याकुब 1:21 - आठपहरिया

²¹ हिड्‌नाड्‌डेउङ् सोब्‍बे नाड्‌डेगा ओचाफेन्‍गा हिट्‌नुङ् ओभेन्‍गा चाट्‌ला नाडानुम्, हिट्‌नुङ् मेयोक् लिसानिउङ् खानि निङ्‌ग्‍वाङि युङ्‌बालाक् माङ्‌हाङ् उरिङ् लाडानुम्, पोङ्‌भोने ना रिङ्‌ङा डोक् खानि जोगाँ चोक्‍मा माहिडिटि॥

याकुब 1:21 ပူးပေါင်းရင်းမြစ်များ

मात्‌ति 5:5

मेयोक् उलिगा लोङ्‌सा माङ्‌हाङ्‌ङा आसिक् पिडुचिचि, पोङ्‌भोने उन्‍ङा हिट्‌नागा ना नारा हिट्‌नुङ् नेहिगा ख्‍वाप्‍पा थोक्‌चि पिडुचिचि॥

युहान्‍ना 6:63

माङ्‌हाङ्‌ङाना ओहाङ्‌साङा याप्‌मिचि लोङ्‌सा चोला पिडुचिचि॥ याप्‌मि आप्‍पेङाम्‍बाक् चोला पिमा हिडुन्‍ना॥ आङा खानि ना रिङ्उम्‍बाक् माङ्‌हाङ्‌ङाना ओहाङ्‌सालाम्‍मा लोनानिगा ए, जुन्‍ङा चोला आपियुक्॥

युहान्‍ना 6:68

हिट्‌नुङ् सिमोन पाटरुसङा लोडुए, “हाउ टाङ्‌बा, आन्‍याँ साक्‌ङि खाप्‍माना? खोना बेला चा लाट्‌निना चोला आपिना रिङ्‌उम्‍टे खान्‌लोक् युङ्‌ग्‍वा॥

मुलिचेला टोॽवा 10:33

हिट्‌डेउङ् आङा हिट्‌ना बेला डोक् खान् लोहोट्‌सिङा याप्‌मिचि पाङ्‌सुङ्‌चिङे, हिट्‌नुङ् खान् चा नेहि आटाए, ओचेट्‌नु डोक् लिसे॥ ना बेला आन्‍याँ माङ्‌हाङ् ओटोकानाङि वासेट्‌टिङा हिट्‌नुङ् टाङ्‌बाङा खान् पाक् लोमा लोङ्‌सा आग्‍याँ मापिडैसेना हिट्‌ना रिङ् खेम्‍मा आन्‍याँ टेयार लिसिएसिङे॥”

मुलिचेला टोॽवा 13:26

“हाउ आब्‍राहामङाना छालेट्‌चि लोक् माङ्‌हाङ्‌ङि माङ्‌ध्‍यान् काचोक्‍बा पानिछोङ्‌बाचि, ना मुक्‌टिङाना खाबोर आनि सोब्‍बेलोङ्‌सा माङ्‌हाङ्‌ङा पाङ्‌सुएसुए॥

रोमि 1:16

आङा खिरिस्‍टङाना बारेङि ना नुना खाबोर खेम्‍मेट्‌मा मोन्‌निङ्‌सिनिङ्‌ना, पोङ्‌भोने ना नुना खाबोर बिस्‍वास काचोक् सोब्‍बे याप्‌मिचि माङ्‌हाङ् ओबोल्‍ङा हिङुचिचि॥ ना नुना खाबोर पाइले आन्‍याँ याहुदि छोङ्‌बाचिङा खेम्‍सुम्‍मे, हिट्‌नुङ् हाट्‌ले खानि पानिछोङ्‌बाचिङा चा आखेम्‍सुम्‍मे॥

रोमि 11:17

याहुदि याप्‌मिचि माङ्‌हाङ्‌ङा लेट्‌टुना हिट्‌नुङ् स्‍यारसुसार चोगुना ओचेट्‌नुना जैतुन उभुङ्‌मालोक् टोङ्‌मा हिडुम्‌चिम्‌चिम्, टरो इम्‍टेप्‍मा ओहागेप्‍पाचिम्‍बाक् ओएगाडे॥ हिट्‌नुङ् खानि पानिछोङ्‌बाचि जाङ्‌गालि जैतुन उभुङ्‌माङाना ओहागेप्‍पाचिलोक् टोङ्‌मा हिडुम्‍टुम्, खानि हिट्‌ना ओचेट्‌नुना सिङ् उभुङ्‌माङाना ओहागेप्‍पाचिङि कालामि मारेक्‍टेसिए॥ हिट्‌डेउङ् हाट्‌ले खानिङा हिट्‌ना ओचेट्‌नुना जैतुन उभुङ्‌मालाम्‍मा बारगाट् हिट्‌नुङ् चोला आटोगुम्‍टुम्॥

