याकुब 3:1 - आठपहरिया

¹ आम्‍बु-आन्‍झाचि हिट्‌नुङ् आनो-आन्‍झाचि, खानि माड्‌डे याप्‍मा जाना काहिसिक्‍बा लिनेनिन्, पोङ्‌भोने आनि काहिसिक्‍बाचिगा आरु नुङ्‌ना आझा टुक्‍लोक् न्‍याए लियुक् नुङ् खानिलोङ्‌सा ठाहा युङ्‌ग्‍वा॥

याकुब 3:1 ပူးပေါင်းရင်းမြစ်များ

मात्‌ति 10:24

“खोना चेला चा काहिसिक्‍बा नुङ्‌ना ठेना लिनिना हिट्‌नुङ् चाकार ओडाङ्‌बा नुङ्‌ना ठेना लिनिना॥

मात्‌ति 23:13

“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा टोनालोग्‌ङिना मुलुक्‌ङिना ढुवारिक् याप्‌मिचिगा नाभाक्‌ङि आछाक्‍टुएसुम्‍मे॥ खानि आप्‍पे चा आलिगिन्‍गा, हिट्‌नुङ् लिग्‍मा ओकोन्‍गा याप्‌मिचि चा लिग्‍मा आपिनिम्‌चिम्‍गा॥

मात्‌ति 23:14

[“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा लाङ्‌मेप्‍माचिगा पाङ्‌ठाङ् आनाप्‍टुम्‌चिम्‍गा, हिट्‌नुङ् आरु निमेट्‌माचि लाउङ्‌सा होप्‍मो सोम्‍मा केलोक् बिन्‌टि आचोगुम्‍गा॥ नाड्‌डेउङ् खानिङा आड्‌डिक् टुक्‍लोक् साजाए आटोगुम्‍टुम्॥]

मात्‌ति 9:11

हिड्‌नाड्‌डेना उनिसुङ् फारिसि याप्‌मिचिङा ओचेलाचि उसिलाप्‍टुचे, “पोङ् खानि काहिसिक्‍बाङा तिरो काफोक्‍बाचि हिट्‌नुङ् कायाङ्‌छाबा याप्‌मिचिलोक् एक्‍केउ युङ्‌युङ् चोटुगा?”

लुका 16:2

हिट्‌नुङ् वागाठेगा याप्‌मिङा हिट्‌ना कोटेरिबा छेम्‍डुए हिट्‌नुङ् लोडुए, ‘खान्‍ङाना बारेङि आङा ओचाफेन्‍ना रिङ् खेम्‍सुएट्‌टुङ्, खान्‍ङा आयुङ्‌सुना ख्‍वाप्‍पा आमाक्‍फेन्‍सुबेन्‌ङाना हारहिसाब् याङ्‌निमेट्‌टा, पोङ्‌भोने आङा खान् ना काटोॽवालाम्‍मा होट्‌नागेट्‌नाँ॥’

लुका 6:37

“याप्‌मिचि न्‍याए चोक्‍नेनुम्‌चिम्, हिट्‌नुङ् माङ्‌हाङ्‌ङा चा खानि न्‍याए माचोगिन्‍गा॥ आरु फाट्‌टुर लाब्‍नेनुम्‌चिम्, हिट्‌नुङ् खानि चा फाट्‌टुर मालाबिन्‍गा॥ याप्‌मिचि छेमा पिडानुम्‌चिम्, हिड्‌डेउङ् खानिङा चा छेमा आटोगुम्‍टुम्॥

युहान्‍ना 3:10

हिट्‌नुङ् येसुङा हिट्‌ना लोडुए, “पाक् खान् इस्‍राएलि याप्‌मिचिगा काहिसिक्‍बा आलि चा नागा रिङ् बुजा आचोगुन्‍नै?

मुलिचेला टोॽवा 13:1

एन्‌टिओखिया खालाङ्‌गाङिना माङ्‌पाङ्‌ङि माङ्‌काटाचि हिट्‌नुङ् काहिसिक्‍बा याप्‌मिचि ओवासेट्‌टागा॥ हिट्‌नि बारनाबास, माक्‍ना ओलोडुना सिमियोन, कुरेनिलाम्‍मा आबाना लुकियास, हेरोद हाङ्‌बालोक् पोयाना मनेन हिट्‌नुङ् सावाल डाना॥

१ कोरिन्‌थि 12:28

हिट्‌नुङ् माङ्‌हाङ्‌ङा डोक् माङ्‌पाङ्‌ङि– पाइले मुलिचेलाचि, दोस्‍रोम्‍बाक् माङ्‌काटाचि, तेस्‍रोम्‍बाक् काहिसिक्‍बाचि, हिट्‌नुङ् डोङ् ठोङ्‌डिगा टोॽवा काचोक्‌चि, हिट्‌नुङ् उटुगागा नुमानिङ् चोक्‍माना बारदान काटोक्‌चि, आरु घुवार काफाबाचि, माङ्‌पाङ् चालाँ काचोक् ओठेडोङ्‌चि हिट्‌नुङ् खाले-खाले रिङ्‌ङि चेक्‍माना बारदान ओटोगुगा याप्‌मिचि युङ्‌सुएसुचे॥

