हिब्‍रु 5:8 - आठपहरिया

⁸ उन् माङ्‌हाङ् छा लिसाउङ् चा उन्‍ङा आङ्‌डुना याङ्‌छामालाम्‍मा उन्‍ङा माङ्‌हाङ्‌ङाना आग्‍याँ पालान् चोक्‍मा सिकाँ लिसे॥

हिब्‍रु 5:8 ပူးပေါင်းရင်းမြစ်များ

मात्‌ति 3:15

येसुङा उन् नाड्‌डे लोडुए, “हाट्‌ले नाड्‌डे डोक् उलियाक्, पोङ्‌भोने नाड्‌डेउङ् डोक् माङ्‌हाङ्‌ङाना सोब्‍बे उनिङ्‌ग्‍वाङिना रिङ् आनि युमा कोन्‌युक्॥” हिट्‌नुङ् युहान्‍नाङा उरिङ् खेम्‍सुङ् उन्‍ङा येसु बाप्‌टिस्‍मा पिमा टेन्‍डे॥

युहान्‍ना 10:18

खोनाङा चा आङाना आचोला सेप्‍मा उहिडुन्‍ना, टरो आप्‍पे आनिङ्‌ग्‍वालाम्‍मा पिडुङ्‌टुङ्॥ आङालोक् आसोक्‍मा पिमाना आधिकार चा युङ्‌ग्‍वा, हिट्‌नुङ् फेरि नोक्‍माना आधिकार चा आङालोक् युङ्‌ग्‍वा॥ आङाना पाबाङा आङा याङ्‌पिडाना आग्‍याँ चा ना डोक्॥”

युहान्‍ना 15:10

आङा लोनानिगा आग्‍याँ पालान् आचोगुमे भोने, खानि आङाना मायाङि आलिसियाक्‌टिटि, हिट्‌नाडेडोक् आङा आङाना पाबाङाना आग्‍याँ पालान् चोगुएसुङे, हिट्‌नुङ् उन्‍ङाना मायाङि युङ्‌ङा॥

युहान्‍ना 4:34

येसुङा हिट्‌नागा लोडुचे, “आङा कापाङ्‌बाङाना उनिङ्‌ग्‍वा गाड्‌डे चोक्‍मा, हिट्‌नुङ् ओटोॽवा चोक्‍मा हिमा डोक् आङाना चामाना थोक् ए॥

युहान्‍ना 6:38

पोङ्‌भोने आङा आप्‍पे आनिङ्‌ग्‍वाङिना रिङ् युमा टोनालोग्‌लाम्‍मा उङ्‌साङ्‌ना माखाक्, टरो आङा याङ्‌पाङ्‌साना माङ्‌हाङ्‌ङाना उनिङ्‌ग्‍वा युमाउङ्‌सा उङ्‌साङ्‌ना॥

फिलिप्‌पि 2:8

उन् याप्‌मिङाना ओसोरुप्‌ङि लिसानाँ मेयोक् लिसे, हिट्‌नुङ् उन् सिमा चा, आथाबा खाप्‍चेङि सिमा चा निङ्‌ग्‍वा चोगुङ् माङ्‌हाङ्‌ङाना आग्‍याँ पालान् चोगुए॥

हिब्‍रु 1:2

टरो ना आखेरि बेला उन् उइछालाम्‍मा आनिलोक् चेक्‍टेसे॥ माङ्‌हाङ्‌ङा उइछालाम्‍मा सोब्‍बे थोक् सिरिस्‌टि चोगुए, हिट्‌नुङ् माङ्‌हाङ्‌ङा उन् डोक् ख्‍वाप्‍पा थोक्‌ङाना हाकवाला चोगुए॥

हिब्‍रु 1:5

माङ्‌हाङ्‌ङा खोना चा माङ्‌हाङ् रिङ् काउग्‍बा “खान् आइछा ए, हाट्‌ले आङा काप्‍पा लिसैसाङे” नुङ् लोडुवाट्‌टुन्‌चिन्॥ फेरि माङ्‌हाङ् रिङ् काउग्‍बाचि माङ्‌हाङ्‌ङा नाड्‌डे चा लोडुवाट्‌टुन्‌चिन्, “आङा हिट्‌नागाँगा पाबा लिङा, हिट्‌नुङ् हिट्‌नागा आइछाचि उलियुक्॥”

हिब्‍रु 1:8

टरो उइछाङाना बारेङिम्‍बाक् उन्‍ङा नाड्‌डे माट्‌टुटु, “हाउ माङ्‌हाङ्, खान्‍ङा सोरोक् हिट्‌नुङ् सोब्‍बे बेला सासान् आचोगुटु॥ हिट्‌नुङ् खान्‍ङा कायाप्‌मिचि नुलोक् न्‍याएलोक् सासान् आचोगुचिचि॥

हिब्‍रु 3:6

टरो खिरिस्‍टउम्‍बाक् माङ्‌हाङ् उपाङ्‌ङिगा ख्‍वाप्‍पा ओयाप्‌मिचिङा हाक् टोगुना उइछा गाड्‌डे डोक् बिस्‍वासिलो ए॥ हिट्‌नुङ् आनि खिरिस्‍टङि सोरोक् बिस्‍वास चोगुमुङ् आनि आसा युङ्‌सुम् याक्‍टुम्‍टुम्‍मे भोने, आनि चा माङ्‌हाङ् ओपाङ्‌ङिगा ओयाप्‌मिचि ए॥