याकुब 2:14 - आठपहरिया

¹⁴ आम्‍भु-आन्‍झाचि हिट्‌नुङ् आनो-आन्‍झाचि, जुन् याप्‌मिङा बिस्‍वास चोगुङ्‌टुङ् पिग्‌युक्, टरो ओचेट्‌नुना टोॽवाम्‍बाक् चोगुन्‍ना भोने, पाक् ओचेट्‌नुना लिसेना टे? पाक् नाड्‌डेना बिस्‍वासङा हिट्‌ना हिङ्‌मा हियुक्‌नि टे?

याकुब 2:14 ပူးပေါင်းရင်းမြစ်များ

मात्‌ति 5:20

नाड्‌डेउङ् आङा खानि लोनाँनि, खानिङा धारमाबिधि काहिसिक्‍बा हिट्‌नुङ् फारिसि याप्‌मिचि नुङ्‌ना चा ओचेट्‌नुलोक् माङ्‌हाङ्‌ङाना निङ्‌ग्‍वा पालान् आचोक्‍न्‍याँट्‌निम् भोने, खानि टोनालोग्‌ङिना मुलुक्‌ङि लिक्‍मा आटोक्‌निम्‍ना॥

लुका 3:11

युहान्‍नाङा हिट्‌नागा नाड्‌डे लोडुचे, “खानि साक् साक्‌लोक् इ-इप्‍पोक् भोटो युङ्‌ग्‍वा भोने, ठिक् भोटो ओवानिगालाउङ्‌सा पिडानुम् हिट्‌नुङ् चामागा ठुङ्‌मागा युङ्‌गालोक्, पाक्‍चा ओवानिगालोङ्‌सा पिडानुम्‌चिम्॥”

लुका 6:49

टरो आरिङ् खेम्‍सुङ् चा हिड्‌डे चोक्‌निनाम्‍बाक् जाग् मिटोङे पाङ् काचोक्‍बा याप्‌मि गाड्‌डेना ए॥ हिट्‌नाङा पाङ् खाम्‌ङि चोगुए हिट्‌नुङ् ठेना व्‍हेट् टाए हिट्‌नुङ् हिट्‌ना पाङ् चुवा ओभोलङा लेम्‍सुङ् हिट्‌ना पाङ् होडाउङ् ठेना जाखाम् लिसे॥”

मुलिचेला टोॽवा 15:9

उन्‍ङा याहुदि लोक् पानिछोङ्‌बा याप्‌मिचि साम्‍डुव्‍ट्‌टुन्‌चिन्॥ माङ्‌हाङ्‌ङा उन्‌चि निङ्‌ग्‍वा सेङ्‌सेङ् चोगुबिडुचे, पोङ्‌भोने हिट्‌नागाँ टाङ्‌बाङि बिस्‍वास ओचोगुए॥

मुलिचेला टोॽवा 8:13

सिमोन आप्‍पेङा चा बिस्‍वास चोगुङ् बाप्‌टिस्‍मा लाडुए॥ हिट्‌नुङ्‌ना सिमोन फिलिपलोक् सोरोक् वासे, हिट्‌नुङ् फिलिपङा डोङ् ठोङ्‌डिगा टोॽवाचि लोक् मिक्‍सेन्‌चि चोगुना निसुङ् उन् डोङ् ठोङ्‌डे॥

मुलिचेला टोॽवा 8:21

माङ्‌हाङ्‌ङा आन्‍याँलोक् ना टोॽवा चोक्‍मालोङ्‌सा खान् खाट्‌टिप्‍मा चा आधिकार मापिनिगेट्‌निना, पोङ्‌भोने कानिङ्‌ग्‍वा माङ्‌हाङ्‌ङाना ओटोकानाङि नुना वाइना॥

रोमि 2:25

खानिङा धारमाबिधि पालान् आचोगुम्‍टुम् भोनेम्‍टे खाताना चोक्‍मा ओचेट्‌नु डोक् ए, टरो धारमाबिधि पालान् आचोक्‌निम्‍ना भोनेम्‍टे खाताना ओचोगुन्‍गा याप्‌मिचि गाड्‌डे डोक् खानि आलिसिटि॥

