युहान्‍ना 10:12 - आठपहरिया

¹² टरो निम्‍याक्‌ङि ठुँबा पुमाउङ्‌सा युङ्‌बालाक् याप्‌मिम्‍बाक् ब्‍वाँसो आबाना निसुङ् ठुँबाचि पोक्‍टुढोचिउङ् पिन्‌युक् खाट्‌युक्, पोङ्‌भोने ठुँबाचि उन्‍ङाना माखाक्, हिट्‌नुङ् ब्‍वाँसोङा ठुँबाचि पाट्‌टुचिचि हिट्‌नुङ् चेम्‍बेलेङ् चोगुचिचि॥

युहान्‍ना 10:12 ပူးပေါင်းရင်းမြစ်များ

मात्‌ति 10:16

“खेम्‍सानुम्, आङा खानि ब्‍वाँसोचिगा माझै ठुँबा गाड्‌डे डोक् पाङ्‌नागेट्‌नानि, हिट्‌डेउङ् खानि ओप्‍पु गाड्‌डे ओचाप्‍पाङ् हिट्‌नुङ् ढुकुर गाड्‌डे सोझो लिसानि॥

मात्‌ति 7:15

“माङ्‌जोगा माङ्‌काटाचिलाम्‍मा ओछेक्‍छेक् लिसानिउङ् युङानि, हिट्‌नागा टे भाराउम् सोजो ठुँबा गाड्‌डे उनिङ्‌युङ् खानि सोरि ओटायुक्, टरो हिट्‌नागाउम्‍टे ब्‍वाँसो गाड्‌डेगा डोक् उलियुक्॥

युहान्‍ना 10:13

हिट्‌ना याप्‌मि भागाँ लियुङ् खाट्‌युएट्‌युक्, पोङ्‌भोने हिट्‌ना ठुँबाचि पुमा निम्‍याक्‌ङि युङ्‌बालाक् एडोक् हिट्‌नुङ् हिट्‌नाङा ठुँबाचिगा यान्‍दा डोक् चोगुन्‌चिन्‍गा॥

युहान्‍ना 10:2

टरो ढुवारिलाम्‍मा भिट्‌रा लिक्‍नाम्‍बाक् ठुँबा कापुबा ए॥

युहान्‍ना 10:3

ढुवारिक् काकोबा याप्‌मिङा उन् लाउङ्‌सा ढुवारिक् ओङ्‌सुबिडुटु॥ हिट्‌नुङ् ठुँबाचिङा ओसोरा ओखेम्‍सुटु, हिट्‌नुङ् उठुँबाचिगा निङ् लाडुङ् छेम्‍डुचिचि, हिट्‌नुङ् हिट्‌नागा भारा खाट्‌टुचिचि॥

मुलिचेला टोॽवा 20:29

पोङ्‌भोने आङा खाट्‌नाजाङाउङ् जाङ्‌गालि ब्‍वाँसोचि ओटायुक्, हिट्‌नुङ् हिट्‌नागाँ ठुँबाचिगा बागालचि जाखाम् ओचोगुगा गाड्‌डे डोक् खानि माझाङि माङ्‌जोगा रिङ् काहिसिक्‍बाचि उलिक्‌युक् हिट्‌नुङ् माङ्‌पाङ्‌ङिगा याङ्‌छामा ओचाट्‌टुचिगा रिङ् आङा ठाहा टोगुएसुङे॥

१ तिमोथि 3:3

टेडुना माखाक्, खेमाबुङ्‌मा चोक्‍ना माखाक् टरो टोङ्‌ना, ओचाट्‌ला नुना लिसाना हिट्‌नुङ् ओफाबाङाना एडोक् टोम्‌जिरिॽवा लिमा लिनिना॥

१ तिमोथि 3:8

नाड्‌डेडोक् माङ्‌पाङ्‌ङिना डिकानचि मान् चोक्‍मा उनुगा हिट्‌नुङ् इमान्‍दारि लिमा कोन्‌युक्॥ हिट्‌नागा आड्‌डिक् टेडुबा हिट्‌नुङ् ओचाफेन्‍लोक् ओफाबा कामाँ चोक्‍मा निङ्‌ग्‍वा काचोक्‍बा लिमा लिनिना॥

२ तिमोथि 4:10

पोङ्‌भोने डेमासङा ना नाराङिगा थोक्‌चिङि उनिङ्‌ग्‍वा पिडुङ् आङा याङ्‌नाडाउङ् उन् थेसालोनिकेङि खाडाइसे॥ केरसेन्‍साम्‍बाक् गालातियाङि हिट्‌नुङ् तितासम्‍बाक् दालामातियाङि खाडाइसे॥

तितास 1:7

माङ्‌पाङ्‌ङिना ओठेडोङ् माङ्‌हाङ्‌ङाना टोॽवा नुलोक् कापुबा लिसानाँ उन् साङा चा फाट्‌टुर आलाबुन्‍गेट्‌टुन्‍ना याप्‌मि लिमा कोन्‌युक्॥ आपुङ्‌गे चोक्‍ना, उन् एला ओरेक् काट्‌ना, आड्‌डिक् टेडुना, खेमाबुङ्‌मा काचोक्‍बा हिट्‌नुङ् ओफाबाङि टोम्‍ना याप्‌मि लिमा लिनिना॥

१ पाटरुस 5:2

माङ्‌हाङ्‌ङा खानि जिम्‍माङि मापिडिगा ठुँबाचि निङ्‌ग्‍वा मिटाए मिटाए माखाक्, टरो खानि निङ्‌ग्‍वालाम्‍मा डोक् ओचेट्‌नुलोक् पुयानुम्‌चिम्॥ ओफाबा टोक्‍माउङ्‌सा माखाक्, टरो माङ्‌हाङ्‌ङाना उनिङ्‌ग्‍वा गाड्‌डे सेवा चोक्‍माना निङ्‌ग्‍वाङा ना टोॽवा चोगानुम्॥

२ पाटरुस 2:3

नागा काहिसिक्‍बाचि आड्‌डिक् लोभिचि उलियुक्, हिट्‌नुङ् नागाँ माङ्‌जोगा छिॽवाक् मुन्‍डुम्‌चि मालोडिउङ् खानि मासुबिटि॥ माङ्‌हाङ्‌ङा पाइले डोक् हिट्‌नागा साजाए पिमा निङ्‌ग्‍वा चोक्‍मा हिडुएसुए, हिट्‌नुङ् हिट्‌नागा जाखाम् चोक्‍मा उन् ढिलो चोक्‌निना॥