युहान्‍ना 14:20 - आठपहरिया

²⁰ हिट्‌ना लेम्‍बा खानिङा आङा आप्‍पाङि हिट्‌नुङ् खानि आङि, हिट्‌नुङ् आङा खानिङि वाङेट्‌ना नुङ् ठाहा आटोगुम्‍टुम्॥

युहान्‍ना 14:20 ပူးပေါင်းရင်းမြစ်များ

युहान्‍ना 10:38

टरो आङा पाबाङाना टोॽवा चोगुङ्‌टुङ् हिट्‌नुङ् चा खानिङा आङा बिस्‍वास आचोगिन्‍नागा भोने, नागा टोॽवा पुयानुमुङ् बिस्‍वास चोगानुम्, हिट्‌नुङ् पाबा आङि वाहेट्, हिट्‌नुङ् आङा पाबाङि वाङेट्‌ङा नुङ् खानिङा ठाहा आटोगुम्‍टुम् हिट्‌नुङ् बुजा आचोगुम्‍टुम्॥”

युहान्‍ना 14:10

पाक् आङा पाबाङि हिट्‌नुङ् पाबा आङि वाहेट् नुङ् खान्‍ङा बिस्‍वास आचोगुन्‍ना इ? खानि लोनानिगा रिङ् आङाना आप्‍पे आनिङ्‌ग्‍वाङिना रिङ् माट्‌टुङ्‌ना माखाक्, टरो आङि युङ्‌ना पाबाङा उन्‍ङाना ओटोॽवा आङालाम्‍मा चोगुएट्‌टु॥

युहान्‍ना 14:11

आङा पाबाङि हिट्‌नुङ् पाबा आङि वाहेट् नुङ् बिस्‍वास चोगानुम्॥ हिट्‌डे माखाक् भोने आङा चोगुङ्‌गा नागा टोॽवा पुयानुमुङ् बिस्‍वास चोगानुम्॥

युहान्‍ना 16:23

हिट्‌ना बेला खानिङा आङा पाक्‍चा आसिलाप्‌टिन्‍नागा॥ छेम्‍बा आङा खानि लोनाँनि, आङाना पाबालोक् खानिङा आनिङ्‌ङि जे आनाक्‍टुम् चा उन्‍ङा खानि मापिडिटि॥

युहान्‍ना 16:26

हिट्‌ना बेला खानि आप्‍पेङा आनिङ्‌ङि उन् आनाक्‍टुम्‍टुम्, हिट्‌नुङ् आङा खानि लोङ्‌सा पाबालोक् नाक्‍माबिमा कोन्‌निना॥

युहान्‍ना 17:11

हाटले आङा नाराङि लिनिङ्‌ना, पोङ्‌भोने आङाम्‍बाक् खान्‌ङि काट्‌नागेट्‌नाँ टरो हिट्‌नागाम् नाराङि डोक् ओवाहेट्॥ हाउ सेङ्‌सेङ्‌ना आप्‍पो, खान्‍ङा आङा याङ्आपिडाङ्‌गालोङ्‌सा कानिङ्‌ङाना बोल्‍ङा हिट्‌नागा जोगाँ चोगुङ् युङ्‌सुचि, हिट्‌डेउङ् आनि गाड्‌डे डोक् हिट्‌नागा चा एक्‍केउ उलियाक्॥

युहान्‍ना 17:26

आङा खान्‍ङाना बारेङि हिट्‌नागा हिसिक्‍टुएसुङ्‌चिङे, हिट्‌नुङ् हिट्‌नागा खान्‍ङाना बारेङि हिसिक्‍मा नानिङ्‌चिङ्‌गा, हिट्‌डेउङ् खान्‍ङा आङा माया याङ्आचोगा गाड्‌डे डोक्, हिट्‌नागाँ चा उन्‌चि उन्‌चिङि माया चोग्‍गा चोक् ओचोक्‌याक्, हिट्‌नुङ् आङा आप्‍पे हिट्‌नागालोक् लिङा॥”

युहान्‍ना 17:7

खान्‍ङा आङा याङ्‌आपिडाङ्‌ना सोब्‍बे रिङ् खान्‌लाम्‍मा ओटायागा नुङ् हाट्‌ले हिट्‌नागाँ ठाहा ओटोगुएसुए॥

युहान्‍ना 6:56

जुन्‍ङा आङाना आयेम् चोटु हिट्‌नुङ् आङाना आहेलिक् ठुङुटु हिट्‌नाम्‍बाक् आङि लियुक्, हिट्‌नुङ् आङा उन्‌ङि युङ्‌ङा॥

रोमि 16:7

हिट्‌नुङ् एन्‍डरोनिकास हिट्‌नुङ् युनियासलाउङ्‌सा चा बाबा ए याङ्‌लोडाबिडानि॥ हिट्‌नागाचि आङालोक् एक्‍केउ खाम्‍बाङ्‌ङि ठायाचिगा याहुदि आसाइबाचि ए॥ हिट्‌नागाचि सोब्‍बे मुलिचेलाचिङा मान् ओचोगुचिगा ए, हिट्‌नुङ् हिट्‌नागाचिङा आङा बिस्‍वास चोक्‍मा पाइले डोक् खिरिस्‍टङि बिस्‍वास चोगेसाचुगा ए॥

रोमि 8:1

हिट्‌नाडेउङ् हाट्‌ले खिरिस्‍ट येसुङि भोरोसा उयुङ्‌सुगालाउङ्‌सा माङ्‌हाङ्‌ङा फाट्‌टुर लाबुन्‌चिन्‍गा॥

