युहान्‍ना 12:47 - आठपहरिया

⁴⁷ कोइङा आरिङ् खेम्‍सुङ् पालान् चोगुन्‍ना भोने, आङा हिट्‌नाङाना न्‍याए चोक्‌निङ्‌ना, पोङ्‌भोने आङा नारा न्‍याए चोक्‍ङा माखाक्, टरो नारा हिङ्‌मेप्‍माउङ्‌सा टायाङ्‌ना॥

युहान्‍ना 12:47 ပူးပေါင်းရင်းမြစ်များ

मात्‌ति 18:10

“ओछेक्‍छेक् युङानि, खानिङा नागा खाट्‌टिउगा पिच्‍छाचि माड्‌डेङि ठिबाङ् चा आङ्‌छाप्‍मा मेट्‌नेनुम्‌चिम्॥ पोङ्‌भोने आङा खानि लोनाँनि, टोनालोग्‌ङि हिट्‌नागाँगा माङ्‌हाङ् रिङ् काउग्‍बाचि सोरोक् टोनालोक्‌ङि युङ्‌ना आङाना पाबा ओटोकानाङि डोक् ओवाएट्॥

मात्‌ति 18:11

[पोङ्‌भोने याप्‌मि छा ओमासागा हिङ्‌मेप्‍मा लाउङ्‌सा टायाना ए॥]

मात्‌ति 20:28

हिट्‌डेडोक् याप्‌मि छा चा आरुलाम्‍मा सेवा टोक्‍मालोङ्‌सा माखाक्, टरो आरु सेवा चोक्‍मा हिट्‌नुङ् जोम् याप्‌मिचि छुट्‌कारा पिमा आप्‍पे ओसोक्‍मा लेट्‌मा लोङ्‌सा टायाना॥”

लुका 19:10

याप्‌मि छा ओमासागा याप्‌मिचि कोन्‌सिङा हिट्‌नुङ् हिङ्‌मेप्‍मा लाउङ्‌सा टायाना ए॥”

लुका 9:56

हिट्‌नुङ् येसुङा ओचेलाचि खाट्‌टुचिउङ् आरको युक्‍ताम्‌लेङ् खाडे॥

युहान्‍ना 12:48

आङा इन्‍कार काचोक् हिट्‌नुङ् आङा माट्‌टुङ्‌ना रिङ् बिस्‍वास चोगुन्‍ना भोने हिट्‌नाङाना न्‍याए लियुक्॥ आङा माट्‌टुङ्‌ना रिङ्‌ङा डोक् आखेरि लेम्‍बाङि हिट्‌नाङाना न्‍याए चोगुटु॥

युहान्‍ना 3:17

माङ्‌हाङ्‌ङा नाराङिगा याप्‌मिचि फाट्‌टुर लाप्‍मा लोङ्‌सा उइछा पाङ्‌सुना माखाक्, टरो उन्‌लाम्‍मा हिट्‌नागा उहिङ्‌याक् नुङ् पाङ्‌सुए॥

युहान्‍ना 5:45

“आङा खानि पाबा ओटोकानाङि फाट्‌टुर लाब्‍नानि नुङ् मिट्‌नेनिन्॥ खानिङा खानि आसा मोसाङि आयुङ्‌सुएसुम्‍मे, उन्‍ङा डोक् खानि फाट्‌टुर मालाबिटिटि॥

युहान्‍ना 8:26

खानि बारेङि आङा माप्‍मा कोन्‍ना हिट्‌नुङ् फाट्‌टुरङि ठेम्‍माना रिङ् याप्‍मा युङ्‌ग्‍वा॥ टरो आङा कापाङ्‌बा छेम्‍बाना ए, हिट्‌नुङ् उन्‌लाम्‍मा आङा जे खेम्‍सुङ्‌टुङ् हिट्‌ना एडोक् नाराङिगा याप्‌मिचि लोडुङ्‌चिङ्‌चिङ्॥”

२ पाटरुस 3:15

आनि टाङ्‌बाङा खानि पापलाम्‍मा हिङ्‌माना मौका मापिडिनाँ उन्‍ङा आम्‍टेप्‍मा धैइरे चोगेना हिट्‌ना रिङ् मुन्‍नेनुम्॥ आनि मायालु झान्‍झा पावालङा चा माङ्‌हाङ्‌लाम्‍मा टोगुना ठोनालाम्‍मा ना रिङ् डोक् खानिलोङ्‌सा छेप्‍टुए॥

१ युहान्‍ना 4:14

हिट्‌नुङ् माङ्‌हाङ् पाबाङा उन्‍ङाना छा नाराङिना काहिङ्‌मेप्‍बा डाङ्‌बा लिमा पाङ्‌सुना नुङ् आन्‍याँ निसुम्‍मे, हिट्‌नुङ् नाङाना डोक् साँचि पिडुम्‍टुम्‍मा॥