याकुब 1:1 - आठपहरिया1 माङ्हाङ् हिट्नुङ् टाङ्बा येसु खिरिस्टङाना सेवाक् आङा याकुबलाम्मा सोब्बेलेङ् चेम्बेलेङ् उछिन्डाउङ् उयुङागा माङ्हाङ्ङागा सोब्बे ओयाप्मिचि लाउङ्सा ना चिट्ठि छेप्टुएट्टुङ्॥ खानि सोब्बेलाउङ्सा आङाना बाबा ए॥ အခန်းကိုကြည့်ပါ။ |
याकुब 1:1
41 ပူးပေါင်းရင်းမြစ်များ
ना रिङ् ओखेम्सुङ् याहुदि ओठेडोङ्चि उन्चि उन्चि उपिगे, “ना याप्मि खोनि खाप्मा इट्टुएना, हिट्नुङ् खानिङा आङा याङ्आटुबिन्नागा पिक्युक्ना? पाक् ना याप्मि गिरिक् याप्मिचिगा छेट्राङि चेम्बेलेङ् उलिसाउङ् उयुङागा आनि याहुदिचिङि खाट्युङ् हिट्नागा गिरिक् याप्मिचि हिसिक्मा निङ्ग्वा चोगुएनि पाइना?
पाटरुसङा “स्वाग् युङानि” पिक्सा हिट्नागा उमुक्ङा इसारा चोगुचे, हिट्नुङ् खोड्डे पारिक् माङ्हाङ्ङा उन् खाम्बाङ्लाम्मा भारा होट्टुएना हिट्ना रिङ् लोडुचे॥ हिट्नुङ् ना रिङ् आनि ओठेडोङ् याकुब हिट्नुङ् आरु भुम्भु-झान्झाचि चा लोडानुम्चिम् पिक्सा उन् हिट्नालाम्मा आरको डेन्ङि खाडालेट्टे॥
हिट्नुङ् माङ्पाङ्ङिगा याप्मिचिङा हिट्नागा ओठेडोङ्चि नुङ् मिसेन् उनिसुचिगा याप्मिचिङा ना टोॽवा माङ्हाङ्ङा आङा याङ्पिडाना रिङ् ठाहा ओटोगुएसुए॥ हिट्नुङ् हिट्नागाँ आङालोक् बारनाबास चा टाङ्बाङाना सेवा चोक्मा लाउङ्सा स्वागाट् याप्मिओचोगे॥ हिट्नागाँ आन्च्याँम्बाक् पानिछोङ्बाचिङि नुना खाबोर पारचार चोक्मा हिट्नुङ् उन्चिम्बाक् याहुदिचिङि नुना खाबोर पारचार चोक्माउङ्सा ओटोङ्सुए॥
ना चिट्ठिम्बाक् आच्याँ खिरिस्ट येसुङाना सेवा काचोक् पावाल लोक् तिमोथिलाम्मा ए॥ ना चिट्ठि आङा फिलिप्पि खालाङ्गाङिगा खिरिस्ट येसुङि उलिसागा माङ्हाङ्ङाना सोब्बे सेङ्सेङ्गा ओयाप्मिचि लाउङ्सा, हिट्नुङ् माङ्पाङ्ङिगा ओठेडोङ्चि हिट्नुङ् माङ्पाङ्ङिगा घुवार काफाबाचि लाउङ्सा छेप्टुएट्टुङ्॥
आङा पावाल माङ्हाङ्ङाना ओकामारा हिट्नुङ् येसु खिरिस्टङाना मुलिचेलाङा ना चिट्ठि खान्लोङ्सा छेप्टुएट्टुङ्॥ माङ्हाङ्ङा सेगुचिगा ओयाप्मिचि बिस्वासङि घुवार फासिङा हिट्नुङ् माङ्हाङ्ङा निङ्ग्वा टासुना चोला खोड्डे पारिक् हिङ्मा कोन्युक्ना हिट्ना छेम्बाना ठोना हिट्नागाँ ठाहा ओटोगु नुङ् माङ्हाङ्ङा आङा याङ्पाङ्साइसे॥
येसु खिरिस्टङाना मुलिचेला हिट्नुङ् उन्ङाना सेवा काचोक् आङा सिमोन पाटरुसङा ना चिट्ठि छेप्टुङ्ना ए॥ आङा ना चिट्ठि आनि माङ्हाङ् हिट्नुङ् काहिङ्मेप्बा डाङ्बा येसु खिरिस्टङाना धारमिक्तालाम्मा आन्याँना गाड्डे डोक् बाहुमुल्ले बिस्वास आटोगुम्गा खानि ख्वाप्पालोङ्सा छेप्टुङ्गेट्टुङ्॥
ကြော်ငြာတွေ