युहान्‍ना 12:46 - आठपहरिया

⁴⁶ आङा बिस्‍वास काचोक्‍बा साक्‍चा डुम्‌ङि उलिनि चा नुङ् आङा नाराङिना व्‍हाङ् लिसाउङ् टाइसाङे॥

युहान्‍ना 12:46 ပူးပေါင်းရင်းမြစ်များ

मात्‌ति 4:16

डुम्‍बारिक् डुम्‌ङि उयुङागा याप्‌मिचिङा ठेना व्‍हाङ् उनिसुटु॥ हिट्‌नुङ् मिरतुङाना डुम्‍बारिक् डुम्‌ङिना स्‍वाँराङि उयुङागा याप्‌मिचिङि ठेना व्‍हाङ् ओम्‍साइसे॥”

लुका 2:32

उन् डोक् पानिछोङ्‌बा याप्‌मिचिलोङ्‌सा कालाम्‍बोङि लाम्‌टिमाउङ्‌सा कानिमेप्‍बा व्‍हाङ् लियुक् हिट्‌नुङ् उन्‌लाम्‍मा डोक् काछालेट् इस्‍राएलि छोङ्‌चिगा माहिमा लियुक्॥”

युहान्‍ना 1:9

हिट्‌ना छेम्‍बाना व्‍हाङ्‌म्‍बाक् ख्‍वाप्‍पा याप्‌मिचि छेम्‍बाना रिङ् निमेट्‌माचि लोङ्‌सा नाराङि टायागेट्‌टाना डाना॥

युहान्‍ना 3:19

न्‍याएम्‍बाक् ना रिङ्‌ङि लियुक्, व्‍हाङ्‌म्‍बाक् नाराङि टाइसे, हिट्‌नुङ् याप्‌मिचिङा व्‍हाङ् नुङ्‌ना चा डुम्‍बारिक् डुम् डोक् निङ्‌ग्‍वा ओटासुए, पोङ्‌भोने हिट्‌नागाँगा टोॽवा डोक् ओचाफेन्‍ना डाना॥

युहान्‍ना 8:12

येसुङा फेरि हिट्‌नागा लोडुचे, “आङा नाराङिना व्‍हाङ् ए॥ आङालोक् ओलाम्‌टिगा डुम्‌ङि लाम्‌टिमा कोन्‌निना, टरो हिट्‌नाङा चोला आपिना व्‍हाङ् टोगुटु॥”

युहान्‍ना 9:39

हिट्‌नुङ् येसुङा लोडुए, “याङ्‌कानिनिबा याप्‌मिचिङा उनिसुवाक् हिट्‌नुङ् याङ्उनिसुगा याप्‌मिचि याङ्‌कानिनिबा उलियाक् नुङ् आङा नाराङि न्‍याए चोक्‍माउङ्‌सा उङ्‌साङे॥”

युहान्‍ना 9:5

आङा नाराङि युङ्‌ङालोक् आङा डोक् नाराङिना व्‍हाङ् ए॥”

मुलिचेला टोॽवा 26:18

खान्‍ङा हिट्‌नागा याप्‌मिचिगा मिक् ओङ्‌सुबिडुचि, हिट्‌नुङ् हिट्‌नागा डुम्‍बारिक् डुम्‍लाम्‍मा व्‍हाङ्‌ङि हिट्‌नुङ् सैतानङाना ओसाक्‌तिलाम्‍मा माङ्‌हाङ्‌ङि ओनोक्‌याक्॥ हिट्‌नुङ् माङ्‌हाङ्‌ङा हिट्‌नागाँगा पाप टुगुबिडुचिचि, हिट्‌नुङ् हिट्‌नागाँ माङ्‌हाङ्‌ङि बिस्‍वास ओचोगुनाँ उन्‍ङा सेगुचिगा ओयाप्‌मिचिलोक् साङ्‌गाटिङि युङ्‌मा ओटोगुटु॥’

एफिसि 5:14

हिट्‌डेउङ् याप्‌मिचिङा नाड्‌डे ओमाट्‌टुटु, “हाउ आइम्‌सिगा याप्‌मिचि, कोबानि हिट्‌नुङ् सिमालाम्‍मा उहिङ्‌ग्‍वाट् लिसानि, हिट्‌नुङ् खिरिस्‍टङाना व्‍हाङ् खानिङि ओम्‌युक्॥”