१ कोरिन्‌थि 15:2

आङा खानिलाउङ्‌सा पारचार चोगुङ्‌ना ना नुना खाबोरङि भोरोसा आयुङ्‌सुम् याक्‍टुम्‍मे भोने नाङा खानि माहिङिटि, नाभाम्‍टे खानिङा आचोगुम्‍ना बिस्‍वास खेरोक् डोक् लियुक्॥

१ कोरिन्‌थि 16:22

जुन्‍ङा टाङ्‌बा माया चोगुन्‍ना हिट्‌ना माङ्‌हाङ्‌ङा साराप पिडुटु॥ आनि टाङ्‌बा एला डोक् उङ्‌सा॥

गालाति 5:13

आम्‍भु-आन्‍झाचि हिट्‌नुङ् आनो-आन्‍झाचि, खानिउम् टे माङ्‌हाङ्‌ङा सोतान्‍तर लिमाउङ्‌सा मासेगिगा ए॥ खानिङा आटोगुम्‍ना सोतान्‍तर पाप चोक्‍माना निङ्‌ग्‍वालेङ् टिनेनुम्॥ टरो ना सोतान्‍तरउम्‍बाक् ठिबाङ्‌ङा आरको माया चोक्‍सा सेवा चोक्‍मालाउङ्‌सा चोगानुम्॥

गालाति 5:6

पोङ्‌भोने खिरिस्‍ट येसुङि बिस्‍वास काचोक्‌चि आनि लाउङ्‌सा खाताना चोगुम्‍चा चोक्‌निम्‍चा पाक्‍चा फाराक् वाइना॥ टरो मुलि रिङ्उम्‍बाक् खिरिस्‍टङि आनि बिस्‍वास चोगुम्‍नाँ आनि आरु याप्‌मिचि माया चोगुम्‌चिम्‌चिम्॥

१ थेसालोनिकि 1:3

आनि माङ्‌हाङ् पाबा ओटोकानाङि आनि टाङ्‌बा येसुङि खानिङा बिस्‍वास आचोगुम्‍मुङ् आचोगुम्‍ना टोॽवा, मायालोक् आचोगुम्‍ना दुखे हिट्‌नुङ् खानिङा आनि टाङ्‌बा येसु खिरिस्‍टङि आयुङ्‌सुम्‍ना आसाङि याङ्‌छामा आङ्‌डुम्‍ना रिङ् आन्‍याँ सोरोक् मिट्‌टुम्‍टुम्‍मा॥

१ तिमोथि 1:5

ना आग्‍याँङाना मुलि रिङ्उम्‍बाक् माया ए, नाउम्‍बाक् चोखो निङ्‌ग्‍वा, ओचेट्‌नुना मिप्‍माना बोल् हिट्‌नुङ् छेम्‍बाना बिस्‍वासलाम्‍मा होन्‌युक्॥

१ तिमोथि 4:8

कोइ-कोइङा ओमाट्‌टुगा, “कासारत चोक्‌युङ् ओयेम् तालिम पिडुटु भोने ओचेट्‌नुना डोक् लियुक्, टरो माङ्‌हाङ्‌ङि भाक्‌ति ठाङ्‌मा तालिम पिडुटु भोने सोब्‍बे रिङ् ओचेट्‌नुना लियुक्॥ पोङ्‌भोने ना रिङ्‌ङाउम्‍बाक् याप्‌मि नाराङि वाना बेला हिट्‌नुङ् हान्‍डेङ्‌ना चोलाङि फाइदा लोङ्‌सा चा चामारसिङा चोगुटु॥”

तितास 1:16

हिट्‌नागाँ माङ्‌हाङ् मिसेन् निसुएसुम्‍मे पिक्‍साम्‍बाक् ओमाट्‌टुगा, टरो उन्‌चि टोॽवा लाम्‍माम्‍बाक् माङ्‌हाङ् बिरोध ओचोगुना॥ हिट्‌नागा चिम्‍मा फुट्‌टुम्‌चिम्‍गा, रिङ् ओखेम्‌निगा हिट्‌नुङ् हिट्‌नागा खोना चा नुना टोॽवा चोक्‍मा काहिबा ओवाइगा॥

