युहान्‍ना 12:36 - आठपहरिया

³⁶ खानिलोक् व्‍हाङ् लिलोक् डोक् हिट्‌ना व्‍हाङ्‌ङि खानिङा बिस्‍वास चोगानुम्, हिट्‌नुङ् खानिम्‍बाक् व्‍हाङ्‌ङाना छालेट्‌चि आलिसिटि॥” नाट्‌टेप्‍मा माप्‍मा हिडुङ् येसु हिट्‌निलाम्‍मा खाडालेट्‌टे, हिट्‌नुङ् हिट्‌नागालाम्‍मा ठोबाउङ् युङे॥

युहान्‍ना 12:36 ပူးပေါင်းရင်းမြစ်များ

मात्‌ति 21:17

हिट्‌नुङ् हिट्‌नागा पोक्‍टुचिउङ् उन् खालाङ्‌गालाम्‍मा होन्‍डाउङ् बेथानिया युक्‍टाम्‌ङि खाडे हिट्‌नुङ् युसा हिट्‌नि डोक् बास हेन्‍से॥

मात्‌ति 5:14

“खानिउम्‍टे नाराङिगा व्‍हाङ् ए॥ झोन्‍झोबाङिना खालाङ्‌गा साङा चा टेप्‍मा उहिडुन्‍ना॥

लुका 16:8

“हिट्‌डेउङ् ओडाङ्‌बाङा हिट्‌ना बेमान कोटेरिबाङाना ओचाप्‍पाङ् टोॽवा चोगुना निसुङ् उनिङ् चोन्‍डुबिडुए॥ पोङ्‌भोने माङ्‌हाङ्‌ङि बिस्‍वास ओचोगुन्‍गा याप्‌मिचि उन्‌चि टाक्‌चिलोक् ओचाप्‍पाङ् चाट्‌ला ओचोग्‍गा, टरो माङ्‌हाङ्‌ङि बिस्‍वास ओचोगुगा याप्‌मिचि नागाटेप्‍मा ओचाप्‍पाङ् उलिनिगा॥

युहान्‍ना 1:7

उन्‌लाम्‍मा सोब्‍बे याप्‌मिचिङा बिस्‍वास ओचोगु नुङ् हिट्‌ना व्‍हाङ्‌ङाना बारेङि माप्‍मा साँचि लिसाउङ् उन् टाए॥

युहान्‍ना 11:54

हिड्‌डेउङ् येसु फेरि याहुदिचिङि सोब्‍बेङा ठाहा ओटोगुलोक् वानेट्‌नि, टरो हिट्‌निलाम्‍मा साक्‍चा उयुङ्‌निना डेन् नेहेट्‌टाङ् लिसाना एफराइम ओलोडुना युक्‍टाम्‌ङि खाडे, हिट्‌नुङ् हिट्‌नि ओचेलाचिलोक् युङे॥

युहान्‍ना 12:37

येसुङा हिट्‌नागा याप्‌मिचिगा टोकानाङि डोक् नाट्‌टेप् औधि डोङ् ठोङ्‌डिगा टोॽवा चोगुए, टरो चा हिट्‌नागाँ उन् बिस्‍वास ओचोग्‍वाट्‌टुन्॥

युहान्‍ना 12:46

आङा बिस्‍वास काचोक्‍बा साक्‍चा डुम्‌ङि उलिनि चा नुङ् आङा नाराङिना व्‍हाङ् लिसाउङ् टाइसाङे॥

युहान्‍ना 3:21

टरो छेम्‍बाना रिङ्‌ङि वाना याप्‌मिम्‍बाक् व्‍हाङ्‌ङि टायुक्, हिड्‌डेउङ् माङ्‌हाङ्‌ङा निङ्‌ग्‍वा चोगुना गाड्‌डे हिट्‌नागाँ ओचोगुएट्‌टु नुङ् आरुङा निमा उहिडुटु॥”

युहान्‍ना 8:12

येसुङा फेरि हिट्‌नागा लोडुचे, “आङा नाराङिना व्‍हाङ् ए॥ आङालोक् ओलाम्‌टिगा डुम्‌ङि लाम्‌टिमा कोन्‌निना, टरो हिट्‌नाङा चोला आपिना व्‍हाङ् टोगुटु॥”

युहान्‍ना 8:59

हिट्‌नुङ् हिट्‌नागाँ उन् लिङ्‌गेॽवाङा लेप्‍मा नुङ् लिङ्‌गेॽवा ओकोबुए, टरो येसु हिट्‌नागालाम्‍मा ठोबे हिट्‌नुङ् माङ्‌ठानालाम्‍मा भारा होन्‍डाखाडे॥

एफिसि 5:8

पोङ्‌भोने पाइले खानि निङ्‌ग्‍वा ओमाक्‍पा डाना, टरो हाट्‌ले खानि टाङ्‌बा ओयाप्‌मिचि आलिसिनाँ माङ्‌हाङ् ओव्‍हाङ् खानिलोक् युङ्‌ग्‍वा॥ हिट्‌डेउङ् हिट्‌ना व्‍हाङ्‌ङिगा पिच्‍छाचि गाड्‌डे डोक् वासानि॥

१ थेसालोनिकि 5:5

पोङ्‌भोने खानि ख्‍वाप्‍पा याप्‌मिचि व्‍हाङ् हिट्‌नुङ् लेम्‍बाङिगा छालेट्‌चि ए॥ आनि युसा हिट्‌नुङ् डुम्‍बारिक् डुम्‌ङिगा याप्‌मिचि माखाक्॥

१ थेसालोनिकि 5:8

टरो आनिम्‍टे लेम्‍बाङिगा याप्‌मिचि लिसिनाँ ओछेक्‍छेक् युङि, हिट्‌नुङ् सुरेक्‍छा आपिना छातिपाता गाड्‌डे डोक् बिस्‍वास लोक् मायाङाना छातिपाता वाडुम्, हिट्‌नुङ् मुक्‌टिङाना आसाङाना सुरेक्‍छा आपिना टोपि वाडुम्॥