१ कोरिन्‌थि 1:30

माङ्‌हाङ्‌ङा आनि खिरिस्‍ट येसुलोक् ठिक्‍ए आचोगाइसे, हिट्‌नुङ् आनिना ओचेट्‌नु लाउङ्‌सा माङ्‌हाङ्‌ङा खिरिस्‍ट डोक् आनिना ठोना आचोगाबिडे॥ खिरिस्‍टङा आनि माङ्‌हाङ् ओटोकानाङि धारमोति आचोगाइसे, हिट्‌नुङ् आनि चोखो लोक् सेङ्‌सेङ् आचोगाइसे, हिट्‌नुङ् पापलाम्‍मा आनि छुट्‌कारा आचोगाइसे॥

२ कोरिन्‌थि 12:2

ठिबाङ् खिरिस्‍टङि बिस्‍वास काचोक् याप्‌मि टोनालोग्‌ङि चौधा बारखा पाइले माङ्‌हाङ्‌ङा फोगु खाट्‌टुना आङा ठाहा टोगुङ्‌टुङ्॥ हिट्‌ना याप्‌मि ओयेम्‌ङि इ ओहाङ्‌साङि इ आङा ठाहा टोक्‌निङ्‌ना, माङ्‌हाङ्‌ङा एडोक् ठाहा टोगुटु॥

२ कोरिन्‌थि 13:5

खानि बिस्‍वासङि दोरो आवासेट्‌टिगि माइना इ खानि आप्‍पेङा आप्‍पेलाउङ्‌सा जाँच चोगानुमुङ् पुयानुम्॥ येसु खिरिस्‍ट खानिलोक् युङ्‌ग्‍वा नुङ् खानिलाउङ्‌सा ठाहा युङ्‌ग्‍वा, टरो येसु खिरिस्‍ट वाइना भोने, बिस्‍वासङाना जाँचङि खानि आसाफाल आलिसिए॥

२ कोरिन्‌थि 5:17

नाड्‌डेउङ् कोइ याप्‌मि खिरिस्‍टङि वाहेट् भोने, हिट्‌ना ओछोङ्‌ग्‍वाट् याप्‌मि लियुक्॥ पाइलेगा रिङ् मासाउङ् खाडे, पुयानुम्, हाट्‌ले सोब्‍बे रिङ् ओछोङ्‌ग्‍वाट् उलिसेसे॥

२ कोरिन्‌थि 5:19

आन्‍याँ माप्‍मा कोलुम्‍माना रिङ्उम्‍बाक् माङ्‌हाङ्‌ङा सोब्‍बे याप्‌मिचि खिरिस्‍टलाम्‍मा टोङ्‌सुएट्‌टुचिगा डागा॥ माङ्‌हाङ्‌ङा याप्‌मिङा ओचोगुगा उन्‌चि पापङाना फाट्‌टुर लाबुन्‌चिन्‍गा॥ हिट्‌नुङ् उन्‍ङाना हाङ्‌हाङ्‌ङाना हिट्‌ना खाबोर याप्‌मिचि लोमाना टोॽवा आनि आपिडेसे॥

गालाति 2:20

आङा खिरिस्‍टलोक् खाप्‍चेङि छुडाइसाङे, हिट्‌नुङ् हाट्‌लेलाम्‍मा आङा आप्‍पे हिङ्‌निङ्‌ना, टरो खिरिस्‍ट डोक् आङि हिङ्‌युक्॥ आझै आङा ना येम्‌ङि हिङ्‌ङा, टरो आङा माया काचोक् हिट्‌नुङ् ओचोला कापि माङ्‌हाङ् छाङि बिस्‍वास चोगुङुङ् आङा हिङ्‌ङा॥

एफिसि 2:10

माङ्‌हाङ्‌ङा आनि आचोगाना ए॥ खिरिस्‍ट येसुलोक् आनिना साम्‍बान्‍धा लिसानाँ, आनि चोलाङि नुना टोॽवा चोक्‍मा लाउङ्‌सा ओछोङ्‌ग्‍वाट् चोला आनि टोगुएसुम्‍मे॥ आनि हिट्‌नागा नुगा टोॽवा चोगुम् नुङ् माङ्‌हाङ्‌ङा पाइले डोक् टेयार चोगुएसुना॥

कालास्‌सि 1:19

पोङ्‌भोने माङ्‌हाङ्‌ङा उन्‍ङाना ख्‍वाप्‍पा ओचाट्‌ला उइछाङि युङ्‌मा डोक् निङ्‌ग्‍वा लोसे॥

कालास्‌सि 1:27

माङ्‌हाङ्‌ङा ओयाप्‌मिचिलाउङ्‌सा ना माहिमित ठोबाना रिङ् पानिछोङ्‌बाचि लाउङ्‌सा आड्‌डिक् चाहाब् लिना रिङ् नुङ् निमेट्‌माचिगा निङ्‌ग्‍वा चोगुए॥ ना ठोबाना रिङ्उम्‍बाक् खिरिस्‍ट खानिङि लिमा ए, ना रिङ्‌ङा खानि उन्‍ङाना माहिमा टोक्‍माना रिङ्‌ङाना निस्‍चाएता मापिडिटि॥

कालास्‌सि 2:9

पोङ्‌भोने खिरिस्‍ट याप्‌मि लिसा चा, उन् पुरो माङ्‌हाङ् ए॥

१ युहान्‍ना 4:12

साङा चा खोना बेला चा माङ्‌हाङ् उनिसुन्‍गेट्‌टुन्‍ना॥ टरो आनि ठिबाङ्‌ङा आरको माया चोगुम्‍टुम् भोने, माङ्‌हाङ् आनिलोक् युङ्‌युक्, हिट्‌नुङ् उन्‍ङाना माया आनिङि युडैसे॥