युहान्‍ना 12:6 - आठपहरिया

⁶ टरो हिट्‌नाङा पाक्‍चा ओवानिगा माया चोगुचिउङ् हिट्‌नाड्‌डे लोडुचिगा माखाक्, पोङ्‌भोने हिट्‌ना याङ्‌काखुट् डाना, हिट्‌नुङ् ओफाबा युङ्‌माना चाम्‍सुप्‍मा हिट्‌नाङा डोक् युङ्‌सुना, हिट्‌नुङ् हिट्‌निलाम्‍मा ओफाबा याङ्‌खुट्‌टुगा डागा॥

युहान्‍ना 12:6 ပူးပေါင်းရင်းမြစ်များ

मात्‌ति 21:13

हिट्‌नुङ् उन्‍ङा हिट्‌नागा लोडुचे, “धारमाछाप्‍लाङि नाड्‌डे छेप्‍टेसे, ‘आपाङ्उम्‍टे बिन्‌टि चोक्‍माना पाङ् लिमा कोन्‌युक्॥’ टरो खानिङा नाम्‍टे डाँकाचिगा लुम्‍भुक् गोलो आचोगुएसुम्‍मे॥”

लुका 8:3

हिट्‌नुङ् हेरोद हाङ्‌बाङाना ओपाङ्‌ठाङ् कापुबा मुलि हाकिम खुजासङाना ओमेन्‍झेमा योआन्‍ना, हिट्‌नुङ् सुसान्‍ना लोक् जोम् आरु मेन्‍झेमाचि ओडागा॥ नागा मेन्‍झेमाचिङा उन्‌चि माक्‍फेन्‍सुबेन् उपिडुचिउङ् येसु हिट्‌नुङ् ओचेलाचि घुवार ओफाडुचे॥

युहान्‍ना 10:13

हिट्‌ना याप्‌मि भागाँ लियुङ् खाट्‌युएट्‌युक्, पोङ्‌भोने हिट्‌ना ठुँबाचि पुमा निम्‍याक्‌ङि युङ्‌बालाक् एडोक् हिट्‌नुङ् हिट्‌नाङा ठुँबाचिगा यान्‍दा डोक् चोगुन्‌चिन्‍गा॥

युहान्‍ना 12:5

“ना आट्‌टार सुम्‍बोक् साए रुपा राङ्‌ङिछोङ्‌सुम्‍मुङ् हिट्‌ना ओफाबा पाक्‍चा वानिगालाउङ्‌सा पिडुम्‌चिम्‍नाँ लिनेट्‌नि बे टे?”

युहान्‍ना 13:29

पोङ्‌भोने याहुदालोक् ओफाबा युङ्‌माना चाम्‍सुप्‍मा युङ्‌ग्‍वा, हिट्‌डेउङ् येसुङा हिट्‌नालाउङ्‌सा चाडाङि चाहाब् लिना पालोवालो इम्‍माउङ्‌सा पाङ्‌सुना आथाबा पाक्‍चा वानिगालोङ्‌सा पालोवालो पिमाउङ्‌सा पाङ्‌सुना नुङ् कोइ-कोइ उमिट्‌टे॥

१ कोरिन्‌थि 6:10

याङ्‌काखुट्‌चि, लोभि याप्‌मिचि, टेडुबा याप्‌मिचि, चिम्‍मा काफुट्‌चि लोक् कासुप्‍बाचि माङ्‌हाङ्‌ङाना मुलुक्‌ङि लिक्‍माना हाक् ओटोगुन्‍ना॥

गालाति 2:10

हिट्‌नागाँ पाक्‍चा ओवानिगालाउङ्‌सा घुवार फामाचि कोन्‌युक् पिक्‍सा आन्‍याँ याप्‌मिलोडे॥ नाड्‌डे चोक्‍माम्‍बाक् आङाना चा आनिङ्‌ग्‍वा लोसाना डाना॥

१ थेसालोनिकि 5:22

सोब्‍बे पारिग्‍गा ओचाफेन्‍गा रिङ्‌चि नाडानुम्॥

याकुब 2:2

हिट्‌नुङ् खानि आछुमिना डेन्‌ङि ओफाङ्-ओफाङ् लोट्‌लिङ् लोक् साम्‍मेङ्‌ङाना आङ्‌गुठि वाडुना वागाठागा याप्‌मि टाए, हिट्‌नुङ् आरको पाक्‍चा वानिना याप्‌मि सेङ्‌साना हिट्‌नुङ् यामाना लोट्‌लिङ् वाडुङ् टाए भोने,

याकुब 2:6

टरो खानिङाउम्‍टे पाक्‍चा ओवानिगा याप्‌मिचि हेला आचोगुएसुम्‌चिम्‍मे॥ पाक् वागाठागा याप्‌मिचिङा खानि मानिप्‌टिन्‍गै टे? पाक् हिट्‌नागाँ खानि मासाडिउङ् आदालात माखाट्‌टिन्‍गै टे?