युहान्‍ना 12:28 - आठपहरिया

²⁸ हाउ पाबा, खान् आम्‍टेप्‍मा माङ्‌ठेना नुङ् खान्‍ङा आप्‍पे याप्‌मिचि निमेट्‌टुचि॥” टब टोनालोग्‌लाम्‍मा नाड्‌डेना ठिक् साब्‍दा मुक्‍टे, “आङा आम्‍टेप्‍मा माङ्‌ठेना नुङ् याप्‌मिचि निमेट्‌टुएसुङ्‌चिङे, हिट्‌नुङ् फेरि चा चोगुङ्‌टुङ्॥”

युहान्‍ना 12:28 ပူးပေါင်းရင်းမြစ်များ

मात्‌ति 11:25

हिट्‌ना बेला येसुङा माट्‌टुए, “हाउ माङ्‌हाङ् आप्‍पा, टोनालोग् हिट्‌नुङ् नाराङिना टाङ्‌बा, आङा खान्‌ङि पोए-पोए ठाङ्‌सुङ्‌टुङ्, पोङ्‌भोने ओचाप्‍पाङ् याप्‌मिचि हिट्‌नुङ् जोम् ठोना उलिसागा याप्‌मिचिलाम्‍मा आठोबुङ् आयुङ्‌सुना नागा रिङ् खान्‍ङा पिच्‍छाचि गाड्‌डेगा याप्‌मिचि आनिमेट्‌टुचे॥

मात्‌ति 11:26

छेम्‍बा डोक् आप्‍पा, नाड्‌डे चोक्‍मा डोक् कानिङ्‌ग्‍वाङि नुलोक् आलोसे॥

मात्‌ति 17:5

पाटरुस हिड्‌डे पिक्‍सा चेक्‍टेट्‌टाना बेला ओम्‍साना खिमेमा उङ्‌साउङ् हिट्‌नागा टेप्‍टुचे, हिट्‌नुङ् हिट्‌ना खिमेमा भिट्‌रालाम्‍मा ठिक् नाड्‌डेना रिङ् मुक्‍टे, “ना आङाना आमायालु छा, उन्‌लोक् आङा आड्‌डिक् हारका लिसाङे, उन्‍ङा मालोडिगा रिङ् खेम्‍सानुम्॥”

मात्‌ति 26:42

फेरि येसु खाडाउङ् नाड्‌डे पिक्‍सा बिन्‌टि चोगे, “आप्‍पा, ना याङ्‌छामाङाना खोरे आङा मिठुङ्‌ङे लिनिना भोने, कानिङ्‌ग्‍वा डोक् पुरो उलियाक्॥”

मात्‌ति 3:17

हिट्‌ना बेला डोक् टोनालोग्‌लाम्‍मा ठिक् साब्‍दा मुक्‍टे, “ना आङाना आमायालु छा, उन्‌लोक् आड्‌डिक् टुक्‍लोक् आचाप् टाइसे॥”

मारकुस 1:11

हिट्‌नुङ् टोनालोग्‌लाम्‍मा नाड्‌डेना ठिक् सोरा मुक्‍टे, “खान् आङाना आमायालु छा, खान्‌लोक् आड्‌डिक् टुक्‍लोक् आचाप् टाइसे॥”

मारकुस 14:36

उन्‍ङा नाड्‌डे माट्‌टुङ् बिन्‌टि चोगुए, “आब्‍बा, माङ्‌हाङ् पाबा, खान्‍ङा सोब्‍बे रिङ् चोक्‍मा आहिडुटु॥ ना याङ्‌छामाङाना खोरे आङालाम्‍मा याङ्‌होट्‌टाबिडा, टरो चा आनिङ्‌ग्‍वा माखाक्, कानिङ्‌ग्‍वा गाड्‌डे डोक् उलियाक्॥”

मारकुस 9:7

हिट्‌नुङ् खिमेमा टायाउङ् हिट्‌नागा उरिमेट्‌ङा टेप्‍टुचे, हिट्‌नुङ् खिमेमालाम्‍मा नाड्‌डेना सोरा ओखेम्‍सुए, “ना आङाना आमायालु छा, उन्‍ङा मालोडिगा रिङ् खेम्‍सानुम्॥”

लुका 3:22

हिट्‌नुङ् सेङ्‌सेङ्‌ना हाङ्‌सा ढुकुरङाना उरुप्‌ङि येसु उठुइ ठायाउङ् युङे हिट्‌नुङ् टोनालोग्‌लाम्‍मा ठिक् रिङ् मुक्‍टे, “खान् आङाना आमायालु छा, खान्‌लोक् आड्‌डिक् टुक्‍लोक् आचाप् टाइसे॥”

लुका 9:35

हिट्‌ना बेला खिमेमा भिट्‌रालाम्‍मा ठिक् नाड्‌डेना सोरा मुक्‍टे, “नाउम् आङा सेगुङ्‌ना आइछा, उन्‍ङा मालोडिगा रिङ् खेम्‍सानुम्॥”

युहान्‍ना 11:4

येसुङा ना रिङ् खेम्‍सुङ् माट्‌टुए, “लाजारसङाना ओयेम् टुक्‌येट्, टरो ना बिमारङा उन् सिनिना॥ उन् ओयेम् टुग्‍माउम् माङ्‌हाङ्‌ङाना माहिमा लाउङ्‌सा ए, नाड्‌डेउङ् हिट्‌नालाम्‍मा माङ्‌हाङ् छाङा माहिमा लाडुटु॥”

युहान्‍ना 18:11

टरो येसुङा पाटरुस लोडुए, “काचेप्‍सा उसुप्‌ङि युङ्‌सु॥ पाक् आङाना माङ्‌हाङ् पाबाङा आङा याङ्‌पिडाना हिट्‌ना याङ्‌छामाङाना खोरे आङा मिठुङ्‌मानि टे?”

युहान्‍ना 9:3

येसुङा लोडुचे, “नाङा आप्‍पे पाप चोगुङ् चा माखाक्, उप्‍पा-उमाङाना पापङा चा माखाक्, टरो माङ्‌हाङ्‌ङाना ओटोॽवा ना याप्‌मि ओचोलाङि ओठेट्‌याक् नुङ् डोक् उन् याङ्‌कानिनिबा लिसाना ए॥

एफिसि 2:7

नाड्‌डेउङ् माङ्‌हाङ्‌ङा खिरिस्‍ट येसुलाम्‍मा उन्‍ङाना ओदाया आनि आनिमेट्‌टे, हिट्‌डेउङ् हान्‍डेङ्‌म्‍बाक् उन्‍ङाना ओदाया आम्‍टेप्‍मा ठेना नुङ् याप्‌मिचिङा उनिसुटु॥

एफिसि 3:10

हाट्‌ले माङ्‌पाङ्‌ङिगालाम्‍मा उन्‍ङाना सोब्‍बे खाले ठोना बारेङि निनिम्‍ना नाराङि सासान् काचोक्‌चि हिट्‌नुङ् आधिकार ओटोगुगालाउङ्‌सा ठाहा पिमाना माङ्‌हाङ्‌ङाना उदेसे डाना॥

२ पाटरुस 1:17

माङ्‌हाङ् पाबाङा उन् मान् चोगुए हिट्‌नुङ् उन् आम्‍टेप्‍मा माङ्‌ठेना नुङ् निमेट्‌टुए, हिट्‌नुङ् सोब्‍बे नुङ्‌ना ठेना माङ्‌हाङ्‌ङा उन् नाड्‌डे लोडुए, “ना आङाना आमायालु छा, उन्‌लोक् आङा आड्‌डिक् हारका लिसाइसाङे॥”