युहान्‍ना 10:10 - आठपहरिया

¹⁰ याङ्‌काखुट्‌बा उम्‍टे याङ्‌खुट्‌मा, सेप्‍मा हिट्‌नुङ् जाखाम् चोक्‍मा एडोक् टायुक्॥ आङाउम्‍टे हिट्‌नागाँ चोला ओटोगु, हिट्‌नुङ् हिट्‌ना औधि जोम् ओटोगुवाक् नुङ् टायाङ्‌ना ए॥

युहान्‍ना 10:10 ပူးပေါင်းရင်းမြစ်များ

मात्‌ति 18:10

“ओछेक्‍छेक् युङानि, खानिङा नागा खाट्‌टिउगा पिच्‍छाचि माड्‌डेङि ठिबाङ् चा आङ्‌छाप्‍मा मेट्‌नेनुम्‌चिम्॥ पोङ्‌भोने आङा खानि लोनाँनि, टोनालोग्‌ङि हिट्‌नागाँगा माङ्‌हाङ् रिङ् काउग्‍बाचि सोरोक् टोनालोक्‌ङि युङ्‌ना आङाना पाबा ओटोकानाङि डोक् ओवाएट्॥

मात्‌ति 18:11

[पोङ्‌भोने याप्‌मि छा ओमासागा हिङ्‌मेप्‍मा लाउङ्‌सा टायाना ए॥]

मात्‌ति 20:28

हिट्‌डेडोक् याप्‌मि छा चा आरुलाम्‍मा सेवा टोक्‍मालोङ्‌सा माखाक्, टरो आरु सेवा चोक्‍मा हिट्‌नुङ् जोम् याप्‌मिचि छुट्‌कारा पिमा आप्‍पे ओसोक्‍मा लेट्‌मा लोङ्‌सा टायाना॥”

मात्‌ति 21:13

हिट्‌नुङ् उन्‍ङा हिट्‌नागा लोडुचे, “धारमाछाप्‍लाङि नाड्‌डे छेप्‍टेसे, ‘आपाङ्उम्‍टे बिन्‌टि चोक्‍माना पाङ् लिमा कोन्‌युक्॥’ टरो खानिङा नाम्‍टे डाँकाचिगा लुम्‍भुक् गोलो आचोगुएसुम्‍मे॥”

मात्‌ति 23:13

“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा टोनालोग्‌ङिना मुलुक्‌ङिना ढुवारिक् याप्‌मिचिगा नाभाक्‌ङि आछाक्‍टुएसुम्‍मे॥ खानि आप्‍पे चा आलिगिन्‍गा, हिट्‌नुङ् लिग्‍मा ओकोन्‍गा याप्‌मिचि चा लिग्‍मा आपिनिम्‌चिम्‍गा॥

मारकुस 11:17

हिट्‌नुङ् उन्‍ङा याप्‌मिचि सिकाँ चोक्‍सा नाड्‌डे लोडुचे, “धारमाछाप्‍लाङि नाड्‌डे छेप्‍टेसे, ‘आपाङ्उम्‍टे सोब्‍बे छोङ्‌बाचिगा बिन्‌टि चोक्‍माना पाङ् लिमा कोन्‌युक्,’ टरो खानिङाम्‍टे याङ्‌काखुट्‌चिगा लुम्‍भुक् गोलो आचोगुएसुम्‍मे॥”

लुका 19:10

याप्‌मि छा ओमासागा याप्‌मिचि कोन्‌सिङा हिट्‌नुङ् हिङ्‌मेप्‍मा लाउङ्‌सा टायाना ए॥”

युहान्‍ना 10:1

येसुङा माट्‌टुए, “छेम्‍बा डोक्, आङा खानि लोनाँनि, खोना याप्‌मि ठुँबा खोराङि ढुवारिक्‌लाम्‍मा भिट्‌रा लिक्‌निना, टरो आरकोलाम्‍मा ठाङ्‌युङ् लिक्‌युक्, हिट्‌नाम्‍बाक् याङ्‌काखुट् लोक् डाँका ए॥

युहान्‍ना 10:11

“ओचेट्‌नुना गोठाले आङा डोक्॥ नुना गोठालेङा उठुँबाचि लाउङ्‌सा ओचोला भोक् चा पिडुटु॥

युहान्‍ना 12:47

कोइङा आरिङ् खेम्‍सुङ् पालान् चोगुन्‍ना भोने, आङा हिट्‌नाङाना न्‍याए चोक्‌निङ्‌ना, पोङ्‌भोने आङा नारा न्‍याए चोक्‍ङा माखाक्, टरो नारा हिङ्‌मेप्‍माउङ्‌सा टायाङ्‌ना॥

