याकुब 3:13 - आठपहरिया

¹³ खानि माड्‌डेङि कोइ ठोना लिसाना हिट्‌नुङ् रिङ् बुजा काचोक्‍बा याप्‌मि युङ्‌ग्‍वा भोने, उन्‍ङा आप्‍पेलाउङ्‌सा मेयोक् चोगुङ् हिट्‌नुङ् ठोना लिसाना याप्‌मि गाड्‌डे डोक् ओचेट्‌नुलोक् टोॽवा चोगुङ् ओचोलाङि निमेट्‌मा कोन्‌युक्॥

याकुब 3:13 ပူးပေါင်းရင်းမြစ်များ

मात्‌ति 11:29

आङाना जुवा खुयानुम् हिट्‌नुङ् आङालाम्‍मा सिकाँ लिसानि, पोङ्‌भोने आङा मेयोक्‍ना हिट्‌नुङ् आनिङ्‌ग्‍वा दायालु ए, हिट्‌नुङ् खानिङा आराम आटोगुम्‍टुम्॥

मात्‌ति 21:5

“सियोन खालाङ्‌गाङि याप्‌मिचिलोङ्‌सा ना रिङ् लोडानुम्‌चिम्, ‘पुयानुम्, खानि हाङ्‌बा खानि सोरि आप्‌युगेट्, उन् मेयोक् लिसाउङ् गाधाङि ठाङाउङ्, ठिक् गाधा उइछाङि ठाङाउङ् आप्‌युगेट्॥’”

मात्‌ति 5:5

मेयोक् उलिगा लोङ्‌सा माङ्‌हाङ्‌ङा आसिक् पिडुचिचि, पोङ्‌भोने उन्‍ङा हिट्‌नागा ना नारा हिट्‌नुङ् नेहिगा ख्‍वाप्‍पा थोक्‌चि पिडुचिचि॥

मात्‌ति 7:24

“हिड्‌डेउङ् आङा माट्‌टुङ्‌ना रिङ् काखेम्‍बा हिट्‌नुङ् हिड्‌डे गाड्‌डे काचोक्‍बा याप्‌मिम्‍बाक् बोल्‍लेउ लिङ्‌गेॽवा उठुङ्‌ङि पाङ् काचोक्‍बा ओठोना लिसाना याप्‌मिलोक् हिट्‌ना टोङ्‌सुङ्‌टुङ्॥

१ कोरिन्‌थि 6:5

खानिलोङ्‌सा ना मोम्‍मासिमाना रिङ् लिसे नुङ् आङा खानि लोनाँनि॥ हिट्‌नुङ् खानि आप्‍पे बिस्‍वासि भुम्‍बु-झान्‍झाचि माझाङि खेमाबुङ्‌मा रिङ् टोङ्‌मा काहिबा ठोना लिसाना याप्‌मि खानि सोरि ठिबाङ् चा वाइना इ टे?

२ कोरिन्‌थि 10:1

आङा खानिलोक् लिङाना मेयोक् लिङाना बो, टरो लाप्‍माङ् वाङानाँम्‍बाक् आँटि लिङाना बो नुङ् खानिङि आम्‍टेप्‍माङा आमाट्‌टुम्‍गा बो॥ हाट्‌ले आङा पावाल खिरिस्‍टङाना नाम्‍रा हिट्‌नुङ् दायाङाना आधिकारलाम्‍मा खानिलाउङ्‌सा बिन्‌टि चोग्‍नाँनि,

२ कोरिन्‌थि 8:24

हिड्‌नाड्‌डेउङ् हिट्‌नागा खानिङा आरु माया आचोगुम्‌चिम्‍गा रिङ् निमेट्‌टानुम्‌चिम्, हिट्‌नुङ् खानि बारेङि पोङ् आन्‍याँ सोरोक् ओचेट्‌नुना रिङ् माट्‌टुम् याक्‍टुम्‍टुम्‍माना हिट्‌ना रिङ्‌ङाना पारमान् सोब्‍बे माङ्‌पाङ्‌ङिगा पिडानुम्‌चिम्॥

गालाति 5:23

मेयोक्‍ना लियुक्, हिट्‌नुङ् आप्‍पे लाउङ्‌सा काबुङि कायुङ्‌बा लियुक्॥ नागा टोॽवाङाना बिरुद्‌दाङि पाक्‍चा नियाम वाइना॥