रोमि 6:17

पाइलेम्‍बाक् खानि पापङाना आधिन्‌ङि आलिसेसिगा, टरो हाट्‌लेम्‍बाक् आलिसिन्‍गेट्‌टिन्‍गा॥ हिट्‌डेउङ् आङा माङ्‌हाङ् पोए-पोए ठाङ्‌सुङ्‌टुङ्, पोङ्‌भोने खानिङा आटोगुम्‍ना छेम्‍बाना हिसिक्‍मा पुरो खानि निङ्‌ग्‍वाङा डोक् पालान् आचोगुएसुम्‍मे॥

१ कोरिन्‌थि 15:2

आङा खानिलाउङ्‌सा पारचार चोगुङ्‌ना ना नुना खाबोरङि भोरोसा आयुङ्‌सुम् याक्‍टुम्‍मे भोने नाङा खानि माहिङिटि, नाभाम्‍टे खानिङा आचोगुम्‍ना बिस्‍वास खेरोक् डोक् लियुक्॥

२ कोरिन्‌थि 7:1

मायालु आसाइबाचि, माङ्‌हाङ्‌ङा आनि नागा चामारसिङा आचोगानाँ आनि येम् हिट्‌नुङ् आनि हाङ्‌सा आसुद्‌दो चोगुना साब्‍बे पारिक्‍गा रिङ् चोक्‍मा नाडुम्, हिट्‌नुङ् माङ्‌हाङ् मान् चोगुमुङ् पुरो सेङ्‌सेङ् लिसा खाडि॥

एफिसि 1:13

हिट्‌नुङ् खानि पानिछोङ्‌बाचिङा चा ना नुना खाबोर हिट्‌ना मुक्‌टि आपिना छेम्‍बाना रिङ् आखेम्‍सुमुङ् खिरिस्‍टङि बिस्‍वास आचोगुम्‍मे॥ हिट्‌नुङ् जब खानिङा बिस्‍वास आचोगुम्‍मे, माङ्‌हाङ्‌ङा माङ्‌हुप् चोगुना सेङ्‌सेङ्‌ना हाङ्‌सा पाङ्‌सुङ् खानि उन्‍ङाना ओयाप्‌मिचि माचोगिना पारमान् मापिडिए॥

एफिसि 4:22

हिट्‌डेउङ् पाइलेना खानिगा उचाफेम्‍मा चाट्‌लाङा खानि जाखाम् माचोगिट्‌टि हिट्‌नुङ् ना पाइलेना चोलालोक् नाहिगा ख्‍वाप्‍पा ओचाफेन्‍गा रिङ्‌चि नामा कोन्‌युक् नुङ् खानिङा सिकाँ आलिसेसिए॥

एफिसि 4:25

हिट्‌डेउङ् आनि सोब्‍बे ठिक्‍ए येम्‌ङाना आङ्‌गाचि लिसिनाँ, आनि माङ्‌जो रिङ् चेक्‍मा लिनिना, टरो आनि ठिबाङ् आरको छेम्‍बाना रिङ् एडोक् चेक्‍मा कोन्‌युक्॥

एफिसि 5:4

हिट्‌टेप्‍मा एडोक् माखाक्, खानिङा मोन्‌डिसिइगा रिङ् चेक्‍नेनिन्, खेडोक्‍गा माङ्‌जोगा रिङ् चोक्‍नेनिन्, हिट्‌नुङ् खोङ्‌माना रिङ् चेक्‍नेनिन्, नाड्‌डेगा रिङ् चेक्‍मा बिस्‍वासिचि लाउङ्‌सा खान्‍डुन्‍ना॥ हिट्‌नागा ओसाट्‌टोङि, खानिङा सोरोक् माङ्‌हाङ् पोए-पोए ठाङ्‌माना रिङ् माट्‌टानुम्॥

१ थेसालोनिकि 1:5

पोङ्‌भोने आन्‍याँ खानि लोनानिगा नुना खाबोर रिङ्‌ङि एडोक् माखाक्, टरो साक्‌ति, सेङ्‌सेङ्‌ना हाङ्‌सा हिट्‌नुङ् साङ्‌का डोक् मालेना छेम्‍बाना रिङ् डाना॥ खानिलोक् आन्‍याँ वासिङानाँ खानिना ओचेट्‌नु लाउङ्‌सा आन्‍याँ खोड्‌डेना चाट्‌ला चोक्‍नानेना नुङ् खानिङा ठाहा आटोगुम्‍टुम्॥

१ थेसालोनिकि 2:13

हिट्‌नुङ् आन्‍याँ चा माङ्‌हाङ्‌ङि पोए-पोए ठाङ्‌सुम् याक्‍टुम्‍टुम्‍मा, पोङ्‌भोने खानिङा आन्‍याँलाम्‍मा आखेम्‍सुम्‍ना माङ्‌हाङ्‌ङाना रिङ् खानिङा याप्‌मिङाना रिङ् गाड्‌डे माखाक्, टरो माङ्‌हाङ्‌ङाना रिङ् डोक् नुङ् आलाडुमे॥ छेम्‍बा डोक् ना माङ्‌हाङ् उरिङ् डोक्॥ ना रिङ् डोक् बिस्‍वास काचोक् खानिङि टोॽवा चोगुएट्‌टु॥

