याकुब 2:9 - आठपहरिया

⁹ टरो खानिङा याप्‌मिचिगा भाराङिना उरुप् आपुयुम्‍मुङ् टो यो टोॽवा आचोगिटि भोने खानिङा पाप आचोगुम्‍टुम्, हिट्‌नुङ् खानिङा धारमाबिधि पालान् आचोक्‍नेएट्‌निम्‍ना रिङ्‌ङाना फाट्‌टुर खानिङि लाहाब् लियुक्॥

याकुब 2:9 ပူးပေါင်းရင်းမြစ်များ

युहान्‍ना 16:8

हिट्‌नुङ् उन् उङ्‌युङ् उन्‍ङा नाराङिगा याप्‌मिचिगा पाप, माङ्‌हाङ्‌ङाना धारमिक्‍ता बारेङि हिट्‌नुङ् टायुगेट्‌ना माङ्‌हाङ्‌ङाना न्‍याएङाना बारेङि हिट्‌नागा निमेट्‌टुचिचि॥

युहान्‍ना 8:46

खानि माड्‌डे खोनाङा आङा पापङाना बारेङि फाट्‌टुर लाब्‍मा उहिङागा? आङा छेम्‍बाना रिङ् खानि लोनेट्‌नानि भोने, पोङ् खानिङा आङा बिस्‍वास आचोगिन्‍नागा?

युहान्‍ना 8:9

जब हिट्‌नागाँ ना रिङ् ओखेम्‍सुए, हिट्‌नुङ् हिट्‌नागा पाइले ओठेगालाम्‍मा ओखाट्‌टिगा उलिसाउङ् ठिबाङ् ठिबाङ् ओखाडे॥ येसुम्‍बाक् हिट्‌ना मेन्‍झेमालोक् ओएकेले ओपोक्‍टुढोए, हिट्‌नुङ् हिट्‌ना मेन्‍झेमाम्‍बाक् ओटोकानाङि येबायाक्‍टे॥

मुलिचेला टोॽवा 10:34

ना रिङ् खेम्‍सुङ् पाटरुसङा माप्‍मा ठालाँ चोगुए, “माङ्‌हाङ्‌ङा याप्‌मिचि ठिक्‍ए चाट्‌ला मेट्‌टुचिगा रिङ् हाट्‌ले आङा ठाहा टोगुङे॥

रोमि 3:20

पोङ्‌भोने धारमाबिधिङिना रिङ् पालान् काचोक् साक्‍चा माङ्‌हाङ्‌ङा धारमोति ठाहाराँ चोगुन्‌चिन्‍गा॥ बोरु धारमाबिधिङाम्‍टे पाप चोगुएसुम्‍मे नुङ् आनि आनिमेट्‌युक्॥

१ कोरिन्‌थि 14:24

टरो खानि सोब्‍बेङा माङ्‌हाङ्‌लाम्‍माना रिङ् आचेक्‍टेट्‌टिना बेला हिट्‌नि बिस्‍वास ओचोगुन्‍गेट्‌टुन्‍गा आथाबा आरु याप्‌मिचि ओटाए भोने, खानि सोब्‍बेङा आमाट्‌टुम्‍ना रिङ् ओखेम्‍सुङ् हिट्‌नागा आप्‍पेङा आन्‍याँ कायाङ्‌छाबा याप्‌मिचि रैछो नुङ् ठाहा ओटोगुटु, हिट्‌नुङ् उन्‌चि लाम्‍बो नोक्‍माना निङ्‌ग्‍वा ओचोगुटु॥

गालाति 2:19

पाइले आङा धारमाबिधि पालान् चोक्‍मा कोलुङे, टरो ना धारमाबिधिङा आङा फाट्‌टुर याङ्‌लाबे॥ हिट्‌डेउङ् माङ्‌हाङ् लाउङ्‌सा हिङ्‌मा आङा धारमाबिधि पालान् चोक्‍मा नाडुङे॥

१ युहान्‍ना 3:4

हिट्‌नुङ् पाप काचोक्‍बाचि ख्‍वाप्‍पाङा माङ्‌हाङ्‌ङाना धारमाबिधि पालान् ओचोगुन्‍ना, पोङ्‌भोने धारमाबिधि पालान् मिचोक्‍मा डोक् पाप ए॥

याहुदा 1:15

उन्‍ङा हिट्‌नागा ख्‍वाप्‍पा याप्‌मिचि न्‍याए चोगुचिचि, हिट्‌नुङ् हिट्‌नागाँ ओचोगुना ओभेन्‍गा टोॽवाचि लोक् उन् बिरुद्‌दाङि आधारमोति कायाङ्‌छाबा याप्‌मिचिङा ओमाट्‌टुना ओचाफेन्‍ना रिङ्‌ङाना साजाए पिडुचिचि॥”