युहान्‍ना 10:15 - आठपहरिया

¹⁵ आङा पाबाङा मिसेन् याङ्‌नियुक्, हिट्‌नुङ् आङा पाबा मिसेन् निसुङ्‌टुङ्, हिट्‌नुङ् आङा ठुँबाचि लाउङ्‌सा आचोला चा भोक् पिडुङ्‌टुङ्॥

युहान्‍ना 10:15 ပူးပေါင်းရင်းမြစ်များ

मात्‌ति 11:27

“ख्‍वाप्‍पा रिङ्‌चिगा आधिकार आप्‍पाङा आङा याङ्‌पिडैसे॥ उप्‍पाङा एडोक् उइछा मिसेन् निसुटु, हिट्‌नुङ् उइछाङा एडोक् उप्‍पा मिसेन् निसुटु, आरु साङा चा मिसेन् उनिसुन्‍ना, टरो माङ्‌हाङ् पाबा साइना नुङ् उइछाङा सेगुचिगा याप्‌मिचिङा एडोक् उन् मिसेन् उनिसुटु॥

मात्‌ति 20:28

हिट्‌डेडोक् याप्‌मि छा चा आरुलाम्‍मा सेवा टोक्‍मालोङ्‌सा माखाक्, टरो आरु सेवा चोक्‍मा हिट्‌नुङ् जोम् याप्‌मिचि छुट्‌कारा पिमा आप्‍पे ओसोक्‍मा लेट्‌मा लोङ्‌सा टायाना॥”

लुका 10:21

हिट्‌ना बेला डोक् येसु सेङ्‌सेङ्‌ना हाङ्‌साङा इप्‍टुङ् हारका लिसाउङ् माट्‌टुए, “हाउ माङ्‌हाङ् आप्‍पा, टोनालोग् हिट्‌नुङ् नाराङिना टाङ्‌बा, आङा खान्‌ङि पोए-पोए ठाङ्‌सुङ्‌टुङ् पोङ्‌भोने ओचाप्‍पाङ् याप्‌मिचि हिट्‌नुङ् जोम् ठोना उलिसागा याप्‌मिचिलाम्‍मा आठोबुङ् आयुङ्‌सुना नागा रिङ् खान्‍ङा पिच्‍छाचि गाड्‌डेगा याप्‌मिचि आनिमेट्‌टुचे॥ छेम्‍बा डोक् आप्‍पो, नाड्‌डे चोक्‍मा डोक् कानिङ्‌ग्‍वाङि नुलोक् आलोसे॥

लुका 10:22

“ख्‍वाप्‍पा रिङ्‌चिगा आधिकार आप्‍पाङा आङा याङ्‌पिडैसे॥ हिट्‌नुङ् उप्‍पाङा एडोक् उइछा मिसेन् निसुटु, उइछाङा एडोक् उप्‍पा मिसेन् निसुटु, आरुङा मिसेन् उनिसुन्‍ना, हिट्‌नुङ् माङ्‌हाङ् पाबा साइना नुङ् उइछाङा सेगुचिगा याप्‌मिचिङा एडोक् उन् मिसेन् उनिसुटु॥”

युहान्‍ना 1:18

माङ्‌हाङ् साङा चा खोना बेला चा उनिसुन्‍गेट्‌टुन्‍ना, टरो माङ्‌हाङ् पाबालोक् लिसाना ठिबाङ् एना, उन् आप्‍पे माङ्‌हाङ्, हिट्‌नुङ् उन्‍ङा डोक् आनिलाउङ्‌सा माङ्‌हाङ् आनिमेट्‌टाइसे॥

युहान्‍ना 10:11

“ओचेट्‌नुना गोठाले आङा डोक्॥ नुना गोठालेङा उठुँबाचि लाउङ्‌सा ओचोला भोक् चा पिडुटु॥

युहान्‍ना 15:13

साइबाचि लोङ्‌सा चोला पिमा नुङ्‌ना ठेना माया आरु पाक्‍चा वाइना॥

युहान्‍ना 17:25

“धारमोति आप्‍पो, नाराङिगा याप्‌मिचिङा खान् मिसेन् मानिनिना, टरो आङा खान् मिसेन् निनाँ, हिट्‌नुङ् खान्‍ङा आङा याङ्आपाङ्‌साङ्‌ना नुङ् नागा चेलाचिङा ठाहा ओटोगुटु॥