गालाति 6:1

आम्‍भु-आन्‍झाचि हिट्‌नुङ् आनो-आन्‍झाचि, कोइ याप्‌मिङा ओचाफेम्‍मा टोॽवा चोगुना आटुबुम्‍मे भोने, खानि माङ्‌हाङ्‌ङाना ओहाङ्‌साङि दोरो आलिसागा मेयोक् लिसानिउङ् हिट्‌ना सुधार चोक्‍मा कोन्‌युक्॥ टरो ओछेक्‍छेक् चोगानि, नाभाउम्‍टे खानि चा निङ्‌ग्‍वा छिक्‍माङि ठामा आहिडिटि॥

गालाति 6:4

खानि सोब्‍बेङा आप्‍पे आचोगुम्‍ना टोॽवा नुलोक् पुयानुम्॥ ओचेट्‌नुना लिसे भोने खानिङा आचोगुम्‍ना टोॽवाङि हारका लिसानि, टरो खानिङा आचोगुम्‍ना टोॽवाम्‍बाक् आरु याप्‌मिचिलोक् टोङ्‌नेनुम्॥

एफिसि 4:2

सोरोक् डोक् नाम्‍रा हिट्‌नुङ् सोजो निङ्‌ग्‍वाङि युङानि॥ धैइरे चोगानि हिट्‌नुङ् माया चोग्‍गा चोग् चोक्‍सा ठिबाङ्‌ङा आरको आङ्‌डानुम्॥

फिलिप्‌पि 1:27

मुलि रिङ्‌म्‍बाक् खिरिस्‍टङाना नुना खाबोर गाड्‌डेना खान्‍डुना खानि चाल चालान् लिमा कोन्‌युक्॥ हिट्‌नुङ् आङा खानि टुब्‍मा आप्‍मा चा, टुब्‍मा आप्‌निङ्‌चा खानिङा ठिक्‍ए निङ्‌ग्‍वा आचोगिउङ् ठिक्‍ए उदेसेङि जोम् याप्‌मिचिङा नुना खाबोर बिस्‍वास ओचोगुवाक् नुङ् टोॽवा आचोगुम्‍ना रिङ् खेम्‍मा ओटोगुङ् नुङ् निङ्‌ग्‍वा चोगुङ्‌टुङ्॥

कालास्‌सि 3:12

पोङ्‌भोने खानिम्‍टे माङ्‌हाङ्‌ङा ओयाप्‌मिचि लिमा मासेगिगा हिट्‌नुङ् उन् लाउङ्‌सा खानि आसाम्‍डेसिए, हिट्‌नुङ् उन्‍ङा खानि माया माचोगिटि॥ हिड्‌नाड्‌डेउङ् खानिङा याङ्‌छामा ओटोगुगा याप्‌मिचि घुवार फाडानुम्‌चिम्, दाया चोगानुम्‌चिम्, मेयोक् लिसानि, सोजो लिसानि, आङ्‌मा कोन्‍ना रिङ्‌ङि निङ्‌ग्‍वा पिडानुम्॥

१ तिमोथि 4:12

खोनाङा चा खान् ठाङ्‌बेन् नुङ् मालोनिजान्‍याक्, टरो बिस्‍वासिचि माझाङि चेक्‍माजामा, नुना चाट्‌ला चोक्‍मा, माया चोक्‍मा, बिस्‍वासङि हिट्‌नुङ् सेङ्‌सेङ् वामाना रिङ्‌ङि नामुना लिसा॥

१ तिमोथि 6:11

टरो खान् माङ्‌हाङ्‌ङाना याप्‌मि, नाड्‌डेगा सोब्‍बे रिङ् खान्‍ङा नाडु, हिट्‌नुङ् माङ्‌हाङ् ओटोकानाङि पाक् नुना हिट्‌ना चोक्‍मा, भाक्‌ति चोक्‍मा, बिस्‍वासिलो लिमा, माया चोक्‍मा, धैइरेताङि लोक् मेयोक् लिमा कानिङ्‌ग्‍वा पिडु॥

२ तिमोथि 2:25

हिट्‌नुङ् बिरोध काचोक्‍बाचि मेयोक् लिमाउङ् सुधार काचोक् लिमा कोन्‌युक्॥ टैचा नाड्‌डे लिसे भोने माङ्‌हाङ्‌ङा हिट्‌नागा काएल्-काबु लिमाना निङ्‌ग्‍वा हिट्‌नुङ् छेम्‍बाना रिङ् टिग्‍माना निङ्‌ग्‍वा पिमा हिडुचिचि॥

