युहान्‍ना 10:4 - आठपहरिया

⁴ जब हिट्‌नाङा उन्‍ङाना सोब्‍बे उठुँबाचि भारा होट्‌टुचिचि, हिट्‌नुङ् उन् हिट्‌नागा ओटोप्‍माङ् ओटोप्‍माङ् लाम्‌टियुक्, हिट्‌नुङ् ठुँबाचिम्‍बाक् ओएङ्-ओएङ् रोक् उरिक्‍टुटु, पोङ्‌भोने ठुँबाचिङा ओसोरा मिसेन् उनिसुटु॥

युहान्‍ना 10:4 ပူးပေါင်းရင်းမြစ်များ

मात्‌ति 16:24

हिट्‌नुङ् येसुङा ओचेलाचि लोडुचे, “कोइ आचेला लिमा कोन्‌युक् भोने, हिट्‌नाङा आप्‍पे लोङ्‌सा माया चोक्‍मा नामा कोन्‌युक्, हिट्‌नुङ् उखाप्‍चे आप्‍पे खुयुङ् आएङ्‌स्‍वा ओआप्‌याक्॥

युहान्‍ना 10:16

हाट्‌ले ना ठुँबा खोराङि ओवानिगा आङागा आरु ठुँबाचि चा ओवाहेट्॥ हिट्‌नागा चा आङा टाप्‍माचि कोलाइसे, हिट्‌नुङ् हिट्‌नागाँ आसोरा ओखेम्‍सुटु, हिट्‌नुङ् हिट्‌नि ठुँबाचिगा ठिक्‍ए बागाल लियुक्, हिट्‌नुङ् ठिबाङ् एडोक् गोठाले लियुक्॥

युहान्‍ना 10:27

आठुँबाचिङा आरिङ् ओखेम्‍सुटु, हिट्‌नुङ् हिट्‌नागा आङा मिसेन् निसुङ्‌चिङ्‌चिङ्, हिट्‌नुङ् हिट्‌नागाँ आङा रोक् उरिक्‍ङा॥

युहान्‍ना 10:3

ढुवारिक् काकोबा याप्‌मिङा उन् लाउङ्‌सा ढुवारिक् ओङ्‌सुबिडुटु॥ हिट्‌नुङ् ठुँबाचिङा ओसोरा ओखेम्‍सुटु, हिट्‌नुङ् उठुँबाचिगा निङ् लाडुङ् छेम्‍डुचिचि, हिट्‌नुङ् हिट्‌नागा भारा खाट्‌टुचिचि॥

युहान्‍ना 10:5

ओडाङ्‌बा माले आरु खोनाङाना चा ओएङ्-ओएङ् ठुँबाचि ओलाम्‌टिनिगा, टरो हिट्‌नालाम्‍मा उपिन्‌युओखाट्‌युक्, पोङ्‌भोने हिट्‌नागाँगा सोरा ठुँबाचिङा मिसेन् उनिसुन्‍ना॥”

युहान्‍ना 10:8

आङा नुङ्‌ना पाइले ओटायागा सोब्‍बे याङ्‌काखुट्‌चि लोक् डाँकाचि ए, टरो ठुँबाचिङा हिट्‌नागाँगा रिङ् ओखेम्‍स्‍वाट्‌टुन्॥

युहान्‍ना 12:26

कोइङा आङाना सेवा चोगुटु भोने हिट्‌नाङा आङा डोक् याङ्उरिक्‌याक् हिट्‌नुङ् आङा खोनि खोनि लिङा आङाना सेवा काचोक्‍बा चा हिट्‌नि लियुक्॥ कोइङा आङाना सेवा चोगुटु भोने पाबाङा हिट्‌ना मान् चोगुटु॥

युहान्‍ना 13:15

आङा चोगुङ्‌ना गाड्‌डे डोक् खानिङा चा चोगानुम् नुङ् डोक् आङा खानि लोङ्‌सा ठिक् नामुना निमेट्‌नानिगा॥

