युहान्ना 10:14 - आठपहरिया14 “ओचेट्नुना गोठाले आङा डोक्, आङा आठुँबाचि मिसेन् निसुङ्चिङ्चिङ्, हिट्नुङ् आङाना आठुँबाचिङा आङा मिसेन् याङ्उनियुक्॥ အခန်းကိုကြည့်ပါ။ |
युहान्ना 10:14
23 ပူးပေါင်းရင်းမြစ်များ
नागा एडोक् माखाक्, खिरिस्ट येसु आटाङ्बा ए नुङ् मिसेन् निमा टोग्माना बाहुमुल्ले रिङ् ए, हिट्ना नुङ्ना आरु ख्वाप्पा थोक् बिथाँङिगा नुङ् मिट्टुङ्टुङ्॥ खिरिस्ट नुलोक् मिसेन् उनिसुङ् नुङ् आङा हिट्नागा सोब्बे थोक् नाडेसुङे, हिट्नुङ् हिट्नागा सोब्बे थोक् आङा भुसुॽवा गाड्डे डोक् मिट्टुङ्टुङ्॥
हिट्नुङ् माङ्हाङ् छा टाइसे, हिट्नुङ् छेम्बाना माङ्हाङ् मिसेन् निमा उहिडुम् नुङ् उन्ङा आनि लाउङ्सा बुजा चोक्माना ठोना चा आपिडाना रिङ् ठाहा युङ्ग्वा॥ हिट्नुङ् आनि छेम्बाना माङ्हाङ्ङि वासेट्टि, पोङ्भोने आनि उन्ङाना छा येसु खिरिस्टङि वासेट्टि॥ उन् एरोक् छेम्बाना माङ्हाङ् हिट्नुङ् उन्ङा एरोक् याप्मिचि लाट्निना चोला पिमा हिडुचिचि॥
खानि सैतानङा सासान् चोगुना डेन्ङि आयुङिगा नुङ् आङा ठाहा टोगुङ्टुङ्॥ टरोचा खानिङा आङा आझै बिस्वास आचोगियाक्टिङे॥ हिट्नुङ् आङाना बारेङि पारचार काचोक् बिस्वासिलो एन्टिपासलाउङ्सा पाक् लिसेना हिट्ना रिङ् आङा ठाहा टोगुङ्टुङ्॥ एन्टिपासलाउङ्सा याप्मिचिङा सैतानङा सासान् चोगुना खानि खालाङ्गाङि ओसेडुचा खानिङा आङि बिस्वास चोक्मा आनानेट्निम्॥
“खानि खोड्डे पारिक् आचोगेट्टिगा हिट्ना आङा ठाहा टोगुङ्टुङ्॥ खानिङा ठिबाङ्ङा आरको माया आचोगुम्चिम्गा हिट्नुङ् खानिङा आङा बिस्वास आचोगुम्ना रिङ् चा आङा ठाहा टोगुङ्टुङ्॥ खानिङा ठिबाङ्ङा आरको घुवार आफाडुम्चिम्गा, हिट्नुङ् धैइरे आलिसिगा रिङ् चा आङा ठाहा टोगुङ्टुङ्॥ खानिङा आङा पाइले बिस्वास आचोगुम्ना बेला नुङ्ना चा हाट्ले याप्मा रिङ् आचोगुएट्टुम्ना आङा ठाहा टोगुङ्टुङ्॥
खानिङा आचोगुम्ना सोब्बे थोक् आङा ठाहा टोगुङ्टुङ्॥ खानिङा आचोगुम्ना टुक्लोक् टोॽवा हिट्नुङ् खानिगा आङ्मा हिमाना बोल् आङा निसुङ्टुङ्॥ हिट्नुङ् खानिङा ओभेन्ना रिङ् काचोक्बा याप्मिचि चिम्मा आफुट्टुम्चिगा आङा ठाहा टोगुङ्टुङ्, हिट्नुङ् खानिङा हिट्नागा मुलिचेलाचि नुङ् उपिग्गा याप्मिचिगा बिस्वास जाँच आचोगुम्मे, हिट्नुङ् हिट्नागा माङ्जो उपिग्येट्गा रैछो नुङ् ठाहा आटोगुम्मे॥
“खानिङा याङ्छामा आङ्डुएट्टुम् हिट्नुङ् खानिलोक् पाक्चा वाइना नुङ् आङा ठाहा टोगुङ्टुङ्, टरो माङ्हाङ् ओनाजारङि खानि वागाठागा याप्मिचि नुङ्म्बाक् छेम्बा डोक् ए॥ आप्पेलाउङ्सा याहुदि नुङ् उपिग्गा याप्मिचिङा खानि बिरुद्दाङि ओचाफेन्गा रिङ् ओचेक्टागा आङा ठाहा टोगुङ्टुङ्, टरो हिट्नागा याहुदिचि माखाक्॥ हिट्नागा सैतानङाना छुम्माङिगा याप्मिचि ए॥
“सारडिस खालाङ्गाङिना माङ्पाङ्ङिना माङ्हाङ् रिङ् काउग्बा लाउङ्सा ना खाबोर छेप्टु॥ ना खाबोरम्बाक् माङ्हाङ्ङाना सि टेप्मा हाङ्सा लोक् सि टेप्मा चोक्चिङ्गेट्चि लिसानाँ माट्टुना ए॥ उन्ङा माट्टुटु, ‘खानि टोॽवा आङा ठाहा टोगुङ्टुङ्॥ याप्मिचिङा खानि उहिङ्ग्वाट् डोक् आवासेट्टि नुङ् मालोडिगा, टरो खानि बिस्वास भोनेउम्टे सियाडाना ए॥’
खानिङा आचोगुम्ना टोॽवा आङा लाउङ्सा ठाहा युङ्ग्वा॥ खेम्सानुम्, आङा खानि सोरि ढुवारिक् ओङ्सुएसुङे, हिट्ना ढुवारिक् साङा चा छाक्मा उहिडुन्ना॥ खानिलोक् आङाना सेवा चोक्माना याप्मा बोल् वाइना नुङ् आङा ठाहा टोगुङ्टुङ्, टरो चा खानिङा आरिङ् आखेम्सुम्मे हिट्नुङ् आङि बिस्वास चोक्मा आनानिम्गेट्निम्ना॥
ကြော်ငြာတွေ