हिब्रु 5:7 - आठपहरिया7 येसु ना नाराङि येम्ङि वासानाँ उन् सिइनालाम्मा बाचाँ चोक्मा काहिबा माङ्हाङ्ङि आड्डिक् राट्टाउङ् हाप्सा मिॽवा ठेन्डुङ् बिन्टि ठाङ्सुए॥ पोङ्भोने उन्ङा उनिङ्ग्वालाम्मा डोक् माङ्हाङ् माङ्ध्यान् चोगुए, हिट्नुङ् माङ्हाङ्ङा उन्ङाना बिन्टि खेम्सुए॥ အခန်းကိုကြည့်ပါ။ |
हिब्रु 5:7
38 ပူးပေါင်းရင်းမြစ်များ
धारमाबिधिङा पापङाना साक्तिलाम्मा आनि छुट्कारा पिमा आहिनेट्नि, पोङ्भोने आनि पाप चाट्लालोक्ना याप्मि लिसिनाँ धारमाबिधि पालान् चोक्मा हिनेट्निम्॥ टरो धारमाबिधिङा चोक्मा हिडुवाट्टुन्ना रिङ् माङ्हाङ्ङा चोगुए॥ हिट्नुङ् उन्ङा आनि याप्मिङाना गाड्डेना येम्ङि उइछा पाङ्सुए, हिट्नुङ् उन्ङा खिरिस्टङाना ओयेम् भोक् पिडुङ् आनि पाप जाखाम् चोगुए॥
आन्याँ साङ्का मिचोक्ङे ना राहास्ये आड्डिक् माङ्ठेना नुङ् बिस्वास चोगुम्टुम्मा– खिरिस्ट आप्पे याप्मिङाना येम्ङि ठेट्टे, हिट्नुङ् सेङ्सेङ्ना हाङ्साङा उन् धारमोति याप्मि नुङ् पारमान् चोगुए॥ माङ्हाङ् रिङ् काउग्बाचिङा उनिसुए, हिट्नुङ् ओचेलाचिङा छोङ्बा छोङ्बाचिङि पारचार ओचोगुए॥ नाराङिगा याप्मिचिङा उन् बिस्वास ओचोगुए, हिट्नुङ् माङ्हाङ्ङा उन् माहिमाङि टोनालोग्लेङ् फोगुवाट्टुए॥
बिस्वास चोगुङ् डोक् नोआङा ओजाहानचि चुवाङाना ओभोललाम्मा बाचाँ चोक्मा लाउङ्सा ठेना चुवाखोङ्डाङ् चोगुए॥ हिट्नुङ् नोआङा पाइले काइले चा लिनिगेट्निना रिङ् हाट्ले हान्डेङ् लियुक् नुङ् ओछेक्छेक् काचोक्बा माङ्हाङ्ङा लोडु गाड्डे उन् वासे॥ उन्ङा चोगुना बिस्वासङा डोक् हिट्ना बेला नाराङिगा ख्वाप्पा याप्मिचिङा गाल्ति ओचोगुए नुङ् पारमान् पिडुचे, हिट्नुङ् हिट्ना बिस्वासलाम्मा नोआ धारमोति याप्मि लिसे॥
हाट्ले सान्ति आपिना माङ्हाङ्ङा खानि चाहाब् आलिसिगा सोरोक् ओचेट्नुगा थोक् खानि मापिडिटि नुङ् आङा बिन्टि चोगुङ्टुङ्, हिट्नुङ् उन्ङा निङ्ग्वा चोगुना रिङ् खानिङा चोक्मा आहिडुम्टुम्॥ ठुँबाचिगा ठेना गोठाले आनि डाङ्बा येसुलाउङ्सा माङ्हाङ्ङा सियानालाम्मा उहिङ्ग्वाट् फोगुए॥ येसुङाना ओहेलिक्लाम्मा माङ्हाङ्ङा उन् हिट्नुङ् ओयाप्मिचि माझाङि सोरोक् लियुयाक्ना माङ्हुप् उटुम् चोगुए॥ माङ्हाङ् पाक् रिङ्ङा खुसि चोगुटुना हिट्ना रिङ् आनिङि येसु खिरिस्टलाम्मा उन्ङा चोगुटु नुङ् आङा बिन्टि ठाङ्सुङ्टुङ्, हिट्नुङ् खिरिस्टङाना माहिमा जुग-जुग उलियाक्॥ आमेन्॥
ကြော်ငြာတွေ