युहान्‍ना 6:46

खोनाङा चा पाबा उनिसुन्‍गेट्‌टुन्‍ना॥ माङ्‌हाङ्‌लाम्‍मा उङ्‌सानाँ एरोक् पाबा निसुएसुए॥

युहान्‍ना 8:55

टरो खानिङा उन् मिसेन् आनिनिम्‍गेट्‌निम्‍ना, आङाम्‍बाक् उन् मिसेन् निसुङ्‌टुङ्॥ आङा उन् मिसेन् निनिङ्‌ना नुङ् माट्‌टुङ्‌टुङ् भोने, आङा चा खानि गाड्‌डे डोक् माङ्‌जो काचेक्‍बा लिङा॥ टरो आङा उन् मिसेन् निसुङ्‌टुङ्, हिट्‌नुङ् उरिङ् पालान् चोगुङ्‌टुङ्॥

गालाति 1:4

हाट्‌ले आनि माङ्‌हाङ् पाबाङाना उनिङ्‌ग्‍वा गाड्‌डे येसुङा ना भेन्‍ना जुगलाम्‍मा छुट्‌कारा पिमाउङ्‌सा आनि पापङाना ओसाट्‌टोङि आप्‍पे ओचोला भोक् पिडुए॥

गालाति 3:13

टरो खिरिस्‍टङा धारमाबिधिङाना सारापलाम्‍मा आनि छुट्‌कारा आपिडे॥ उन् खाप्‍चेङि छुडानाँ, उन्‍ङा आप्‍पे आनिना फाट्‌टुर लाउङ्‌सा साराप खुयुए॥ पोङ्‌भोने धारमाछाप्‍लाङि छेप्‍टेसे, “जुन् खाप्‍चेङि छुडाउङ् सियुक्, हिट्‌नाँ साराप टोगुना लियुक्॥”

एफिसि 5:2

खिरिस्‍टङा आनि माया आचोगे हिट्‌नुङ् उन्‍ङा आप्‍पे ओचोला भोक् चोगुङ् आनि लाउङ्‌सा आपिडे हिट्‌नुङ् बुङ्‌बुङ् नाम्‍ना ढुपा गाड्‌डे डोक् माङ्‌हाङ्‌ङि ठाङ्‌सुए॥ हिट्‌डेडोक् खानिङा सोरोक् आरु याप्‌मिचि माया चोगानुम्‌चिम्॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

१ पाटरुस 2:24

आनि पाप लाउङ्‌सा सिइउङ् धारमिक्‍ता लाउङ्‌सा हिङि नुङ् खिरिस्‍ट आप्‍पेङा ओयेम्‌ङि आनि पाप खाप्‍चेङि खुयुए॥ हिड्‌नाड्‌डेउङ् उन्‍ङाना खेसिक्‌लाम्‍मा खानि आनुइए॥

१ पाटरुस 3:18

पोङ्‌भोने खिरिस्‍ट आनि पाप लोङ्‌सा एक्‍के खेप् सिए॥ ठिबाङ् नुना याप्‌मि कायाङ्‌छाबा याप्‌मिचि लाउङ्‌सा सिए॥ खिरिस्‍टङा आनि माङ्‌हाङ् सोरि खाप्‍माउङ्‌सा हिड्‌डे चोगुए॥ उन् याप्‌मिचिगा गाड्‌डे येम्‌ङि लिसानाँ सिए, टरो माङ्‌हाङ्‌ङाना ओहाङ्‌साङा उन् फेरि उहिङ्‌ग्‍वाट् चोगुए॥

१ युहान्‍ना 2:2

उन् आप्‍पे डोक् आनि पाप टुग्‍माउङ्‌सा भोक् लिसे, हिट्‌नुङ् आनि लाउङ्‌सा एरोक् माखाक्, टरो नाराङिगा सोब्‍बे याप्‌मिचि लाउङ्‌सा चा ए॥