याकुब 4:8 - आठपहरिया

⁸ खानि माङ्‌हाङ्‌ङाना नेहेटाङ् टायानि हिट्‌नुङ् माङ्‌हाङ् चा खानि नेहेटाङ् टायुक्॥ हाउ कायाङ्‌छाबा याप्‌मिचि, खानि मुक् वासिडानुम् सेङ्‌सेङ् चोगानुम्॥ हाउ इप्‍पोक्‌लेङ् निङ्‌ग्‍वा कापि याप्‌मिचि, खानि निङ्‌ग्‍वा सेङ्‌सेङ् चोगानुम्॥

याकुब 4:8 ပူးပေါင်းရင်းမြစ်များ

मात्‌ति 12:33

“सिङ् उभुङ्‌मा साप्‍राङ् लिसाना भोने उसा चा साप्‍राङ् लिसाना डोक् केङुटु, हिट्‌नुङ् सिङ् उभुङ्‌मा नास् लिसाना भोने उसा चा नास् लिसाना डोक् केङुटु॥ पोङ्‌भोने उभुङ्‌मा ओचेट्‌नुना इ ओचाफेन्‍ना नुङ् उसालाम्‍मा डोक् मिसेन् निसुम्‍टुम्॥

मात्‌ति 15:2

“काचेलाचिङा टुबाठेबाचिलाम्‍मा लिसाडायागा रितिथितिचि पोङ् चालाँ ओचोगुन्‍गा? पोङ्‌भोने हिट्‌नागाँ चामा नुङ्‌ना पाइला उन्‌चि मुक् वासिमाना रिति चा ओचोगुन्‍गा॥”

मात्‌ति 27:24

टरो पिलातासङा पाक्‍चा चोक्‍मा हिनिना निसुए, हिट्‌नुङ् हाट्‌ले खालाङ्‌बालाङ् लियुक् नुङ् किट्‌टाउङ् उन्‍ङा याप्‌मिचिगा टोकानाङि चुवाङा उमुक् वासिडुङ् लोडुचे, “ना याप्‌मिङाना ओहेलिक्‌ङाना जिम्‍मा आङि ओठानिचा ए, खानि डोक् ओठायाक्॥”

मुलिचेला टोॽवा 15:9

उन्‍ङा याहुदि लोक् पानिछोङ्‌बा याप्‌मिचि साम्‍डुव्‍ट्‌टुन्‌चिन्॥ माङ्‌हाङ्‌ङा उन्‌चि निङ्‌ग्‍वा सेङ्‌सेङ् चोगुबिडुचे, पोङ्‌भोने हिट्‌नागाँ टाङ्‌बाङि बिस्‍वास ओचोगुए॥

२ कोरिन्‌थि 7:1

मायालु आसाइबाचि, माङ्‌हाङ्‌ङा आनि नागा चामारसिङा आचोगानाँ आनि येम् हिट्‌नुङ् आनि हाङ्‌सा आसुद्‌दो चोगुना साब्‍बे पारिक्‍गा रिङ् चोक्‍मा नाडुम्, हिट्‌नुङ् माङ्‌हाङ् मान् चोगुमुङ् पुरो सेङ्‌सेङ् लिसा खाडि॥

१ तिमोथि 2:8

हिट्‌नुङ् साब्‍बे डेन्‌ङि येम्‍बेछाचिङा उन्‌चि रेक् उचिमुङ् हिट्‌नुङ् खेमाबुङ्‌मा मिचोक्‍ङे सेङ्‌सेङ्‌ना उन्‌चि मुक्‌चि ओफोगुङ् माङ्‌हाङ्‌ङि बिन्‌टि ओठाङ्‌सुवाक् नुङ् आनिङ्‌ग्‍वाङि युङ्‌ग्‍वा॥

हिब्‍रु 10:22

उन्‍ङा आनिना ओचाफेन्‍ना निङ्‌ग्‍वा ओहेलिक्‌ङा सेङ्‌सेङ् आचोगाबिडेसे हिट्‌नुङ् आनि येम् सेङ्‌सेङ्‌ना चुवाङा आवासिबिडेसे॥ हिट्‌नाड्‌डेउङ् छेम्‍बाना बिस्‍वास लोक् भोरोसाङि माङ्‌हाङ् सोरि आनि खाडि॥

याकुब 1:8

पोङ्‌भोने माङ्‌हाङ् हिट्‌नुङ् नारालेङ् निङ्‌ग्‍वा कापिबा याप्‌मिङाना चाट्‌ला एक्‍के ठोङ् लिनिना॥

याकुब 3:17

टरो टोनालाम्‍मा लिना ठोनाम्‍बाक् हिट्‌ना आड्‌डिक् डोक् चोखो लियुक्, हिट्‌नाम्‍बाक् सोब्‍बे काटोङ्‌बा, आड्‌डिक् सुदो हिट्‌नुङ् सोब्‍बेलोक् टोङ्‌ना लियुक्॥ हिट्‌नुङ् आड्‌डिक् लुक्‍मा काटुक्, सोरोक् नुना टोॽवा काचोक्‍बा, टो यो चोक्‌निना हिट्‌नुङ् ढाँट् फोक्‌निना लियुक्॥

१ पाटरुस 1:22

हाट्‌ले खानिङा छेम्‍बाना रिङ् मानाँ आचोगुमुङ् खानि निङ्‌ग्‍वा सेङ्‌सेङ् आचोगुम्‍नाँ खानि भुम्‍भु-झान्‍झाचि हिट्‌नुङ् नाना-झान्‍झाचि छेम्‍बाना माया चोगानुम्‌चिम्, हिट्‌नुङ् निङ्‌ग्‍वालाम्‍मा डोक् ठिबाङ्‌ङा आरको माया चोग्‍गा चोग् चोगानि॥

१ पाटरुस 3:21

हिट्‌नुङ् ना चुवाङा बाप्‌टिस्‍माङाना साङ्‌केट् चोगुटु, जुन्‍ङा खानि माहिङिटि॥ ना येम्‌ङिना रिग्‍वाट् वासिडि गाड्‌डे माखाक्, टरो ना चोखो मिप्‍माना बोल्‍ङा माङ्‌हाङ्‌लोक् चोक्‍बालाक् चामारसिङा ए॥ येसु खिरिस्‍ट सियानालाम्‍मा उहिङ्‌ग्‍वाट् लिसानाँ ना बाप्‌टिस्‍माङा खानि आहिङिटि॥

१ युहान्‍ना 3:3

हिट्‌नुङ् खिरिस्‍ट फाकाट्‌ना लिसा गाड्‌डे, उन्‌ङि नाड्‌डेना आसा उयुङ्‌सुगाँ ख्‍वाप्‍पा याप्‌मिङा आप्‍पेलाउङ्‌सा फाकाट्‌ना ओचोगुङ् उयुङ्‌सुटु॥