तितास 3:8

ना छेम्‍बाना रिङ् ए॥ माङ्‌हाङ्‌ङि बिस्‍वास काचोक्‌चि टेप्‍माङा नुना टोॽवा चोक्‍मा लोङ्‌सा निङ्‌ग्‍वा उपिडु नुङ् खान्‍ङा नागा रिङ्‌ङि जोड पिडु नुङ् आङा खान् लोनाँ॥ नाड्‌डेगा रिङ्‌चि चोक्‍मा याप्‌मिचि लोङ्‌सा आड्‌डिक् ओचेट्‌नुना हिट्‌नुङ् घुवार आफाना रिङ् ए॥

हिब्‍रु 11:17

माङ्‌हाङ्‌ङा आब्‍राहामङाना उनिङ्‌ग्‍वा कोलुना बेला बिस्‍वासलाम्‍मा डोक् आब्‍राहामङा उइछा इसाहाक भोक् ठाङ्‌मा टेयार चोगुए॥ माङ्‌हाङ्‌ङा आब्‍राहामलाउङ्‌सा “काइछा इसाहाकलाम्‍मा एडोक् काछालेट्‌चि उलियुक्” नुङ् चामारसिङा चोगु चा उन्‍ङा ठिबाङ् एना उइछा भोक् ठाङ्‌माउङ्‌सा उनिङ्‌ग्‍वा चोगुए॥

हिब्‍रु 13:9

खाले-खाले ओछोङ्‌ग्‍वाट् हिसिक्‍माङा छेम्‍बाना रिङ्‌लाम्‍मा गालात लाम्‍बोलेङ् माखाट्‌टिन्‍चा॥ पोङ्‌भोने चामा-ठुङ्‌मागा रिङ्‌ङा आनि निङ्‌ग्‍वा बोल्‍लेउ चोगुन्‍ना, टरो माङ्‌हाङ्‌ङाना मायादायाङा एडोक् आनि निङ्‌ग्‍वा बोल्‍लेउ चोगुटु॥ चामा-ठुङ्‌मागा थोक्‌ङाना नियाम पालान् ओचोगुगा लाउङ्‌सा फाइदा लिनिगेट्‌निना॥

याकुब 1:16

आमायालु आम्‍भु-आन्‍झाचि हिट्‌नुङ् आनो-आन्‍झाचि, खानिङा आप्‍पेलाउङ्‌सा धोका पिनेनुम्॥

याकुब 2:16

हिट्‌नुङ् खानि माड्‌डे कोइङा हिट्‌ना “माङ्‌हाङ्‌ङा खान् आसिक् मापियुक्, कोना लोट्‌लिङ् वाडु हिट्‌नुङ् नुगा डोक् चो” आलोडुम्‍टुम्, टरो उन्‌लोङ्‌सा चाहाब् उलिगा थोक् पाक्‍चा आपिनिम्‍ना भोने, पाक् ओचेट्‌नुना लिसेना टे?

याकुब 2:18

टरो कोइ-कोइङा ओमाट्‌टुटु होला, “खान्‍ङा बिस्‍वास आचोगुटु, आङाम्‍बाक् टोॽवा चोगुङ्‌टुङ्॥” लु टोॽवा मालेना काबिस्‍वास याङ्‌निमेट्‌टा टे, हिट्‌नुङ् आङाम्‍टे आङा चोगुङ्‌ना टोॽवालाम्‍मा आङि लिसाना बिस्‍वास निमेट्‌नाँ॥

याकुब 2:26

छेम्‍बा डोक् येम् चा सोक्‍मालाम्‍मा साम्‍डे भोने सियुक्, हिट्‌नाडे डोक् बिस्‍वास चा टोॽवा माले सियुक्॥

२ पाटरुस 1:5

हिट्‌नाड्‌डेउङ् आहिडुम्‍लोक् खानि बिस्‍वासङि नुना रिङ् थापाँ चोक्‍माना कोसिस चोगानुम्॥ हिट्‌नुङ् पाक् नुना हिट्‌ना चोगानुमुङ् खानि ठोना चा पोयानुम्॥