युहान्‍ना 11:33 - आठपहरिया

³³ हिट्‌नुङ् येसुङा मारियाम हाबाना हिट्‌नुङ् उन्‌लोक् ओआबागा याहुदि याप्‌मिचि चा ओहाबेट्‌टागा निसुङ् येसुङाना आड्‌डिक् उनिङ्‌ग्‍वा टुगे॥

युहान्‍ना 11:33 ပူးပေါင်းရင်းမြစ်များ

मारकुस 3:5

हिट्‌नुङ् हिट्‌नागा याप्‌मिचिगा ओचाफेन्‍ना निङ्‌ग्‍वा लिसाना ठाहा टोगुङ् उनिङ्‌ग्‍वा टुगे, हिट्‌नुङ् ओयाग्‍लेडाउङ् हिट्‌नागा सोब्‍बे याप्‌मिचि पुयुचिउङ् हिट्‌ना याप्‌मि लोडुए, “कामुक् सोट् चोगु॥” हिट्‌नाङा उमुक् सोट् चोगुए हिट्‌नुङ् हिट्‌ना उमुक् नुलोक् लिसाडे॥

मारकुस 9:19

येसुङा हिट्‌नागा लोडुचे, “खोड्‌डेगा बिस्‍वास मालेगा याप्‌मिचि, आङा खानिलोक् खोना बेला सोम्‍मा युङ्‌ङाना? आङा खोट्‌टेप्‍मा खानि आङ्‌नानिगा? खोलो हिट्‌ना आङा सोरि आप्‍टानुम्॥”

युहान्‍ना 11:19

जोम् याहुदि याप्‌मिचि मारथा लोक् मारियामङा उन्‍झा सियानाँ उन्‌चि याङ्‌छामाङि टाक् पिमा ओटाइसागा॥

युहान्‍ना 11:31

उन्‌चि झान्‍झा सियाउङ् सान्‍तोना पिमा मारियाम ओपाङ्‌ङि ओखाडागा याप्‌मिचिङा उन् एला एला भारा होन्‍डाखाडाना उनिसुए, हिट्‌नागाँ उन्‍झाङाना ओहुम्‍पाङि हाब्‌सिङा खाडेना रैछो नुङ् उमिट्‌टाउङ् हिट्‌नागा उन्‍ङाना ओएङ्-ओएङ् ओखाडे॥

युहान्‍ना 11:34

हिट्‌नुङ् हिट्‌नागा सिलाप्‍टुचे, “खानिङा लाजारस खोनि आहुमुएसुम्‍मेना?” हिट्‌नागाँ उन् ओलोडुए, “टाङ्‌बा, आबाउङ् पुयु॥”

युहान्‍ना 11:35

हिट्‌नुङ् येसु हाबे॥

युहान्‍ना 11:38

फेरि येसुङाना उनिङ्‌ग्‍वा औधि टुगाउङ् उन् ओहुम्‍पालेङ् खाडे॥ हिट्‌ना ओहुम्‍पा ठिक् लुम्‍भुक्‌ङि डाना, हिट्‌नुङ् हिट्‌नाङाना ओयासि ठिक् ठेना लिङ्‌गेॽवाङा ओटेप्‍टुएसुना॥

युहान्‍ना 12:27

“हाट्‌ले आनिङ्‌ग्‍वा आड्‌डिक् टुगाइसे, हिट्‌नुङ् आङा पाक् माप्‍माना? ‘हाउ माङ्‌हाङ् पाबा, आङा ना याङ्‌छामालाम्‍मा याङ्‌होट्‌टा’ नुङ् पिक्‍मानि? माखाक्, आङा ना याङ्‌छामा फोक्‍मालाउङ्‌सा डोक् नाराङि टायाङ्‌ना॥

युहान्‍ना 13:21

नाटेप्‍मा माप्‍मा हिडुङ् येसुङाना उनिङ्‌ग्‍वा आड्‌डिक् टुगे हिट्‌नुङ् हिट्‌नागा पारचिन्‍दा लोडुचे, “छेम्‍बा डोक्, आङा खानि लोनाँनि, खानि माड्‌डे ठिबाङ्‌ङा आङा धोका याङ्‌पियुक्॥”

रोमि 12:15

मोज्‍जा ओचोग्‍गालोक् मोज्‍जा चोगानि, हिट्‌नुङ् ओहाब्‍गालोक् हाबानि॥

हिब्‍रु 4:15

आनिना सानिङ्‌डाङ्‌बाङा आनिना काम्‍जोरि ठाहा टोगुटु, पोङ्‌भोने आनि गाड्‌डे डोक् उन् याप्‍मा रिङ्‌ङि वारिक्‌ङि ठाए, टरो उन्‍ङा पाप चोग्‍वाट्‌टुन्॥