हिब्रु 6:18 - आठपहरिया18 हाट्ले माङ्हाङ्ङा आनि चामारसिङा आपिडे हिट्नुङ् बाचा चा चोगुए, नागाचि इप्पोक् रिङ् फेराँ लिनिना, पोङ्भोने माङ्हाङ् माङ्जो चेक्निना॥ हिट्नाड्डेउङ् आनि उन् सोरि सुराछे टोक्माउङ्सा खाडिगाँ आनि टोकानाङि आयुङ्साबिडाना आसा टोग्माना ठेना आँट् टोगुम्टुम्॥ အခန်းကိုကြည့်ပါ။ |
हिब्रु 6:18
46 ပူးပေါင်းရင်းမြစ်များ
माङ्हाङ्ङा खिरिस्ट येसु आनि पाप लाउङ्सा भोक् लिमा पाङ्सुए, हिट्नुङ् उन्ङि बिस्वास काचोक् याप्मिचिगा पाप ओहेलिक् वेडुङ् टुगुबिडुएसुचे॥ माङ्हाङ्ङा ना टोॽवा चोगुङ् उन् धारमोति नुङ् आप्पेलाउङ्सा पारकाट् चोगुए, पोङ्भोने पाइले माङ्हाङ् आड्डिक् धैइरे चोगे, हिट्नुङ् याप्मिचिङा ओचोगुना पापङाना साजाए पिडुवाट्टुन्चिन्॥
टरो खानिङा ना छेम्बाना रिङ्ङि बिस्वास चोगायाक्टानुम् हिट्नुङ् ना रिङ्ङि डोक् बोलियो लिसानिउङ् युङानि॥ खानिङा आखेम्सुम्ना नुना खाबोरङि आटोगुम्ना आसालाम्मा खोनालेङ् चा निङ्ग्वा पिनेनुम्॥ ना खाबोर डोक् नारा टेप्गा याप्मिचिलोङ्सा पारचार चोगाइसे॥ हिट्नुङ् आङा पावाल चा ना रिङ् पारचार चोक्माउङ्सा डोक् माङ्हाङ्ङाना ओसेवाक् लिसाइसाङे॥
बिस्वासङि आप्पे आइछा गाड्डेना तिमोथि, आनि काहिङ्मेप्बा डाङ्बा माङ्हाङ् हिट्नुङ् आसा युङ्सुम्ना खिरिस्ट येसुङाना आग्याँ गाड्डे आङा खिरिस्ट येसुङाना मुलिचेला पावाललाम्मा ना चिट्ठि खान् लोङ्सा छेप्टुएट्टुङ्॥ आनि माङ्हाङ् पाबा हिट्नुङ् आनि टाङ्बा खिरिस्ट येसुङाना मायादाया, लुक्माटुक्मा लोक् हाङ्हाङ् खान्ङि उलियाक्॥
बिस्वास चोगुङ् डोक् नोआङा ओजाहानचि चुवाङाना ओभोललाम्मा बाचाँ चोक्मा लाउङ्सा ठेना चुवाखोङ्डाङ् चोगुए॥ हिट्नुङ् नोआङा पाइले काइले चा लिनिगेट्निना रिङ् हाट्ले हान्डेङ् लियुक् नुङ् ओछेक्छेक् काचोक्बा माङ्हाङ्ङा लोडु गाड्डे उन् वासे॥ उन्ङा चोगुना बिस्वासङा डोक् हिट्ना बेला नाराङिगा ख्वाप्पा याप्मिचिङा गाल्ति ओचोगुए नुङ् पारमान् पिडुचे, हिट्नुङ् हिट्ना बिस्वासलाम्मा नोआ धारमोति याप्मि लिसे॥
ကြော်ငြာတွေ