युहान्‍ना 11:47 - आठपहरिया

⁴⁷ हिट्‌नुङ् गाडुवाडाङ्‌बाचि लोक् फारिसि याप्‌मिचिङा काचाहारि-कुन्‍डालङिगा सादास्‍सेचि ओछेम्‍डुचिउङ् बैठाक् ओचोगे हिट्‌नुङ् ओमाट्‌टुए, “हाट्‌ले आनि पाक् चोगिगा? पोङ्‌भोने ना याप्‌मिङा याप्‍मा डोङ् ठोङ्‌डिगा टोॽवा चोगुएट्‌टु॥

युहान्‍ना 11:47 ပူးပေါင်းရင်းမြစ်များ

मात्‌ति 26:3

हिट्‌ना बेला कैयाफा ओलोडुना सानिङ्‌डाङ्‌बा युङ्‌ना पाङ्‌ङि गाडुवाडाङ्‌बाचि हिट्‌नुङ् याप्‌मिचिगा धारमाबिधि काहिसिक्‍बाचि उछुमे॥

मात्‌ति 5:22

टरो आङा खानि लोनाँनि, खोना चा आरु याप्‌मिलोक् ओयाक्‍लेड्‌युक् भोने हिट्‌नाङा चा साजाए टोगुटु, जुन्‍ङा आरु ‘ठोनाबा’ लोडुटु हिट्‌ना माङ्‌हाङ्‌ङा ओचाफेन्‍लोक् साजाए पिडुटु॥ जुन्‍ङा आरु याप्‌मि साराप याङुटु हिट्‌ना झान् योनालोग्‌ङिना मिङि ठायुक्॥

मारकुस 14:1

हिट्‌नुङ् छुट्‌कारा चाडा हिट्‌नुङ् खामिर मिठेन्‍ङे चोक्‍बालाक् चालेपाङाना चाडा टामा इप्‍पोक् लेम्‍बा ओएङ्‌स्‍वालेङ् एडोक् डाना॥ गाडुवाडाङ्‌बाचि हिट्‌नुङ् धारमाबिधि काहिसिक्‍बाचिङा येसु खोड्‌डे पारिक् वारिक्‌ङि ठेम्‍माउङ् लाब्‍माउङ् सेप्‍माना नुङ् निङ्‌ग्‍वा ओचोगुएट्‌टुना॥

लुका 22:2

गाडुवाडाङ्‌बाचि हिट्‌नुङ् धारमाबिधि काहिसिक्‍बाचिङा येसु सेप्‍मा लोङ्‌सा ओकोलुए, टरो हिट्‌नागा याप्‌मिचिलोक् उकिट्‌टानाँ येसु सोगोप् लाब्‍माउङ् सेप्‍माना निङ्‌ग्‍वा ओचोगुए॥

युहान्‍ना 11:57

गाडुवाडाङ्‌बाचि हिट्‌नुङ् फारिसि याप्‌मिचिङाम्‍बाक् येसु लाब्‍मा ओकोलुना डाना॥ हिट्‌डेउङ् हिट्‌नागाँ “येसु खोनाइ वाहेट्‌ना नुङ् ठाहा काटोक्‍बाचिङा खाबोर चोगानुम्” पिक्‍सा आग्‍याँ उपिडुएसुचिगा डागा॥

युहान्‍ना 12:19

फारिसि याप्‌मिचि उन्‌चि उन्‌चि उपिगे, “खोलो, आनि पाक्‍चा चोक्‍मा हिनेट्‌निम्॥ पुयानुम्, नाराङिगा ख्‍वाप्‍पा याप्‌मिचि उन्‌लेङ् लाहाब् उलिमाइडे॥”

युहान्‍ना 2:11

येसुङा चोगुगा चिन्‍नाचि माड्‌डे ना पाइलेना चिन्‍ना उन्‍ङा गालिलङाना कानाङि चोगुए॥ नाड्‌डेउङ् येसुङा उन्‍ङाना माहिमा पारकाट् चोगुए, हिट्‌नुङ् ओचेलाचिङा उन्‌ङि बिस्‍वास ओचोगुए॥

युहान्‍ना 6:2

हिट्‌नुङ् ठिक् ठेना याप्‌मिचिगा खिमेयाङ्‌मे उन् ओएङ्-ओएङ् ओफेने, पोङ्‌भोने उन्‍ङा उटुगागा याप्‌मिचि नुमानिङ् चोगुचिगा डोङ् ठोङ्‌डिना टोॽवा हिट्‌नागाँ उनिसुएसुगा डागा॥

युहान्‍ना 7:32

खिमेयाङ्‌मेङि उलिसागा याप्‌मिचिङा येसुङाना बारेङि फोसो फोसो ओचोगागा फारिसि याप्‌मिचिङा ओखेम्‍सुए॥ हिट्‌नुङ् गाडुवाडाङ्‌बाचि लोक् फारिसि याप्‌मिचिङा उन् लाब्‍मा माङ्‌ठाना काकोबा टिलिङ्‌गाचि ओपाङ्‌सुचे॥

युहान्‍ना 7:45

येसु लाब्‍माउङ्‌सा ओपाङ्‌सुचिगा माङ्‌ठाना काकोबा टिलिङ्‌गाचि गाडुवाडाङ्‌बाचि हिट्‌नुङ् फारिसि याप्‌मिचि सोरि ओनोक्‍टा ओखाडे॥ हिट्‌नुङ् हिट्‌नागाँ उसिलाप्‍टुचे, “खानिङा येसु आलाबुमुङ् पोङ् आटाट्‌नेट्‌निम्‍ना?”

मुलिचेला टोॽवा 5:21

हान्‍डेङ् एका भ्‍यानिक माङ्‌ठानाङि हिट्‌नागा ओखाडे हिट्‌नुङ् याप्‌मिचि हिसिक्‍मा ठालाँ ओचोगुचे॥ टरो सानिङ्‌डाङ्‌बा हिट्‌नुङ् ओसाइबाचि काचाहरिङि उछुमे॥ हिट्‌नुङ् हिट्‌नागाँ याहुदि काचाहारि-कुन्‍डालङिगा सादास्‍सेचि हिट्‌नुङ् इस्‍राइलिचिगा सोब्‍बे ओठेडोङ्‌चि चा याहुदि काचाहारि-कुन्‍डालङि ओछेम्‍डुचे, हिट्‌नुङ् मुलिचेलाचि खाम्‍बाङ्‌लाम्‍मा आप्‍टानुम्‌चिम् पिक्‍सा खाम्‍बाङ्‌ङिगा हाकिमचि हिट्‌नागाँ ओलोडुचे॥

मुलिचेला टोॽवा 5:24

माङ्‌ठाना काकोबा काप्‍तान हिट्‌नुङ् गाडुवाडाङ्‌बाचिङा ना रिङ् ओखेम्‍सुङ् “हाट्‌ले पाक् लियुक्‍ना होला?” पिक्‍सा हिट्‌नागा डोङ् ओठोङ्‌डे॥