युहान्‍ना 1:13 - आठपहरिया

¹³ हिट्‌नागा पाबा-मामालाम्‍मा हिट्‌नुङ् याप्‌मिचिगा निङ्‌ग्‍वालाम्‍मा ओपोङ्‌सागा माखाक्, टरो माङ्‌हाङ्‌ङा डोक् हिट्‌नागा ओछालेट्‌चि चोगुचिगा॥

युहान्‍ना 1:13 ပူးပေါင်းရင်းမြစ်များ

मात्‌ति 3:9

हिट्‌नुङ् ‘आन्‍याँम्‍टे आब्‍राहामङाना ओछालेट्‌चि गोलो टे’ पिक्‍सा माङ्‌हाङ् उपुन्‌जिरिॽवालाम्‍मा होम्‍मा हिडिटिङा नुङ् मिट्‌नेनिन्, पोङ्‌भोने आङा खानि लोनाँनि, माङ्‌हाङ्‌ङा नागा लिङ्‌गेॽवालाम्‍मा चा आब्‍राहाम ओछालेट्‌चि चोक्‍मा हिडुटु॥

युहान्‍ना 3:3

येसुङा हिट्‌ना लोडुए, “छेम्‍बा डोक्, आङा खान् लोनाँ, कोइ याप्‌मि फेरि पोङ्‌नेएट्‌नि भोने, उन्‍ङा माङ्‌हाङ् उमुलुक् निमा टोगुन्‍ना॥”

१ कोरिन्‌थि 3:6

हिट्‌नुङ् आङा लालिक् लेट्‌टुङे, हिट्‌नुङ् आपोल्‍लोसङा लालिक्‌ङि चुवा ठेन्‍डुए, टरो लालिक् पोना टोॽवाम्‍बाक् माङ्‌हाङ्‌ङा डोक् चोगुए॥

फिलिप्‌पि 2:13

पोङ्‌भोने माङ्‌हाङ् आप्‍पेङा खानिङि टोॽवा चोगेट्‌टु॥ माङ्‌हाङ्‌ङा खानिङि उन्‍ङा पाक् चोक्‍माना निङ्‌ग्‍वा चोगुटु हिट्‌ना चोक्‍माना निङ्‌ग्‍वा हिट्‌नुङ् बोल् चा खानि मापिडिटि॥

तितास 3:5

हिट्‌नुङ् माङ्‌हाङ् ओदायाङा आनि आहिङ्‌मेट्‌टे टरो आनि आप्‍पेङा धारमिक् टोॽवा चोगुम्‍नाँ माखाक्॥ उन्‍ङा आनि ओछोङ्‌ग्‍वाट् चोला आपिडे हिट्‌नुङ् उन्‍ङा सेङ्‌सेङ्‌ना हाङ्‌सा आनि आपिडाउङ् आनिगा सोब्‍बे पापचि टुगुए हिट्‌नुङ् ओछोङ्‌ग्‍वाट् लाम्‍बोङि लाम्‌टिमाना बोल् आपिडे॥

याकुब 1:18

उन्‍ङा सिरिस्‌टि चोगुचिगा थोक्‌चि माड्‌डे आनि सोब्‍बे नुङ्‌ना चाहाब् लिसिगा लिमा उहिडियाक् नुङ् छेम्‍बाना रिङ्‌लाम्‍मा उन्‍ङाना उनिङ्‌ग्‍वाङा डोक् आनि ओछालेट् चोक्‍माना निङ्‌ग्‍वा चोगुए॥

१ पाटरुस 1:23

माङ्‌हाङ्‌ङाना उहिङ्‌ग्‍वाट् हिट्‌नुङ् सोरोक् लियुयाक्‍ना रिङ्‌लाम्‍मा खानि फेरि आपोङ्‌सिएसिए॥ खानि जाखाम् लिना पाबाङा ओछालेट्‌चि माखाक्, टरो जाखाम् लिनिना पाबाङाना ओछालेट्‌चि ए॥

१ पाटरुस 1:3

आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ्‌ङा आनि आड्‌डिक् लुक्‍मा आटुक्‍टानाँ ओछोङ्‌ग्‍वाट् चोला आपिडे, पोङ्‌भोने उन्‍ङा येसु खिरिस्‍ट सियानालाम्‍मा उहिङ्‌ग्‍वाट् चोगुए॥ हिड्‌नाड्‌डेउङ् आनि ठेना आसा चोगुमुङ् हिङिटि,

१ पाटरुस 2:2

लोप्‍मो पोङ्‌साना ओओ नुनु ठुङ्‌मा लाउङ्‌सा ओसाॽवासा गाड्‌डे डोक् खानि चा माङ्‌हाङ्‌ङाना छेम्‍बाना रिङ् ठुङ्‌मा निङ्‌ग्‍वा पिडानुम्, हिट्‌नुङ् खानि हिट्‌नालाम्‍मा मुक्‌टिङि पोसा आखाडिटि॥

१ युहान्‍ना 3:9

माङ्‌हाङ्‌ङाना छालेट्‌ङा खोनाँ चा पाप चोगुन्‌याक्‍टुन्‍ना, पोङ्‌भोने उन्‍ङाना चाट्‌ला हिट्‌नालोक् लियुक्, हिट्‌नुङ् हिट्‌नाङा पाप चोगुन्‌याक्‍टुन्‍ना, पोङ्‌भोने हिट्‌ना माङ्‌हाङ्‌ङाना छालेट् ए॥

१ युहान्‍ना 4:7

मायालु आसाइबाचि, आनि ठिबाङ्‌ङा आरको माया चोग्‍गा चोग् चोगि, पोङ्‌भोने माया चोक्‍माना निङ्‌ग्‍वाम्‍बाक् माङ्‌हाङ्‌लाम्‍मा टायुक्॥ जुन्‍ङा आरु याप्‌मिचि माया चोगुचिचि, हिट्‌ना माङ्‌हाङ् उइछा हिट्‌नुङ् हिट्‌नाङा माङ्‌हाङ् मिसेन् निसुटु॥

१ युहान्‍ना 5:1

येसु डोक् खिरिस्‍ट नुङ् बिस्‍वास काचोक्‍बाचि सोब्‍बे माङ्‌हाङ् ओछालेट्‌चि ए॥ हिट्‌नुङ् जुन्‍ङा माङ्‌हाङ् पाबा माया चोगुटु हिट्‌नाङा उइछा चा माया चोगुटु॥

१ युहान्‍ना 5:18

माङ्‌हाङ् ओछालेट्‌चि खोनाङा चा पाप ओचोगुन्‌याक्‍टुन्‍ना नुङ् आनि ठाहा टोगुम्‍टुम्, पोङ्‌भोने माङ्‌हाङ् छाङा उन् जोगाँ चोगुटु हिट्‌नुङ् सैतानङा उन् पाक्‍चा चोक्‍मा हिडुन्‍ना॥

१ युहान्‍ना 5:4

पोङ्‌भोने माङ्‌हाङ् ओछालेट्‌चि ख्‍वाप्‍पाङा नाराङिगा ओभेन्‍गा थोक्‌चि मेप्‍मा उहिडुटु॥ नाड्‌डेउङ् नाराङिगा ओभेन्‍गा रिङ्‌चि आनि बिस्‍वासलाम्‍मा डोक् मेप्‍मा हिडुम्‍टुम्॥