युहान्‍ना 11:43 - आठपहरिया

⁴³ नाट्‌टेप्‍मा माप्‍मा हिडुङ् येसुङा ठेना ओसोरा चोगुङ् माट्‌टुए, “लाजारस, एला भारा होन्‍डाकाडा॥”

युहान्‍ना 11:43 ပူးပေါင်းရင်းမြစ်များ

मारकुस 4:41

हिट्‌नुङ् हिट्‌नागा डोङ् ओठोङ्‌डाउङ् किट्‌सा उन्‌चि उन्‌चि नाड्‌डे उपिगे, “ना साइना हाउ? हुन्‍डारि लोक् चुवा ओभेट्‌लेॽवाङा चा उन्‍ङाना उरिङ् ओखेम्‍सुङ् ओटेन्‍गा॥”

युहान्‍ना 11:42

खान्‍ङा आरिङ् सोरोक् आखेम्‍सुगा नुङ् आङा ठाहा टोगुङ्‌टुङ्, टरो खान्‍ङा आङा याङ्आपाङ्‌साङ्‌ना नुङ् नाहि ओयेबागा जोम् याप्‌मिचिङा बिस्‍वास ओचोगु नुङ् आङा खान् लोनाना॥”

युहान्‍ना 11:44

टब हिट्‌ना सियाना लाजारस उलाङ्-उमुक् कापाडाङा, हिट्‌नुङ् ओनाभाक् लोट्‌लिङ्‌ङा उरिगुनालोक् भारा कोबा काडे॥ येसुङा हिट्‌नागा लोडुचे, “हिट्‌ना ओरेक्‍टुना कापाडा फेन्‍डाबिडानुम्, हिट्‌नुङ् खाप्‍मा पिडानुम्॥”

युहान्‍ना 12:1

छुट्‌कारा चाडा उटुम् लिमा नुङ्‌ना ङा लेम्‍बा पाइले येसु बेथानिया युक्‍टाम्‌ङि होन्‍डा टाए॥ हिट्‌ना युक्‍ताम्‌ङि लाजारस युङाना डाना, उन् डोक् येसुङा सियानालाम्‍मा उहिङ्‌ग्‍वाट् चोगुना॥

युहान्‍ना 12:9

याहुदि याप्‌मिचिगा ठेना खिमेयाङ्‌मेङा येसु हिट्‌नि वाहेट् नुङ् ठाहा ओटोगुए॥ हिट्‌नुङ् हिट्‌नागा येसु पुमा एडोक् माखाक्, टरो उन्‍ङा सियानालाम्‍मा उहिङ्‌ग्‍वाट् चोगुना लाजारस चा पुमालाउङ्‌सा हिट्‌नागा ओटायागा डागा॥

मुलिचेला टोॽवा 3:12

हिट्‌नुङ् पाटरुसङा याप्‌मिचि निसुचिउङ् हिट्‌नागा लोडुचे, “इस्‍राइलि याप्‌मिचि, खानि पोङ् ना रिङ्‌ङि डोङ् आठोङ्‌डिटिगा टे? पाक् ना याप्‌मि आन्‍च्‍याँ बोल् हिट्‌नुङ् भाक्‌टिलाम्‍मा नुयाना नुङ् खानि आमिट्‌टिटिगि?

मुलिचेला टोॽवा 3:6

पाटरुसङा लोडुए, “आङालोक् साम्‍मेङ् रुपाक् वाइना, टरो आङालोक् जे युङ्‌ग्‍वा हिट्‌ना डोक् पिनाँ॥ नासारातङिना येसु खिरिस्‍टङा उनिङ्‌ङि कोबाउङ् लाम्‌टिया॥”

मुलिचेला टोॽवा 9:34

पाटरुसङा हिट्‌ना लोडुए, “हाउ एनियास येसु खिरिस्‍टङा खान् नुमानिङ् माचोक्‌युक्, कोबा हिट्‌नुङ् काडोलेन्‍चा फोगु॥” हिट्‌ना बेला डोक् हिट्‌ना नुयाउङ् कोबे॥

मुलिचेला टोॽवा 9:40

टरो पाटरुसङा ख्‍वाप्‍पा याप्‌मिचि कोठालाम्‍मा भारा पाङ्‌सुचे हिट्‌नुङ् उटुम्‍बुट्‌ङि युङाउङ् बिन्‌टि चोक्‍मा ठालाँ चोगुए॥ हिट्‌नुङ् हिट्‌ना सियाना याप्‌मिलेङ् नोक्‍टाउङ् लोडुए, “हाउ ताबिता, कोबा!” हिट्‌नुङ् हिट्‌नाँ उमिक् ओङ्‌सुए हिट्‌नुङ् पाटरुस निसुङ् कोबाउङ् युङे॥