युहान्‍ना 18:37

पिलातासङा येसु सिलाप्‍टुए, “हिट्‌नाडे भोने खान् हाङ्‌बा डोक् इ?” येसुङा लोडुए, “आङा हाङ्‌बा नुङ् खान् आप्‍पेङा आमाट्‌टुएट्‌टु॥ ना लोङ्‌सा डोक् आङा पोङ्‌साङ्‌ना, हिट्‌नुङ् छेम्‍बाना रिङ्‌ङाना साँचि पिमाउङ्‌सा नाराङि टायाङ्‌ना ए॥ छेम्‍बाना रिङ् निङ्‌ग्‍वा ओटासुगा सोब्‍बेङा आरिङ् ओखेम्‍सुटु॥”

युहान्‍ना 3:29

बेहुलि बेहुलाङाना ए॥ बेहुला सोरि येब्‍ना ओसाइबाम्‍बाक् बेहुलाङाना ओसोरा खेम्‍सुङ् आड्‌डिक् हारका लियुक्॥ हिट्‌डेउङ् आङाना ना हारका हाट्‌ले युडाइसे॥

१ कोरिन्‌थि 11:1

आङा खिरिस्‍टङाना योॽवा चोगुङ् गाड्‌डे डोक् खानिङा चा आङाना योॽवा चोगानुम्॥

एफिसि 5:1

खानि माङ्‌हाङ्‌ङा माया माचोगिगा छालेट्‌चि आलिसिनाँ खानि चा उन् गाड्‌डे डोक् लिमा कोलानि॥

हिब्‍रु 12:2

हाट्‌ले आनि बिस्‍वास उटुम् काचोक् हिट्‌नुङ् पुरो काचोक् येसु पुयुम्॥ उन्‍ङा उन् सोरि युङ्‌बालाक् आनान्‍दा लाउङ्‌सा खाप्‍चेङिना याङ्‌छामा आङ्‌डुए हिट्‌नुङ् हिट्‌नालाम्‍मा टाना मोम्‍मासिमाना रिङ् पाक्‍चा ठानाँ चोग्‍वाट्‌टुन्, हिट्‌नुङ् हाट्‌ले माङ्‌हाङ्‌ङाना सिङासान् उछुप्‍टाङ्‌लेङ् आदारङाना ठोङ्‌ङि युङेसे॥

हिब्‍रु 6:20

हिट्‌नि येसु आनि लाउङ्‌सा पाइले डोक् खाप्‍माहिडेसे॥ माल्‌किसेदेक पुजारि गाड्‌डे डोक् उन् सोरोक् आनिना सानिङ्‌डाङ्‌बा लिसेसे॥

१ पाटरुस 2:21

पोङ्‌भोने ना रिङ् लाउङ्‌सा डोक् माङ्‌हाङ्‌ङा खानि माछेम्‌डिगा ए॥ खिरिस्‍टङा चा खानिलोङ्‌सा याङ्‌छामा आङ्‌डुए, हिट्‌नुङ् उन् डोक् खानिना नामुना ए॥ हिड्‌नाड्‌डेउङ् खानि चा उन्‍ङा मानिमेट्‌टिगा लाम्‍बोङि लाम्‌टिमा कोन्‌युक्॥

१ पाटरुस 4:1

नाड्‌डेउङ् खिरिस्‍टङा ओयेम्‌ङि याङ्‌छामा आङ्‌डुए, खानिङा चा उन्‍ङा गाड्‌डे डोक् निङ्‌ग्‍वा मिट्‌टानुमुङ् बोल्‍लेउ लिसानि, पोङ्‌भोने येम्‌ङि याङ्‌छामा आङ्‌मा काहिबाङा डोक् पाप चोक्‍मा नाडुटु॥

१ पाटरुस 5:3

खानि जिम्‍माङि उलिसागा सासान् चोक्‍मा माखाक्, टरो हिट्‌नागा लाउङ्‌सा ओचेट्‌नुना सिको चोक्‍माना लिसानि॥