२ कोरिन्‌थि 5:10

पोङ्‌भोने आनि सोब्‍बे ठिक् लेम्‍बा न्‍याए लोङ्‌सा खिरिस्‍टङाना ओटोकानाङि एप्‍मा कोन्‌युक्॥ हिट्‌डेउङ् आनि सोब्‍बेङा ना येम्‌ङि लिसिनाँ चोगुम्‍ना ओचेट्‌नुना टोॽवा आथाबा ओचाफेन्‍ना टोॽवाङाना इनाम टोगुम्‍टुम्॥

एफिसि 4:11

उन्‍ङा डोक् कोइ मुलिचेलाचि, कोइ माङ्‌काटाचि, कोइ नुना खाबोर कालोचि, कोइ माङ्‌पाङ्‌ङिगा गोठाले हिट्‌नुङ् कोइम्‍बाक् काहिसिक्‍बाचि चोगुचे॥

१ तिमोथि 1:7

हिट्‌नागा मोसाङाना धारमाबिधि काहिसिक्‍बा लिमा ओकोन्‍गा, टरो हिट्‌नागा आप्‍पेङा ओमाट्‌टुना रिङ् हिट्‌नुङ् ना छेम्‍बाना ए पिक्‍सा ओमाट्‌टुना रिङ् हिट्‌नागाँ आप्‍पे बुजा ओचोगुन्‍गा॥

१ तिमोथि 2:7

हिट्‌ना उदेसेङि डोक् माङ्‌हाङ्‌ङा आङा पारचार काचोक्‍बा हिट्‌नुङ् मुलिचेला लिमा, पानिछोङ्‌बाचि लोङ्‌सा बिस्‍वास बारे हिट्‌नुङ् छेम्‍बाना खाबोर बारेङि हिसिक्‍मा उन्‍ङा याङ्‌सेगे॥ (आङा छेम्‍बा माट्‌टुटुङ्, टेप्‌निङ्‌ना॥)

२ तिमोथि 1:11

माङ्‌हाङ्‌ङा ना नुना खाबोर खेम्‍मेप्‍माचि लोङ्‌सा डोक् आङा पारचार काचोक्‍बा, मुलिचेला हिट्‌नुङ् काहिसिक्‍बा लिमा नियुक्‍ता याङ्‌चोगे॥

हिब्‍रु 13:17

खानि ओठेडोङ्‌चिगा रिङ् खेम्‍सानुम् हिट्‌नुङ् उन्‌चिङा मालोडिगा टोॽवा चोगानुम्॥ उन्‌चि टोॽवाम्‍बाक् खानि यान्‍दा चोक्‍मा, हिट्‌नुङ् हिट्‌नागाँ ओचोगुना टोॽवाङाना लेखाजोखा हिट्‌नागाँ माङ्‌हाङ् पिमा कोन्‌युक्॥ हिट्‌नुङ् हिट्‌नागाँगा रिङ् खेम्‍सानुम् हिड्‌डेउङ् हिट्‌नागाँ उन्‌चि चाप् टासा टोॽवा ओचोगुटु, उन्‌चि निङ्‌ग्‍वा टुक्‍सा माखाक्॥ हिट्‌नागा खानिङा याङ्‌छामा आपिडुम्‌चिम्‍मे भोने खानिलाउङ्‌सा पाक्‍चा ओचेट्‌नु लिनिना॥

याकुब 1:16

आमायालु आम्‍भु-आन्‍झाचि हिट्‌नुङ् आनो-आन्‍झाचि, खानिङा आप्‍पेलाउङ्‌सा धोका पिनेनुम्॥

याकुब 1:19

आमायालु आम्‍भु-आझान्‍झाचि हिट्‌नुङ् आनो-आन्‍झाचि, ना रिङ् खानिङा मिट्‌टायाक्‍टानुम्॥ सोब्‍बे याप्‌मि खेम्‍मा ओचाप्‍पाङ्, चेक्‍मा एला चोक्‌निना हिट्‌नुङ् ओरेक् काड्‌युएट्‌ना लिमा लिनिना॥

याकुब 3:10

ना ठिक्‍ए यासिलाम्‍मा आसिक् हिट्‌नुङ् साराप चा याङिटि॥ आम्‍भु-आन्‍झाचि हिट्‌नुङ् आनो-आन्‍झाचि, नाड्‌डे चोक्‍मा ओचेट्‌नु लिनिना॥

१ पाटरुस 5:3

खानि जिम्‍माङि उलिसागा सासान् चोक्‍मा माखाक्, टरो हिट्‌नागा लाउङ्‌सा ओचेट्‌नुना सिको चोक्‍माना लिसानि॥