तितास 2:11

सोब्‍बे याप्‌मिचि मुक्‌टि पिमाचि लोङ्‌सा डोक् माङ्‌हाङ्‌ङा ओदाया पारकाट् चोगुएसुए॥

हिब्‍रु 12:1

हिट्‌नाडेउङ् नाट्‌टेप् औधि बिस्‍वासङाना साँचि कापिबा याप्‌मिचिगा ठेना खिमेयाङ्‌मेङा आकुप्‍टा गाड्‌डे, हाट्‌ले आनि लाम्‍बोङि ओटागा बाधाचि हिट्‌नुङ् आबान्‍गा पाप लेप्‍टुम्, हिट्‌नुङ् माङ्‌हाङ्‌ङा आनि सोरि आयुङ्‌साबिडाना दौड नुलोक् पिन्‌डि॥

हिब्‍रु 2:3

नाड्‌डेउङ् नाटेप्‍मा औधि ठेना मुक्‌टि आनि इन्‍कार चोगुम्‍टुम् भोने, खोड्‌डेउङ् साजाए टोक्‍मालाम्‍मा आनि हिङिटिगा टे? ना मुक्‌टिङाना बारेङि टाङ्‌बा येसु आप्‍पेङा डोक् पाइले पारचार चोगुए, हिट्‌नुङ् ना रिङ् काखेम्‍बाचिङा ना छेम्‍बाना ए नुङ् आनिलाउङ्‌सा पारमान् याप्‌मि उपिडे॥

हिब्‍रु 4:2

युङ्‌माना डेन् बारेङि नुना खाबोर आनि खेम्‍सुम् गाड्‌डे डोक् आनि टुबाठेबाचिङा चा ओखेम्‍सुए॥ टरो हिट्‌नागाँ ओखेम्‍सुना रिङ् हिट्‌नागा लाउङ्‌सा खेडोक् लिसे, पोङ्‌भोने हिट्‌नागाँ हिट्‌ना रिङ् बिस्‍वास ओचोगुवाट्‌टुन् हिट्‌नुङ् हिट्‌नागा आरुङा बिस्‍वास ओचोगुना रिङ्‌ङि ओटोङे॥

याकुब 4:8

खानि माङ्‌हाङ्‌ङाना नेहेटाङ् टायानि हिट्‌नुङ् माङ्‌हाङ् चा खानि नेहेटाङ् टायुक्॥ हाउ कायाङ्‌छाबा याप्‌मिचि, खानि मुक् वासिडानुम् सेङ्‌सेङ् चोगानुम्॥ हाउ इप्‍पोक्‌लेङ् निङ्‌ग्‍वा कापि याप्‌मिचि, खानि निङ्‌ग्‍वा सेङ्‌सेङ् चोगानुम्॥

याकुब 5:20

हिट्‌नालोङ्‌सा ठाहा उलियाक्, जुन्‍ङा ठिबाङ् कायाङ्‌छाबा याप्‌मि ओचाफेन्‍ना लाम्‍बोलाम्‍मा नोक्‍टुटु भोने हिट्‌ना याप्‌मि सिमालाम्‍मा उन्‍ङा हिङुटु, हिट्‌नुङ् हिट्‌ना याप्‌मिङाना जोम् पापचि माफि उलियुक्॥

१ पाटरुस 1:22

हाट्‌ले खानिङा छेम्‍बाना रिङ् मानाँ आचोगुमुङ् खानि निङ्‌ग्‍वा सेङ्‌सेङ् आचोगुम्‍नाँ खानि भुम्‍भु-झान्‍झाचि हिट्‌नुङ् नाना-झान्‍झाचि छेम्‍बाना माया चोगानुम्‌चिम्, हिट्‌नुङ् निङ्‌ग्‍वालाम्‍मा डोक् ठिबाङ्‌ङा आरको माया चोग्‍गा चोग् चोगानि॥

१ पाटरुस 1:9

खानिङा उन्‌ङि बिस्‍वास आचोगुम्‍नाँ खानिङा खानि हाङ्‌साङाना मुक्‌टि आटोगुम्‍टुम्॥

१ पाटरुस 2:1

हिड्‌नाड्‌डेउङ् सोब्‍बे ओभेन्‍गा रिङ्, सोब्‍बे छाल चोक्‍माना टोॽवा, काप्‌टि लिमा, रेक् काप्‍मा हिट्‌नुङ् सोब्‍बे पारिग्‍गा लोमाजामा रिङ्‌चि नाडानुम्॥

१ पाटरुस 2:11

आसाइबाचि, ना नाराङि खानि होप्‍मो बेला सोम्‍मा आयुङिगा हिट्‌नुङ् भारा देसङि आयुङिगा गाड्‌डेगा डोक् ए॥ हिट्‌नुङ् खानि येम्‌ङा कोलुगा ओचाफेन्‍गा रिङ् चोक्‍मालाम्‍मा लाप्‍माङ् युङानि नुङ् खानि बिन्‌टि चोक्‍नाँनि॥ नाड्‌डेगा रिङ् हाङ्‌साङाना बिरुद्‌दाङि सोरोक् कोब्‌युयाक्‌युक्॥