नागा याप्‌मिचिङा ओखेम्‍सुन्‍गा॥’

२ कोरिन्‌थि 12:8

ना याङ्‌छामालाम्‍मा आङा छुट्‌कारा ओटोगुङ् नुङ् सुम्‍बोक् खेप् टाङ्‌बालोक् बिन्‌टि ठाङ्‌सुङे॥

२ कोरिन्‌थि 3:18

टाङ्‌बाङि बिस्‍वास काचोक् आनि सोब्‍बेङा आनि नाभाक् घुम्‍टोङा मिटेप्‍मे उन्‍ङाना माहिमा पारकाट् चोगुम्‍टुम्॥ टाङ्‌बा हाङ्‌सा ए, हिट्‌नुङ् उन्‍ङा आनि उन् गाड्‌डे डोक् आड्‌डिक् याप्‍मा फेराँ आचोक्‌युङ् आझै झान् उन्‍ङाना माहिमाङि ओम्‌सिटि॥

२ कोरिन्‌थि 4:6

पोङ्‌भोने माङ्‌हाङ्‌ङा माट्‌टुए, “डुम्‍बारिक् डुम्‌लाम्‍मा व्‍हाङ् ओओम्‌याक्,” आनि निङ्‌ग्‍वाङि चा उन्‍ङाना व्‍हाङ् ओम्‍सेसे, हिट्‌डेउङ् खिरिस्‍टङाना ओनाभाक्‌ङि पारकाट् चोगुना माङ्‌हाङ्‌ङाना माहिमा आनि ठाहा टोग्‍मा हिडुम्‍टुम्॥

२ थेसालोनिकि 2:16

हाट्‌ले आनि टाङ्‌बा येसु खिरिस्‍ट आप्‍पे हिट्‌नुङ् माङ्‌हाङ् आनि पाबा जुन्‍ङा आनि माया आचोगे, हिट्‌नुङ् उन्‍ङा दाया आचोक्‌युङ् खोना बेला चा लाट्‌निना आँट् लोक् छेम्‍बाना आसा आपियाक्॥

२ तिमोथि 4:22

टाङ्‌बा येसु खान्‌लोक् उलियाक्॥ हिट्‌नुङ् माङ्‌हाङ्‌ङाना मायादाया खानिलोक् उलियाक्॥

१ युहान्‍ना 2:5

टरो जुन्‍ङा उरिङ् पालान् चोगुटु, हिट्‌नाङा छेम्‍बा डोक् माङ्‌हाङ् माया चोगुटु॥ आनि उन्‌ङि वासेट्‌टि नुङ् ना रिङ्‌लाम्‍मा डोक् ठाहा लियुक्॥

१ युहान्‍ना 3:1

खेम्‍सानुम्, आनिलोङ्‌सा पाबाङा आम्‍टेप्‍मा जोम् माया आचोगाइसे, उन्‍ङा आचोगाना मायाङा आनि उन्‍ङाना छालेट्‌चि आलोडाइसे, हिट्‌नुङ् छेम्‍बा डोक् आनि माङ्‌हाङ्‌ङाना छालेट्‌चि डोक् ए॥ टरो ना नाराङिगा याप्‌मिचिङा आनि मिसेन् आनिनिगा, पोङ्‌भोने हिट्‌नागाँ उन् मिसेन् उनिसुन्‍ना॥

१ युहान्‍ना 5:3

माङ्‌हाङ् माया चोक्‍मा डोक् उन्‍ङाना आग्‍याँ टेन्‍मा ए॥ हिट्‌नुङ् उन्‍ङा आलोडागा रिङ् चोक्‍मा आनि लाउङ्‌सा टुक्‌निना॥

२ युहान्‍ना 1:6

माया चोक्‍माम्‍बाक् माङ्‌हाङ्‌ङा आनि आलोडाना गाड्‌डे लाम्‌टिमा ए॥ खानिङा उटुम्‌लाम्‍मा आखेम्‍सुम्‍ना आग्‍याँम्‍बाक् ना डोक् ए– खानि सोब्‍बेङा ठिबाङ्‌ङा आरको माया चोक्‍मा कोन्‌युक्॥

पारकास 2:17

“खेम्‍माना नुभेक् लोक्‍गाङा सेङ्‌सेङ्‌ना हाङ्‌साङ्‌ङा खानि माङ्‌पाङ्‌ङिगा लाउङ्‌सा पाक् मालोडिटिगा नुलोक् खेम्‍सानुम्॥ जुन्‍ङा दुस्‍टा मेट्‌टुटु, हिट्‌ना आङा टोनालोग्‌ङि ठोप्‍बालाक् मोन्‍ना पिडुङ्‌टुङ्॥ हिट्‌नुङ् आङा हिट्‌ना ओछोङ्‌ग्‍वाट् निङ् छेप्‍टाना ठिक् फुट्‌ना लुङ्‌गेॽवा चा पिडुङ्‌टुङ्॥ जुन्‍ङा हिट्‌ना लुङ्‌गेॽवा टोगुटु हिट्‌नाँ एडोक् हिट्‌ना निङ् निसुटु॥”

पारकास 22:14

हिट्‌नुङ् जुन् याप्‌मिचिङा उन्‌चि लोट्‌लिङ् सेङ्‌सेङ् ओहोप्‍टुटु, हिट्‌नागालोक् माङ्‌हाङ् आड्‌डिक् हारका लियुक्, हिट्‌नुङ् हिट्‌नागाँ चोला आपिना टुल्‍फुल चामाना हाक ओटोगुटु हिट्‌नुङ् खालाङ्‌गाङिना ढुवारिक्‌लाम्‍मा लिक्‍माना आधिकार ओटोगुटु॥

पारकास 3:20

खेम्‍सानुम्, आङा ढुवारिक्‌ङि येप्‍माउङ् निप्‍टुङ्‌टुङ्॥ कोइङा आरिङ् खेम्‍सुङ् ढुवारिक् ओङ्‌सुटु भोने, आङा भिट्‌रा लिक्‌ङा हिट्‌नुङ् हिट्‌नालोक् चामा चाङ्‌टुङ् हिट्‌नुङ् हिट्‌नाङा आङालोक् चोटु॥