युहान्‍ना 1:50 - आठपहरिया

⁵⁰ येसुङा हिट्‌ना लोडुए, “पाक् आङा खान् वामाखोक्‍पोङाना सिङ् उभुङ्‌मा उछिक्‌ङि निने लोने नुङ् डोक् खान्‍ङा बिस्‍वास आचोगुए नि? खान्‍ङा नागा नुङ्‌ना चा ठेगा रिङ् आनिसुटु॥”

युहान्‍ना 1:50 ပူးပေါင်းရင်းမြစ်များ

मात्‌ति 13:12

पोङ्‌भोने खोनालोक् युङ्‌ग्‍वा, हिट्‌नाङा आझै झान् याप्‍मा टोगुटु॥ टरो खोनालोक् वाइना, हिट्‌नुङ् हिट्‌नालोक् खाट्‌टिप्‍मा लिसाना चा हिट्‌नालाम्‍मा नाप्‌युक्॥

मात्‌ति 21:19

लाम्‍बो ओछेउङि उन्‍ङा ठिक् वामाखोक्‍पोङाना उभुङ्‌मा निसुए॥ उन् हिट्‌ना उभुङ्‌मा नेट्‌टाङ् खाडे, टरो हिट्‌ना उभुङ्‌माङि ओलाभाॽवा माले पाक्‍चा टुबुव्‍ट्‌टुन्॥ हिट्‌नुङ् हिट्‌ना उभुङ्‌मा लोडुए, “हाट्‌ले नुङ् खान्‌ङि खोना बेला चा टुल्‍फुल ओकेङ्‌नियाक्॥” हिट्‌नुङ् हिट्‌ना वामाखोक्‍पो उभुङ्‌मा हिट्‌ना बेला डोक् लेमाडे॥

मात्‌ति 25:29

पोङ्‌भोने जुन्‌लोक् युङ्‌ग्‍वा हिट्‌नाङा आझै झान् याप्‍मा टोगुटु हिट्‌नुङ् हिट्‌नालोक् झान् याप्‍मा लियुक्॥ टरो जुन्‌लोक् वाइना, हिट्‌नालोक् खाट्‌टिप्‍मा लिसाना चा हिट्‌नालाम्‍मा नाप्‌युक्॥

लुका 1:45

मारियाम, खान् माङ्‌हाङ्‌ङा जोम् आसिक् मापिडैसे, पोङ्‌भोने खान्‍ङा माङ्‌हाङ्‌ङा मालोडाना रिङ्‌चि सोब्‍बे ना आचोलाङि डोक् युयुक् नुङ् बिस्‍वास आचोगुए॥”

लुका 7:9

हिट्‌ना काप्‍तानङा उरिङ् खेम्‍सुङ् येसु आड्‌डिक् डोङ् डोक् ठोङ्‌डे हिट्‌नुङ् ओएङ्-ओएङ् ओआबागा याप्‌मिचिगा खिमेयाङ्‌मेलेङ् नोक्‍टाउङ् लोडुचे, “नाड्‌डे पाराना ठेना बिस्‍वास काचोक्‍बा याप्‌मिम्‍टे आङा इस्‍राएलि याप्‌मिचिङि चा टुब्‌निङ्‌गेट्‌निङ्‌ना॥”

युहान्‍ना 1:49

नाथानेलङा लोडुए, “काहिसिक्‍बा, खान्‌उम्‍टे माङ्‌हाङ् छा रैछो, खान् इस्‍राएलङिना हाङ्‌बा ए॥”

युहान्‍ना 1:51

येसुङा हिट्‌ना लोडुए, “छेम्‍बा डोक्, आङा खानि लोनाँनि, खानिङा टोनालोग् ओङ्‌साना हिट्‌नुङ् माङ्‌हाङ् रिङ् काउग्‍बाचि याप्‌मि छा उठुङ्‌ङि उठाङागेट्‌टागा हिट्‌नुङ् ओठायागेट्‌टागा आनिसुम्‍टुम्॥”

युहान्‍ना 11:40

येसुङा हिट्‌ना लोडुए, “बिस्‍वास आचोगुए भोने, खान्‍ङा माङ्‌हाङ्‌ङाना माहिमा आनिसुटु नुङ् आङा लोनाना माखाइ टे?”

युहान्‍ना 20:29

हिट्‌नुङ् येसुङा हिट्‌ना लोडुए, “खान्‍ङाम्‍टे आङा याङ्आनिसाङाउङ् बिस्‍वास आचोगुए, टरो जुन्‍ङा आङा मिनिङे बिस्‍वास ओचोगुटु, हिट्‌नागा माङ्‌हाङ्‌ङा आसिक् पिडुचिचि॥”