याकुब 5:8 - आठपहरिया

⁸ खानि चा नाड्‌डेडोक् हाङ्‌सा युङानि॥ खानि आसा सेट्‌नेनुम्, पोङ्‌भोने टाङ्‌बा टामाना लेम्‍बा नेहेट्‌टाङ् युङ्‌ग्‍वा॥

याकुब 5:8 ပူးပေါင်းရင်းမြစ်များ

लुका 21:19

माङ्‌हाङ्‌ङि बिस्‍वासिलो लिसानि हिट्‌नुङ् खानिङा खोना बेला चा लाट्‌निना चोला आटुबुम्‍टुम्॥”

युहान्‍ना 21:22

येसुङा पाटरुस लोडुए, “आङा टानिङ्‌लोक् सोम्‍मा उन् उहिङ्‌याक् नुङ् आनिङ्‌ग्‍वा लिचा खान्‍ङाम्‍बाक् नाङाना बारेङि पाक्‌ङाना चासो आचोगुटुना? खान्‍ङाम्‍बाक् आङा रोक् याङ्‌रिक्‍टा॥”

रोमि 8:25

हिट्‌नुङ् ना बेला आन्‍याँ टोक्‌निम्‍गेट्‌निम्‍गा रिङ् टोक्‍माउङ्‌सा धैइरे चोगिङाउङ् हाङ्‌सुम्‍टुम्‍मा॥

गालाति 5:22

टरो सेङ्‌सेङ्‌ना हाङ्‌साङा माट्‌टु गाड्‌डे काचोक्‍बा याप्‌मिङा नाड्‌डेगा टोॽवा चोगुटु, उन्‍ङा याप्‌मिचि माया चोगुचिचि, खुसि लियुक्, हाङ्‌हाङ् लियुक्, आङ्‌मा काहिबा लियुक्, याप्‌मिचि दाया चोगुचिचि, आरु नुलोक् मेट्‌टुचिचि, बिस्‍वासिलो लियुक्,

फिलिप्‌पि 4:5

सोब्‍बे याप्‌मिचिङा खानि धैइरे आलिसिगा रिङ् निमेट्‌टानुम्‌चिम्, पोङ्‌भोने टाङ्‌बा उङ्‌ना रिङ् नेहेटाङ्‌ना ए॥

१ थेसालोनिकि 1:10

हिट्‌नुङ् खानिङा टोनालोग्‌लाम्‍मा उङ्‌ना उन्‍ङाना छाङाना लाम्‍बो आपुयुएट्‌टुम् बो नुङ् ओमाट्‌टुए॥ हिट्‌ना येसु डोक् उन्‍ङा सियानालाम्‍मा उहिङ्‌ग्‍वाट् चोगुए, हिट्‌नुङ् उन्‍ङा डोक् टायुगेट्‌ना माङ्‌हाङ्‌ङाना उकुन्‌जिरिॽवालाम्‍मा आनि छुट्‌कारा आपियुक्॥

१ थेसालोनिकि 2:19

पोङ्‌भोने आनि टाङ्‌बा येसु उङ्‌ना बेला उन् सोरि आन्‍याँ ठेलोक् चोग्‍माना मुकुट्, आन्‍याँ आसा, हिट्‌नुङ् आनान्‍दा खानि डोक्, पाक् खानि डोक् माखाइ टे?

१ थेसालोनिकि 3:13

नाड्‌डेउङ् उन्‍ङा खानि बिस्‍वासङि बोल्‍लेउ लिमा घुवार माफाडिटि, हिट्‌नुङ् आनि टाङ्‌बा येसु उन्‍ङाना ख्‍वाप्‍पा सेङ्‌सेङ्‌गा ओयाप्‌मिचिलोक् उङ्‌ना बेला आनि माङ्‌हाङ् पाबाङाना ओटोकानाङि खानि सेङ्‌सेङ् हिट्‌नुङ् फाट्‌टुर माले आलिसिटि॥

२ थेसालोनिकि 3:5

माङ्‌हाङ्‌ङा खानि माया माचोगिगा रिङ् बुझा चोक्‍माना लोक् खिरिस्‍टलाम्‍मा टोगुम्‍ना आङ्‌माना बोल् टाङ्‌बाङा डोक् खानि मानिमेट्‌टेयाक्॥

याकुब 5:3

खानिगा साम्‍मेङ् लोक् रुपाक्‌ङि उहि ठाइसे॥ हिट्‌ना उहि डोक् खानि बिरुद्‌दाङि साँचि लियुक्, हिट्‌नुङ् मिङा टुना गाड्‌डे डोक् खानि येम् जाखाम् चोगुटु॥ खानिङा आछुम्‍सुम्‍गा माक्‍फेन्‍सुबेन् डोक् न्‍याए चोक्‍माना लेम्‍बा खानि बिरुद्‌दाङि साँचि लियुक्॥

याकुब 5:9

आम्‍बु-आन्‍झाचि हिट्‌नुङ् आनो-आन्‍झाचि, ठिबाङ्‌ङा आरकोङाना बिरुद्‌दाङि गिन्‌गिन् चेक्‍नेनिन्॥ हिट्‌डे आचोगिटि भोने, टाङ्‌बाङा खानि दोसि नुङ् न्‍याए माचोगिटि॥ खेम्‍सानुम्, न्‍याए काचोक्‍बा ढुवारिक्‌ङि डोक् वाहेट्॥

१ पाटरुस 4:7

हिट्‌नुङ् ख्‍वाप्‍पा रिङ्‌ङाना आन्‍ते लिसा डोक् लाबे॥ हिट्‌नाड्‌डेउङ् खानि निङ्‌ग्‍वा रेक्‍टानुमुङ् ओछेक्‍छेक् लिसानिउङ् बिन्‌टि चोगानि॥

पारकास 22:20

नागा सोब्‍बे रिङ्‌ङाना साँचि कापिबाङा नाड्‌डे माट्‌टुटु, “छेम्‍बा आङा एला डोक् उङ्‌ङा॥” आमेन्॥ छेम्‍बा डोक्, आन्‍याँ येसु डाङ्‌बा, एला डोक् उङ्‌सा॥