युहान्‍ना 11:49 - आठपहरिया

⁴⁹ टरो हिट्‌नागा माड्‌डे ठिबाङ् कैयाफा उनिङ् लिसाना याप्‌मि डाना॥ उन् डोक् हिट्‌ना बेलाना सानिङ्‌डाङ्‌बा डाना, उन्‍ङा हिट्‌नागा लोडुचे, “खानिङा पाक्‍चा ठाहा आटोक्‌निम्‍ना॥

युहान्‍ना 11:49 ပူးပေါင်းရင်းမြစ်များ

मात्‌ति 26:3

हिट्‌ना बेला कैयाफा ओलोडुना सानिङ्‌डाङ्‌बा युङ्‌ना पाङ्‌ङि गाडुवाडाङ्‌बाचि हिट्‌नुङ् याप्‌मिचिगा धारमाबिधि काहिसिक्‍बाचि उछुमे॥

लुका 3:2

हिट्‌ना बेलाना सानिङ्‌डाङ्‌बा हान्‍नास हिट्‌नुङ् कैयाफा डागाचि॥ हिट्‌ना बेला माङ्‌हाङ् जाकारिया उइछा युहान्‍नालोक् चेक्‍टे, उन् साक्‍चा उयुङ्‌निना डेन्‌ङि युङाना॥

युहान्‍ना 11:51

ना रिङ् उन्‍ङा आप्‍पे उनिङ्‌ग्‍वालाम्‍मा माट्‌टुना माखाक्, टरो हिट्‌ना बेला सानिङ्‌डाङ्‌बा लिसानाँ याहुदि छोङ्‌बाचि लाउङ्‌सा येसु सिमा कोन्‌युक् नुङ् उन्‍ङा माङ्‌हाङ्‌लाम्‍माना रिङ् माट्‌टुना डाना॥

मुलिचेला टोॽवा 4:6

हिट्‌नि सानिङ्‌डाङ्‌बा हान्‍नास हिट्‌नुङ् कैयाफा, युहान्‍ना, आलेक्‍जेन्‍डर हिट्‌नुङ् सानिङ्‌डाङ्‌बा हान्‍नासङा ओपाङ्‌ङिगा याप्‌मिचि चा उछुमाइसागा॥

१ कोरिन्‌थि 1:20

खोलो, ठोना उलिसागा याप्‌मि खोनि ओवाहेट्‌गा? खोलो धारमाबिधि काहिसिक्‍बाचि? ना जुगङि ओचाप्‍पाङ्‌लोक् ओचेक्‍गा याप्‌मिचि खोलो टे? माङ्‌हाङ्‌ङा नाराङिगा ठोना खेडोक् लिसा गाड्‌डे डोक् चोगुए॥

१ कोरिन्‌थि 2:6

टरो चा बिस्‍वासङि पासिङ् उलिसागालोक् ठोना लिसा गाड्‌डे आनि चेक्‌टिटि, टरो ना जुगङिना ठोना माखाक् आथाबा ना टालाङि सासान् काचोक्‍बाचिगा ठोना चा माखाक्, नागा सासान् काचोक्‌बाचिउम् एला डोक् ओमेग्‌युक्॥