हिब्‍रु 6:10 - आठपहरिया

¹⁰ माङ्‌हाङ् न्‍याए काचोक्‍बा ए॥ माङ्‌हाङ्‌ङा खानिङा आचोगुम्‍ना ओचेट्‌नुना टोॽवा हिट्‌नुङ् ओयाप्‌मिचि घुवार आफाडुम्‌चिम्‍मुङ् उन् माया पारकाट् आचोगुम्‍ना रिङ् उन्‍ङा मुन्‍डुन्‍ना॥ खानिङा हाट्‌ले चा हिट्‌नागा हिड्‌डेना सेवा डोक् आचोगेट्‌टुम्॥

हिब्‍रु 6:10 ပူးပေါင်းရင်းမြစ်များ

मात्‌ति 10:42

जुन्‍ङा खानि नागा खाट्‌टिउगा आचेलाचि नुङ् मामिट्‌टिउङ् ठिक् खोरे चिसो चुवा एडोक् ठुङ्‌मा मापिडिटि, छेम्‍बा डोक् आङा खानि लोनाँनि, हिट्‌नाँ उन्‍ङाना इनाम् खोना बेला चा मासुन्‍ना॥”

मात्‌ति 20:7

हिट्‌नागाँ ओलोडुए, ‘खोलो साङा चा आन्‍याँ टोॽवाङि याप्‌मि ओखेङ्‌नेट्‌नि॥’ टब उन्‍ङा हिट्‌नागा लोडुचे, ‘हिट्‌डे भोने खानि चा आङाना आङ्‌गुर बारिङि टोॽवा चोक्‌सिङा खाडान्‍याक्॥’

मात्‌ति 25:17

हिट्‌डेउङ् इप्‍पोक् हाजार साम्‍याङ्‌ङाना राङ् काटोक्‍बाङा चा आरको इप्‍पोक् हाजार साम्‍याङ्‌ङाना राङ् कामाँ चोगुए॥

मारकुस 9:41

आङा छेम्‍बा डोक् खानि लोनाँनि, जुन् याप्‌मिङा खानि खिरिस्‍टङा ओयाप्‌मिचि नुङ् आनिङ्‌ङि ठिक् खोरे चुवा एडोक् ठुङ्‌मा मापिडिटि, हिट्‌नाँ उन्‍ङाना इनाम् खोना बेला चा मासुन्‍ना॥”

युहान्‍ना 13:20

छेम्‍बा डोक्, आङा खानि लोनाँनि, आङा पाङ्‌सुङ्‌ना स्‍वागाट् काचोक्‍बाङा आङा चा स्‍वागाट् याङ्‌चोक्‌युक्, हिट्‌नुङ् आङा स्‍वागाट् काचोक्‍बाङा आङा कापाङ्‌बा पाबा चा स्‍वागाट् चोगुटु॥”

मुलिचेला टोॽवा 10:31

हिट्‌नुङ् याङ्‌लोडे, ‘हाउ कारनालियास, खान्‍ङा आचोगुना बिन्‌टि माङ्‌हाङ्‌ङा खेम्‍सुएसुए हिट्‌नुङ् पाक्‍चा ओवानिगा घुवार आफाडुचिउङ् लुक्‍मा आटुक्‍टुचिगा रिङ् उन्‍ङा यान्‍दा चोगुएसुए॥

मुलिचेला टोॽवा 10:4

उकिप्‍माङा कारनालियासङा माङ्‌हाङ् रिङ् काउग्‍बा पुयुना पुयुना डोक् लिसे हिट्‌नुङ् लोडुए, “हाउ आडाङ्‌बा, याङ्‌लोडा॥” हिट्‌ना माङ्‌हाङ् रिङ् काउग्‍बाङा उन् लोडुए, “खान्‍ङा आचोगुना बिन्‌टि हिट्‌नुङ् पाक्‍चा ओवानिगा घुवार आफाडुचिउङ् लुक्‍मा आटुक्‍टुचिगा रिङ् माङ्‌हाङ् सोरि ठाहा लिसाइसे॥

मुलिचेला टोॽवा 11:29

ना रिङ् ओखेम्‍सुङ् एन्‌टिओखियाङिगा बिस्‍वासिचिङा याहुदिया छेट्‌राङि उलिसागा भुम्‍भु-झान्‍झाचिलोङ्‌सा उन्‌चि जेथाङा उहिडुलोक् भेटि पाङ्‌माचिउङ् घुवार फामाचिगा निङ्‌ग्‍वा ओचोगुए॥

रोमि 12:13

आभोरङि ओठायागा माङ्‌हाङ् ओयाप्‌मिचि घुवार फाडानुम्‌चिम्, हिट्‌नुङ् पाङ्‌ङि ओटागा पाहुनाचि ओचेट्‌नुलोक् मेट्‌टानुम्‌चिम्॥

२ कोरिन्‌थि 9:1

याहुदियाङिगा माङ्‌हाङ् ओयाप्‌मिचि हिट्‌नागा खिरिस्‍टङि बिस्‍वास ओचोगुगा लाउङ्‌सा भेटि पैसा पिडुम्‌चिम्‍ना बारेङि आङा खानिलाउङ्‌सा छेप्‍मायाक्‍मा कोन्‌निना॥

