हिब्रु 9:14 - आठपहरिया14 हाट्ले खिरिस्टङाना ओहेलिक्ङि हिट्ना नुङ्ना चा आड्डिक् बोल्लेउ ए हिट्नुङ् नाङा आनि निङ्ग्वा आनिना ओचाफेन्ना टोॽवालाम्मा सुद्दो चोक्मा हिडुटु, हिट्डेउङ् आनि उहिङ्ग्वाट् माङ्हाङ्ङाना सेवा चोक्मा हिडुम्टुम्॥ पोङ्भोने उन्ङा लाट्निना हाङ्साङाना बोल्लाम्मा आप्पेलाउङ्सा फाट्टुर मालेना भोक् लिसाउङ् माङ्हाङ्ङि ठाङ्सुए॥ အခန်းကိုကြည့်ပါ။ |
हिब्रु 9:14
76 ပူးပေါင်းရင်းမြစ်များ
“हाउ भुम्भु-झान्झाचि, पोङ् खानि नाड्डे ओचोगिटिगा? आन्च्याँ चा खानि गाड्डे डोक् दुखेसुखे टोॽवा काचोक्बा याप्मि डोक्॥ आन्च्याँम्टे नाड्डेगा टोॽवा लाहाब् लिनिगा रिङ्चि नाडानुमुङ् उहिङ्ग्वाट् माङ्हाङ्लेङ् नोक्टानि नुङ् नुना खाबोर पारचार चोक्सिङा नाहि आबाचिङागा॥ उन्ङा डोक् टाङ्साङ्, नारा, सामुन्दरा हिट्नुङ् हिट्नि लिसागा ख्वाप्पा थोक्चि सिरिस्टि चोगुचे॥
ना रिङ् छेम्बा डोक्, माङ्हाङ्ङाना लाट्निना ओबोल् हिट्नुङ् उन् खोड्डेना नुङ् आनि मिक्ङा निमा हिनिम्ना॥ टरो नाराङिना उटुम् लिसालाम्मा डोक् उन्ङा सिरिस्टि चोगुगा थोक्लाम्मा याप्मिचिङा माङ्हाङ् पारचिन्दा बुजा चोक्मा उहिडुटु॥ हिट्नाडेउङ् हिट्नागा लाउङ्सा माङ्हाङ् बुजा चोक्निम्ना नुङ् माप्माना रिङ् डोक् वाइना॥
हिट्नुङ् पाइले बाकेंचाङि लेट्बालाक् साद्दे सिङ् उभुङ्माङि जाङ्गालाङिना सिङ् उभुङ्मा ओहागेप्पा कालामि रेक्मा साजिलो लिनिना॥ टरो माङ्हाङ्ङा खानि पानिछोङ्बाचि माचेप्टिडेसिए हिट्नुङ् खानि जाङ्गालि उभुङ्मा ओहागेप्पा गाड्डेगा आलिसि चा हिट्ना ओचेट्नुना जैतुन उभुङ्माङि उन्ङा खानि मारेक्टेसिए॥ हिट्नुङ् हिट्नागा याहुदिचि ओचेट्नुना जैतुन सिङ् उभुङ्मा ओहागेप्पा गाड्डेगा, हिट्डेउङ् माङ्हाङ् लाउङ्सा हिट्नागा आप्पे उभुङ्माङि फेरि कालामि रेक्मा साजिलो लियुक्॥
खानि येम्ङिना खोना चा आङ्गाचि पाप चोक्मा हिट्नुङ् ओभेन्गा टोॽवा चोक्मा पिनेनुम्॥ टरो खानि आप्पेलाउङ्सा माङ्हाङ्ङि पिडानुम्, पोङ्भोने खानि आसिइगा याप्मिचि गाड्डेगा डोक् आवासेट्टिगा टरो हाट्ले खानिङा ओछोङ्ग्वाट् चोला आटोगुएसुम्मे॥ हिट्डेउङ् खानि आङ्गाचि ओचेट्नुना टोॽवा चोक्माउङ्सा माङ्हाङ् पिडानुम्॥
हिट्नुङ् माङ्हाङ्ङाना माङ्ठाना लोक् साम्माङ्ङाना मुरति खोड्डेउङ् टोङ्चिचिगा? पोङ्भोने आनिउम्टे उहिङ्ग्वाट् माङ्हाङ्ङाना माङ्ठाना ए॥ माङ्हाङ् आप्पेङा माट्टुए, “आङा आयाप्मिचिलोक् युङ्ङा हिट्नुङ् हिट्नागालोक् लाम्टिङा॥ आङा हिट्नागाँगा माङ्हाङ् लिङा हिट्नुङ् हिट्नागा आयाप्मिचि उलियुक्॥”
माङ्हाङ्ङाना माहिमा उइछाङि ओम्युक् हिट्नुङ् माङ्हाङ् खोड्डेना नुङ् उन्ङि निसुम्टुम्॥ उन्ङा उन्ङाना साक्तिसालि रिङ्ङा डोक् टोनालोग्ङि हिट्नुङ् नाराङिगा ख्वाप्पा थोक् उठुङ्ङि सासान् चोगुटु॥ हिट्नुङ् उन्ङा याप्मिचिगा पाप माफ चोक्मा हिडुङ् उन् टोनालोक्ङि माङ्ठेना माङ्हाङ्ङाना छुप्टाङ् उमुक्लेङ् युङे॥
उन्ङा आप्पेलाउङ्सा सालिन्ने भोक् ठाङ्मा कोलानाम्बे, ना नारा सिरिस्टि लिसाना बेला नुङ्ङा डोक् उन्ङा याप्मा खेप् याङ्छामा आङ्मा कोन्डे बे॥ टरो ना आखेरि बेला खिरिस्ट सोरोक् लोङ्सा एक्कै खेप् उङ्से हिट्नुङ् याप्मिचि पापलाम्मा छुट्कारा पिमाचि लाउङ्सा उन्ङा आप्पेलाउङ्सा भोक् ठाङ्सुए॥
ကြော်ငြာတွေ