तितास 3:2

हिट्‌नागाँ आरु साक्‍चा ओचाफेन्‍लोक् ओलोडुन्‌चिन्‍चा, हिट्‌नुङ् खेमाबुङ्‌मा टोॽवा ओचोक्‌निचा हिट्‌नुङ् टोङ्‌ना हिट्‌नुङ् सोब्‍बेलोक् आड्‌डिक् मेयोक् उलियाक्॥

हिब्‍रु 13:5

माक्‍फेन्‍सुबेन् कामाँ चोक्‍मा एडोक् खानि टोम्‌जिरिॽवा लिनेनिन्, खानिलोक् लिसागा थोक्‌ङि सोन्‍तोक् लिसानि, पोङ्‌भोने माङ्‌हाङ् नाड्‌डे पिग्‌युक्, “आङा खानि खोना बेला चा पोक्‍नेनिन्‍गा, हिट्‌नुङ् आङा खानि खोना बेला चा नानेनिन्‍गा॥”

याकुब 1:21

हिड्‌नाड्‌डेउङ् सोब्‍बे नाड्‌डेगा ओचाफेन्‍गा हिट्‌नुङ् ओभेन्‍गा चाट्‌ला नाडानुम्, हिट्‌नुङ् मेयोक् लिसानिउङ् खानि निङ्‌ग्‍वाङि युङ्‌बालाक् माङ्‌हाङ् उरिङ् लाडानुम्, पोङ्‌भोने ना रिङ्‌ङा डोक् खानि जोगाँ चोक्‍मा माहिडिटि॥

याकुब 2:18

टरो कोइ-कोइङा ओमाट्‌टुटु होला, “खान्‍ङा बिस्‍वास आचोगुटु, आङाम्‍बाक् टोॽवा चोगुङ्‌टुङ्॥” लु टोॽवा मालेना काबिस्‍वास याङ्‌निमेट्‌टा टे, हिट्‌नुङ् आङाम्‍टे आङा चोगुङ्‌ना टोॽवालाम्‍मा आङि लिसाना बिस्‍वास निमेट्‌नाँ॥

याकुब 3:1

आम्‍बु-आन्‍झाचि हिट्‌नुङ् आनो-आन्‍झाचि, खानि माड्‌डे याप्‍मा जाना काहिसिक्‍बा लिनेनिन्, पोङ्‌भोने आनि काहिसिक्‍बाचिगा आरु नुङ्‌ना आझा टुक्‍लोक् न्‍याए लियुक् नुङ् खानिलोङ्‌सा ठाहा युङ्‌ग्‍वा॥

याकुब 3:17

टरो टोनालाम्‍मा लिना ठोनाम्‍बाक् हिट्‌ना आड्‌डिक् डोक् चोखो लियुक्, हिट्‌नाम्‍बाक् सोब्‍बे काटोङ्‌बा, आड्‌डिक् सुदो हिट्‌नुङ् सोब्‍बेलोक् टोङ्‌ना लियुक्॥ हिट्‌नुङ् आड्‌डिक् लुक्‍मा काटुक्, सोरोक् नुना टोॽवा काचोक्‍बा, टो यो चोक्‌निना हिट्‌नुङ् ढाँट् फोक्‌निना लियुक्॥

१ पाटरुस 1:15

टरो खानि काछेम्‍बा माङ्‌हाङ् सेङ्‌सेङ्‌ना॥ हिट्‌डेउङ् खानि चा सोब्‍बे रिङ्‌ङि सेङ्‌सेङ् लिसानि॥

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

१ पाटरुस 2:9

टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥

१ पाटरुस 3:4

टरो खानिना सुन्‍दारता भिट्‌रा निङ्‌ग्‍वाङि उलियाक्, जुन् खोना बेला चा मेयोप् लिनिना नाम्‍रा हिट्‌नुङ् सान्‍ता लिसाना हाङ्‌साङाना सुन्‍दारता ए, हिट्‌नुङ् नाम्‍बाक् माङ्‌हाङ्‌ङाना ओटोकानाइ आड्‌डिक् जोम् मुल्‍लेङाना ए॥