युहान्‍ना 12:35 - आठपहरिया

³⁵ येसुङा हिट्‌नागा लोडुचे, “व्‍हाङ्उम् छोप्‍मोङ् धारि सोम्‍मा खानिलोक् लियुक्॥ व्‍हाङ् खानिलोक् लिलोक् सोम्‍मा खानि लाम्‍बोङि लाम्‌टियानि, हिड्‌डेउङ् खानि डुम्‍बारिक् डुम्‌ङा माफोप्‌टिन्‍गा॥ डुम्‍बारिक् डुम्‌ङि लाम्‌टिना याप्‌मिङा उन् खोनाइ खाट्‌युगेट्‌ना नुङ् ठाहा टोगुन्‍ना॥

युहान्‍ना 12:35 ပူးပေါင်းရင်းမြစ်များ

लुका 18:37

याप्‌मिचिङा हिट्‌ना ओलोडुए, “नासारात खालाङ्‌गाङिना येसु नाहिलाम्‍मा खाॽयुगेट्॥”

युहान्‍ना 11:10

टरो युसाना पाका जुन् याप्‌मि लाम्‌टियुक् हिट्‌ना टोक्‌युक्, पोङ्‌भोने युसाना पाका उन्‌लोक् व्‍हाङ् लिनिना॥”

युहान्‍ना 11:9

येसुङा लोडुचे, “पाक् लेन्‌ङि बारो घान्‍टा लिनिनै टे? लेम्‍बा लाम्‌टिना याप्‌मिम्‍बाक् टोक्‌निना, पोङ्‌भोने हिट्‌नागालोक् नाराङिना व्‍हाङ् लियुक्॥

युहान्‍ना 12:36

खानिलोक् व्‍हाङ् लिलोक् डोक् हिट्‌ना व्‍हाङ्‌ङि खानिङा बिस्‍वास चोगानुम्, हिट्‌नुङ् खानिम्‍बाक् व्‍हाङ्‌ङाना छालेट्‌चि आलिसिटि॥” नाट्‌टेप्‍मा माप्‍मा हिडुङ् येसु हिट्‌निलाम्‍मा खाडालेट्‌टे, हिट्‌नुङ् हिट्‌नागालाम्‍मा ठोबाउङ् युङे॥

युहान्‍ना 12:46

आङा बिस्‍वास काचोक्‍बा साक्‍चा डुम्‌ङि उलिनि चा नुङ् आङा नाराङिना व्‍हाङ् लिसाउङ् टाइसाङे॥

युहान्‍ना 16:16

“होप्‍मोलाम्‍मा खानिङा आङा फेरि याङ्आनिसिन्‍नागा, हिट्‌नुङ् छोप्‍मोङ्‌लाम्‍मा खानिङा आङा फेरि याङ्आनिसिटिङा॥”

युहान्‍ना 7:33

येसुङा हिट्‌नागा लोडुचे, “हाट्‌ले होप्‍मो बेला सोम्‍मा एडोक् आङा खानिलोक् लिङा, हिट्‌नुङ्‌ना आङा याङ्‌कापाङ्‌बा सोरि खाट्‌नाँ॥

युहान्‍ना 8:12

येसुङा फेरि हिट्‌नागा लोडुचे, “आङा नाराङिना व्‍हाङ् ए॥ आङालोक् ओलाम्‌टिगा डुम्‌ङि लाम्‌टिमा कोन्‌निना, टरो हिट्‌नाङा चोला आपिना व्‍हाङ् टोगुटु॥”

२ कोरिन्‌थि 3:14

हिट्‌ना बेला इस्‍राइलि याप्‌मिचिङा बुजा चोक्‍मा उहिडुवाट्‌टुन्, हिट्‌नागाँगा निङ्‌ग्‍वा घुम्‍टोङा टेप्‌टि गाड्‌डे डोक् डाना॥ हाट्‌ले सोम्‍मा चा पुरानो माङ्‌हुप् कोइङा पोढाँ ओचोगुङ् ओखेम्‍सुनाँ उन्‌चि निङ्‌ग्‍वा घुम्‍टोङा टेप्‌टि गाड्‌डे डोक् बुजा ओचोगुन्‍ना॥ हिट्‌नुङ् हिट्‌ना घुम्‍टो जब ठिबाङ् याप्‌मिङा खिरिस्‍टङि बिस्‍वास चोगुटु हिट्‌नुङ् एडोक् हाटाँ चोक्‍मा हिडुटु॥

गालाति 6:10

हिड्‌नाडेउङ् आनि मौका टोगुम्‍नामे सोब्‍बे याप्‌मिचिलाउङ्‌सा ओचेट्‌नुलोक् चोक्‍मा कोन्‌युक्॥ मुलिगारि खिरिस्‍टङि बिस्‍वास ओचोगुगा याप्‌मिचि लाउङ्‌सा ओचेट्‌नु चोक्‍मा कोन्‌युक्॥

एफिसि 5:8

पोङ्‌भोने पाइले खानि निङ्‌ग्‍वा ओमाक्‍पा डाना, टरो हाट्‌ले खानि टाङ्‌बा ओयाप्‌मिचि आलिसिनाँ माङ्‌हाङ् ओव्‍हाङ् खानिलोक् युङ्‌ग्‍वा॥ हिट्‌डेउङ् हिट्‌ना व्‍हाङ्‌ङिगा पिच्‍छाचि गाड्‌डे डोक् वासानि॥