युहान्‍ना 12:6

टरो हिट्‌नाङा पाक्‍चा ओवानिगा माया चोगुचिउङ् हिट्‌नाड्‌डे लोडुचिगा माखाक्, पोङ्‌भोने हिट्‌ना याङ्‌काखुट् डाना, हिट्‌नुङ् ओफाबा युङ्‌माना चाम्‍सुप्‍मा हिट्‌नाङा डोक् युङ्‌सुना, हिट्‌नुङ् हिट्‌निलाम्‍मा ओफाबा याङ्‌खुट्‌टुगा डागा॥

युहान्‍ना 3:17

माङ्‌हाङ्‌ङा नाराङिगा याप्‌मिचि फाट्‌टुर लाप्‍मा लोङ्‌सा उइछा पाङ्‌सुना माखाक्, टरो उन्‌लाम्‍मा हिट्‌नागा उहिङ्‌याक् नुङ् पाङ्‌सुए॥

युहान्‍ना 5:40

टरो लाट्‌निना चोला टोक्‍माउङ्‌सा खानि आङा सोरि टामा निङ्‌ग्‍वा आचोक्‌निम्‍गा॥

युहान्‍ना 6:33

पोङ्‌भोने माङ्‌हाङ्‌ङा आपिना चालेप्‍पाम्‍बाक् हिट्‌ना डोक्, जुन् टोनालोग्‌लाम्‍मा उङ्‌युङ् नाराङिगा याप्‌मिचि खोना बेला चा लाट्‌निना चोला पिडुचिचि॥”

युहान्‍ना 6:51

टोनालोग्‌लाम्‍मा ठाया उङ्‌साना उहिङ्‌ग्‍वाट् चालेप्‍पा आङा डोक्॥ कोइङा ना चालेप्‍पा चोए भोने हिट्‌ना सोरोक् हिङ्‌युक्॥ हिट्‌नुङ् ना चालेप्‍पा आङाना आयेम् ए, नाउम्‍बाक् नाराङिगा याप्‌मिचिङा चोला ओटोगु नुङ् पिडुङ्‌चिङ्‌चिङ्॥”

रोमि 2:21

खानिङा आरु आहिसिक्‍टुम्‌चिम्‍गा, टरो आप्‍पेम्‍बाक् पोङ् सिकाँ आलिसिन्‍गा? खानिङा याङ्‌खुट्‌मा लिनिगा नुङ् आहिसिक्‍टुम्‌चिम्‍गा, पोङ् आप्‍पेम्‍बाक् याङ्आखुट्‌टुम्‍टुम्‍गा?

१ तिमोथि 1:15

“खिरिस्‍ट येसु कायाङ्‌छाबाचि हिङ्‌मेप्‍माउङ्‌सा डोक् ना नाराङि टाए”, ना रिङ् छेम्‍बा डोक् ए हिट्‌नुङ् सोब्‍बेङा बिस्‍वास चोक्‍मा कोन्‌युक्॥ हिट्‌नुङ् कायाङ्‌छाबाचि माड्‌डे आङाम्‍बाक् सोब्‍बे नुङ्‌ना औधि कायाङ्‌छाबा याप्‌मि॥

हिब्‍रु 6:17

हिट्‌नाड्‌डेउङ् माङ्‌हाङ्‌ङा चोगुना चामारसिङा काइले चा फेराँ लिनिना नुङ् उन्‍ङाना चामारसिङा काटोक्‍बाचि पारचिन्‍दा चोक्‍मा उन्‍ङा चा किरे चोए॥

हिब्‍रु 7:25

हिट्‌नाड्‌डेउङ् येसुङि बिस्‍वास ओचोगुङ् माङ्‌हाङ् सोरि ओखाट्‌गा याप्‌मिचि उन्‍ङा सोरोक् लाउङ्‌सा बाचाँ चोक्‍मा हिडुचिचि, पोङ्‌भोने हिट्‌नागा लाउङ्‌सा माङ्‌हाङ्‌ङि बिन्‌टि चोक्‍माबिमा उन् सोरोक् उहिङ्‌ग्‍वाट् वाहेट्॥

२ पाटरुस 1:11

नाड्‌डेउङ् माङ्‌हाङ्‌ङा खानि आनि टाङ्‌बा लोक् काहिङ्‌मेप्‍बा डाङ्‌बा येसु खिरिस्‍टङाना खोना बेला चा लाट्‌निना उमुलुक्‌ङि लिग्‍मा खानि आड्‌डिक् निङ्‌ग्‍वालाम्‍मा डोक् आनुमोति मापिडिटि॥