युहान्‍ना 10:18 - आठपहरिया

¹⁸ खोनाङा चा आङाना आचोला सेप्‍मा उहिडुन्‍ना, टरो आप्‍पे आनिङ्‌ग्‍वालाम्‍मा पिडुङ्‌टुङ्॥ आङालोक् आसोक्‍मा पिमाना आधिकार चा युङ्‌ग्‍वा, हिट्‌नुङ् फेरि नोक्‍माना आधिकार चा आङालोक् युङ्‌ग्‍वा॥ आङाना पाबाङा आङा याङ्‌पिडाना आग्‍याँ चा ना डोक्॥”

युहान्‍ना 10:18 ပူးပေါင်းရင်းမြစ်များ

युहान्‍ना 10:11

“ओचेट्‌नुना गोठाले आङा डोक्॥ नुना गोठालेङा उठुँबाचि लाउङ्‌सा ओचोला भोक् चा पिडुटु॥

युहान्‍ना 10:15

आङा पाबाङा मिसेन् याङ्‌नियुक्, हिट्‌नुङ् आङा पाबा मिसेन् निसुङ्‌टुङ्, हिट्‌नुङ् आङा ठुँबाचि लाउङ्‌सा आचोला चा भोक् पिडुङ्‌टुङ्॥

युहान्‍ना 10:17

“पाबाङा आङा माया याङ्‌चोक्‌युक्, पोङ्‌भोने आङा आचोला फेरि नोक्‍माउङ्‌सा भोक् चोगुङ्‌टुङ्॥

युहान्‍ना 14:31

टरो नाराङिगा याप्‌मिचिङा आङा पाबा माया चोगुङ्‌ना नुङ् ठाहा ओटोगुवाक् नुङ् पाबाङा आग्‍याँ याङ्‌चोगाना रिङ् गाड्‌डे चोगुङ्‌टुङ्॥ कोबानि, हाट्‌ले आनि नाहिलाम्‍मा खाड्‌याक्॥”

युहान्‍ना 15:10

आङा लोनानिगा आग्‍याँ पालान् आचोगुमे भोने, खानि आङाना मायाङि आलिसियाक्‌टिटि, हिट्‌नाडेडोक् आङा आङाना पाबाङाना आग्‍याँ पालान् चोगुएसुङे, हिट्‌नुङ् उन्‍ङाना मायाङि युङ्‌ङा॥

युहान्‍ना 19:11

येसुङा लोडुए, “खान् माङ्‌हाङ्‌ङा मापिनेट्‌नि भोने, आङा उठुङ्‌ङि खान्‍ङाना पाक्‍चा आधिकार लिनिना॥ हिड्‌नाड्‌डेउङ् आङा कामुक्‌ङि जिम्‍मा कापिबा याप्‌मि आझा जोम् पापङाना दोसि लियुक्॥”

युहान्‍ना 5:26

पोङ्‌भोने पाबा डोक् चोलाङाना उपुन् ए, हिट्‌डेडोक् उन्‍ङा उइछा चा चोलाङाना उपुन् चोगुएसुए॥

युहान्‍ना 5:30

“आङा आप्‍पेम्‍बाक् पाक्‍चा चोक्‍मा हिनिङ्‌ना॥ जे आङा खेम्‍सुङ्‌टुङ् हिट्‌ना पारा डोक् न्‍याए चोगुङ्‌टुङ्, हिट्‌नुङ् आङा चोगुङ्‌ना न्‍याएम्‍बाक् छेम्‍बाना, पोङ्‌भोने आङा आप्‍पे आनिङ्‌ग्‍वा गाड्‌डे पाक्‍चा चोक्‌निङ्‌ना, टरो आङा कापाङ्‌बाङाना उनिङ्‌ग्‍वा गाड्‌डे एरोक् चोगुङ्‌टुङ्॥

युहान्‍ना 6:38

पोङ्‌भोने आङा आप्‍पे आनिङ्‌ग्‍वाङिना रिङ् युमा टोनालोग्‌लाम्‍मा उङ्‌साङ्‌ना माखाक्, टरो आङा याङ्‌पाङ्‌साना माङ्‌हाङ्‌ङाना उनिङ्‌ग्‍वा युमाउङ्‌सा उङ्‌साङ्‌ना॥

मुलिचेला टोॽवा 2:24

टरो माङ्‌हाङ्‌ङा उन् सिमाना याङ्‌छामालाम्‍मा छुट्‌कारा पिडुए हिट्‌नुङ् उहिङ्‌ग्‍वाट् चोगुए, पोङ्‌भोने सिमाना रिङ्‌ङा उन् छाक्‍मा हिडुवाट्‌टुन्॥

मुलिचेला टोॽवा 2:32

“माङ्‌हाङ्‌ङा येसु सियानालाम्‍मा उहिङ्‌ग्‍वाट् चोगुना रिङ् आनि ख्‍वाप्‍पाङा निसुएसुम्‍मे॥

मुलिचेला टोॽवा 3:15

नाड्‌डेउङ् खानिङा चोला आपिना आसेडुमे, टरो माङ्‌हाङ्‌ङा उन् सियानालाम्‍मा उहिङ्‌ग्‍वाट् चोगुए॥ ना रिङ् काखेम्‍बा हिट्‌नुङ् कानिबा आन्‍याँ वासेट्‌टिङा॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

हिब्‍रु 2:9

टरो छोप्‍मोङ् लाउङ्‌सा माङ्‌हाङ्‌ङा येसु माङ्‌हाङ् रिङ् काउग्‍बाचि नुङ्‌ना खाट्‌टिउना चोगुना रिङ् आनि ठाहा टोगुम्‍टुम्॥ माङ्‌हाङ्‌ङाना ओमायादायाङा उन् सोब्‍बे याप्‌मिचि लाउङ्‌सा सिए, हिट्‌डेउङ् माङ्‌हाङ्‌ङा उन् माहिमा लोक् मान् टोगुम्‍ना मुकुट् मेट्‌टुए॥