गालाति 5:13

आम्‍भु-आन्‍झाचि हिट्‌नुङ् आनो-आन्‍झाचि, खानिउम् टे माङ्‌हाङ्‌ङा सोतान्‍तर लिमाउङ्‌सा मासेगिगा ए॥ खानिङा आटोगुम्‍ना सोतान्‍तर पाप चोक्‍माना निङ्‌ग्‍वालेङ् टिनेनुम्॥ टरो ना सोतान्‍तरउम्‍बाक् ठिबाङ्‌ङा आरको माया चोक्‍सा सेवा चोक्‍मालाउङ्‌सा चोगानुम्॥

गालाति 5:6

पोङ्‌भोने खिरिस्‍ट येसुङि बिस्‍वास काचोक्‌चि आनि लाउङ्‌सा खाताना चोगुम्‍चा चोक्‌निम्‍चा पाक्‍चा फाराक् वाइना॥ टरो मुलि रिङ्उम्‍बाक् खिरिस्‍टङि आनि बिस्‍वास चोगुम्‍नाँ आनि आरु याप्‌मिचि माया चोगुम्‌चिम्‌चिम्॥

गालाति 6:10

हिड्‌नाडेउङ् आनि मौका टोगुम्‍नामे सोब्‍बे याप्‌मिचिलाउङ्‌सा ओचेट्‌नुलोक् चोक्‍मा कोन्‌युक्॥ मुलिगारि खिरिस्‍टङि बिस्‍वास ओचोगुगा याप्‌मिचि लाउङ्‌सा ओचेट्‌नु चोक्‍मा कोन्‌युक्॥

कालास्‌सि 3:17

हिट्‌नुङ् खानिङा पाक् आमाट्‌टुम् चा, आचोगुम्‍चा, ख्‍वाप्‍पा रिङ् टाङ्‌बा येसु उनिङ्‌ङि चोगानुम् हिट्‌नुङ् उन्‌लाम्‍मा डोक् माङ्‌हाङ् पाबालाउङ्‌सा पोए-पोए ठाङ्‌सानुम्॥

१ थेसालोनिकि 1:3

आनि माङ्‌हाङ् पाबा ओटोकानाङि आनि टाङ्‌बा येसुङि खानिङा बिस्‍वास आचोगुम्‍मुङ् आचोगुम्‍ना टोॽवा, मायालोक् आचोगुम्‍ना दुखे हिट्‌नुङ् खानिङा आनि टाङ्‌बा येसु खिरिस्‍टङि आयुङ्‌सुम्‍ना आसाङि याङ्‌छामा आङ्‌डुम्‍ना रिङ् आन्‍याँ सोरोक् मिट्‌टुम्‍टुम्‍मा॥

१ तिमोथि 6:18

हिट्‌नागाँ आरु नुलोक् ओमेट्‌टुच्‍याक्, हिट्‌नुङ् नुगा टोॽवाचि जोम् ओचोगुवाक्, हिट्‌नुङ् याप्‌मिचि खेरोक् पिमा हिट्‌नुङ् हाम्‍माजामाङि उन्‌चि निङ्‌ग्‍वा उपिडुवाक् नुङ् लोडुचि॥

२ तिमोथि 4:8

हाट्‌लेउम् आङालोङ्‌सा धारमिक्‍ताङाना मुकुट् युङ्‌गुवा, हिट्‌ना मुकुट् नुलोक् न्‍याए काचोक्‍बा टाङ्‌बाङा हिट्‌ना बेला आङा याङ्‌पियुक्, हिट्‌नुङ् आङा एडोक् माखाक्, टरो उन् टाना ओलाम्‍बो उपुयुगा सोब्‍बेलोङ्‌सा पिडुचिचि॥

हिब्‍रु 10:32

खानिङा पाइले खिरिस्‍टङाना व्‍हाङ् आटोगुम्‍ना बेलाङाना रिङ् मिट्‌टानुम्॥ खानिङा आड्‌डिक् टुक्‍लोक् याङ्‌छामा आआङ्‌डुम्‍चा बिस्‍वासङि दोरो आलिसिए॥

हिब्‍रु 13:16

हाट्‌ले ठिबाङ्‌ङा आरको ओचेट्‌नु चोक्‍मा हिट्‌नुङ् खानिलोक् लिसागा थोक् हाम्‍मा मुन्‍नेनुम्, पोङ्‌भोने नाड्‌डे पारिक्‍ना भोक् ठाङ्‌बालाक् थोक्‌ङि माङ्‌हाङ्‌ङाना उनिङ्‌ग्‍वा टायुक्॥

१ युहान्‍ना 1:9

टरो आनि पाप माङ्‌हाङ्‌ङाना ओटोकानाङि काएल्-काबु चोगुम्‍टुम् भोने, उन्‍ङा आनि पाप छेमा आचोक्‌युबियुक् हिट्‌नुङ् सोब्‍बे ओचाफेम्‍मा रिङ्‌लाम्‍मा आनि सेङ्‌सेङ् आचोक्‌युक्, पोङ्‌भोने उन् बिस्‍वासयोग्‍ए हिट्‌नुङ् धारमोति ए॥