युहान्‍ना 13:21 - आठपहरिया

²¹ नाटेप्‍मा माप्‍मा हिडुङ् येसुङाना उनिङ्‌ग्‍वा आड्‌डिक् टुगे हिट्‌नुङ् हिट्‌नागा पारचिन्‍दा लोडुचे, “छेम्‍बा डोक्, आङा खानि लोनाँनि, खानि माड्‌डे ठिबाङ्‌ङा आङा धोका याङ्‌पियुक्॥”

युहान्‍ना 13:21 ပူးပေါင်းရင်းမြစ်များ

मात्‌ति 26:21

उन्‌चिङा ओचोएट्‌टुना बेला उन्‍ङा हिट्‌नागा लोडुचे, “छेम्‍बा आङा खानि लोनाँनि, खानि माड्‌डे ठिबाङ्‌ङा आङा धोका याङ्‌पियुक्॥”

मात्‌ति 26:38

हिट्‌नुङ् उन्‍ङा हिट्‌नागा लोडुचे, “आङाना आसोक्‍मा ठेक्‍टाउङ् सिङा गाड्‌डे डोक् लिसाइसाङे॥ खानि नाहि ओछेक्‍छेक् चोगानिउङ् युङानिउङ् आङा टाक् याङ्‌पिडानि॥”

मारकुस 14:18

हिट्‌नुङ् हिट्‌नागा भातेर चासा उयुङासाना बेला येसुङा हिट्‌नागा नाड्‌डे लोडुचे, “छेम्‍बा आङा खानि लोनाँनि, आङालोक् भातेर चासा आयुङिगा खानि माड्‌डे ठिबाङ्‌ङा आङा धोका याङ्‌पियुक्॥”

मारकुस 3:5

हिट्‌नुङ् हिट्‌नागा याप्‌मिचिगा ओचाफेन्‍ना निङ्‌ग्‍वा लिसाना ठाहा टोगुङ् उनिङ्‌ग्‍वा टुगे, हिट्‌नुङ् ओयाग्‍लेडाउङ् हिट्‌नागा सोब्‍बे याप्‌मिचि पुयुचिउङ् हिट्‌ना याप्‌मि लोडुए, “कामुक् सोट् चोगु॥” हिट्‌नाङा उमुक् सोट् चोगुए हिट्‌नुङ् हिट्‌ना उमुक् नुलोक् लिसाडे॥

युहान्‍ना 11:33

हिट्‌नुङ् येसुङा मारियाम हाबाना हिट्‌नुङ् उन्‌लोक् ओआबागा याहुदि याप्‌मिचि चा ओहाबेट्‌टागा निसुङ् येसुङाना आड्‌डिक् उनिङ्‌ग्‍वा टुगे॥

युहान्‍ना 11:35

हिट्‌नुङ् येसु हाबे॥

युहान्‍ना 11:38

फेरि येसुङाना उनिङ्‌ग्‍वा औधि टुगाउङ् उन् ओहुम्‍पालेङ् खाडे॥ हिट्‌ना ओहुम्‍पा ठिक् लुम्‍भुक्‌ङि डाना, हिट्‌नुङ् हिट्‌नाङाना ओयासि ठिक् ठेना लिङ्‌गेॽवाङा ओटेप्‍टुएसुना॥

युहान्‍ना 12:27

“हाट्‌ले आनिङ्‌ग्‍वा आड्‌डिक् टुगाइसे, हिट्‌नुङ् आङा पाक् माप्‍माना? ‘हाउ माङ्‌हाङ् पाबा, आङा ना याङ्‌छामालाम्‍मा याङ्‌होट्‌टा’ नुङ् पिक्‍मानि? माखाक्, आङा ना याङ्‌छामा फोक्‍मालाउङ्‌सा डोक् नाराङि टायाङ्‌ना॥

युहान्‍ना 13:18

“आङा खानि ख्‍वाप्‍पाङाना बारेङि माट्‌टुङ्‌ना माखाक्, आङा सेगुङ्‌चिङ्‌गा लाउङ्‌सा मिसेन् निसुङ्‌चिङ्‌चिङ्॥ टरो ‘आङाना चालेपा काचाबा आङाना बिरुद्‌दाङि कोबे’ नुङ् धारमाछाप्‍लाङि छेप्‍बालाक् रिङ् युमा डोक् कोन्‌युक्॥

युहान्‍ना 13:2

येसु लोक् ओचेलाचि युसाना पाका चामा ओचोएट्‌टुना बेला सैतानङा सिमोनङा उइछा याहुदा इस्‍कारियोतङाना उनिङ्‌वाङि येसु धोका पिमाना निङ्‌ग्‍वा हाले डोक् ठेन्‍डुबिडुएसुना॥

युहान्‍ना 13:22

येसुङा ना रिङ् साङाना बारेङि माट्‌टुना नुङ् चेलाचिङा बुझा ओचोग्‍वाट्‌टुन्, हिट्‌नुङ् उन्‌चि उन्‌चि एरोक् पुगा-पु ओचोगे॥

मुलिचेला टोॽवा 17:16

पावालङा एथेन्‍स खालाङ्‌गाङि सिलास लोक् तिमोथि हाङ्‌सुएट्‌टुचिगा बेला खालाङ्‌गा टेप् जोम् मुरतिचि एडोक् निसुङ् उनिङ्‌ग्‍वा आड्‌डिक् टुगे॥

१ युहान्‍ना 2:19

हिट्‌नागा आनिलेङ्‌गा माखाक्, हिट्‌नाड्‌डेउङ् आनि आपोक्‍टाढाउङ् ओखाडे॥ छेम्‍बा हिट्‌नागा आनिगालेङ्‌गा नाउम्‍बे हिट्‌नागा आनिलोक् उयुङेबे, टरो हिट्‌नागा होन्‍डा ओखाडाउङ् हिट्‌नागा आनिगा माखाक् नुङ् ना रिङ्‌ङा पारचिन्‍दा चोगुए॥