हिब्‍रु 5:5 - आठपहरिया

⁵ नाड्‌डेउङ् खिरिस्‍टङा चा सानिङ्‌डाङ्‌बा लिमा आप्‍पेलाउङ्‌सा मान् कोलोवाट्‌टुन्॥ टरो माङ्‌हाङ् आप्‍पेङा उन् सेगुए हिट्‌नुङ् लोडुए, “खान् आइछा ए, आङा काप्‍पा लिसैसाङे॥”

हिब्‍रु 5:5 ပူးပေါင်းရင်းမြစ်များ

युहान्‍ना 3:16

पोङ्‌भोने माङ्‌हाङ्‌ङा ना नाराङिगा याप्‌मिचि आम्‍टेप्‍मा जोम् माया चोगुचे, उन्‍ङा उन्‍ङाना ठिबाङ् एना छा चा आपिडे, हिड्‌डेउङ् उन्‌ङि बिस्‍वास काचोक् खोना चा जाखाम् उलिन्‍याक्, टरो हिट्‌नाँ खोना बेला चा लाट्‌निना चोला ओटोगुवाक्॥

युहान्‍ना 7:18

जुन् आप्‍पेलाम्‍मा चेक्‌युक्, हिट्‌नाङा आप्‍पे लाउङ्‌सा मान् कोलुटु, टरो आङा कापाङ्‌बालोङ्‌सा आङा मान् चोक्‍मा निङ्‌ग्‍वा चोगुङ्‌टुङ्॥ हिट्‌डेउङ् आङा छेम्‍बाना रिङ् माट्‌टुङ्‌टुङ् हिट्‌नुङ् माङ्‌जो माट्‌निङ्‌ना॥

युहान्‍ना 8:54

येसुङा हिट्‌नागा लोडुचे, “आङा आप्‍पे लाउङ्‌सा मान् कोलुङ्‌टुङ् भोने, हिट्‌ना मान् बिथाँना लियुक्॥ टरो आङा मान् काचोक्‍बा आङाना पाबा वाहेट्, उन् डोक् खानिङा ‘आन्‍याँ माङ्‌हाङ्’ नुङ् आलोडुम्‍ना॥

मुलिचेला टोॽवा 13:33

माङ्‌हाङ्‌ङा येसु सियानालाम्‍मा उहिङ्‌ग्‍वाट् चोगुङ् हिट्‌ना माङ्‌हुप् आनि ओछालेट्‌चि हिट्‌नुङ् आरु लोङ्‌सा आयुडाबिडैसे॥ छाम्‍लोमा छाप्‍लाङाना इप्‍पोक् खान्‍डाङि येसुङाना बारेङि नाड्‌डे छेप्‍टेसे– ‘खान् आइछा ए, हाट्‌ले लेम्‍बा आङा काप्‍पा लिसैसाङे॥’

रोमि 8:3

धारमाबिधिङा पापङाना साक्‌तिलाम्‍मा आनि छुट्‌कारा पिमा आहिनेट्‌नि, पोङ्‌भोने आनि पाप चाट्‌लालोक्‍ना याप्‌मि लिसिनाँ धारमाबिधि पालान् चोक्‍मा हिनेट्‌निम्॥ टरो धारमाबिधिङा चोक्‍मा हिडुवाट्‌टुन्‍ना रिङ् माङ्‌हाङ्‌ङा चोगुए॥ हिट्‌नुङ् उन्‍ङा आनि याप्‌मिङाना गाड्‌डेना येम्‌ङि उइछा पाङ्‌सुए, हिट्‌नुङ् उन्‍ङा खिरिस्‍टङाना ओयेम् भोक् पिडुङ् आनि पाप जाखाम् चोगुए॥

हिब्‍रु 1:1

आच्‍छो बेला माङ्‌हाङ् माङ्‌काटाचिलाम्‍मा याप्‍मा खेप् हिट्‌नुङ् पारिक् पारिक् पाराङा आनि टुबाठेबाचिलोक् चेक्‍टे॥

हिब्‍रु 1:5

माङ्‌हाङ्‌ङा खोना चा माङ्‌हाङ् रिङ् काउग्‍बा “खान् आइछा ए, हाट्‌ले आङा काप्‍पा लिसैसाङे” नुङ् लोडुवाट्‌टुन्‌चिन्॥ फेरि माङ्‌हाङ् रिङ् काउग्‍बाचि माङ्‌हाङ्‌ङा नाड्‌डे चा लोडुवाट्‌टुन्‌चिन्, “आङा हिट्‌नागाँगा पाबा लिङा, हिट्‌नुङ् हिट्‌नागा आइछाचि उलियुक्॥”

हिब्‍रु 2:17

हिड्‌डे लिसाउङ् सोब्‍बे रिङ्‌ङि उन् आप्‍पे उम्‍भु-उन्‍झाचि गाड्‌डे लिमा कोले॥ नाड्‌डेउङ् माङ्‌हाङ्‌ङाना सेवा चोक्‍माना रिङ्‌ङि उन् दाया काचोक्‍बा हिट्‌नुङ् बिस्‍वासिलो सानिङ्‌डाङ्‌बा लिमाहिना लिसे॥ हिट्‌नुङ् आनि पाप छेमा पिमाउङ्‌सा उन् आप्‍पेङा भोक् चोगुए॥

हिब्‍रु 3:1

हिट्‌नाड्‌डेउङ् मायालु भुम्‍भु-झान्‍झाचि हिट्‌नुङ् आनो-आन्‍झाचि, खानि माङ्‌हाङ्‌ङा मासेगिगा याप्‌मिचि हिट्‌नुङ् टोनालोग्‌ङिना ओभागा काटोक्‌चि ए, माङ्‌हाङ्‌ङाना खाबोर कालो हिट्‌नुङ् सानिङ्‌डाङ्‌बा नुङ् लाडुम्‍ना येसुङि आनि निङ्‌ग्‍वा पिडुम्॥

हिब्‍रु 5:10

हिट्‌नुङ् माङ्‌हाङ्‌ङा डोक् उन् माल्‌किसेदेक गाड्‌डे डोक् सानिङ्‌डाङ्‌बा चोगुए॥