हिब्‍रु 5:2 - आठपहरिया

² सानिङ्‌डाङ्‌बाङा पाक्‍चा उनिसुन्‍गा याप्‌मिचि हिट्‌नुङ् ओचाफेन्‍ना टोॽवा चोगुएट्‌टुम्‍मा नुङ् ठाहा ओटोगुन्‍गा लाउङ्‌सा नाम्‍रा लियुङ् दाया चोक्‍मा हिडुचिचि, पोङ्‌भोने उन् आप्‍पे चा याप्‌मि ए, उन्‍ङा चा गाल्‌ति चोक्‍मा हिडुटु॥

हिब्‍रु 5:2 ပူးပေါင်းရင်းမြစ်များ

लुका 22:32

टरो खान् आङि बिस्‍वासि लिसा नुङ् खान् लोङ्‌सा माङ्‌हाङ्‌ङा घुवार माफायाक् नुङ् आङा बिन्‌टि चोगुएसुङे॥ हिट्‌नुङ् जब खान् काएल्-काबु आलियुङ् आङालेङ् आनोक्‌युक्, टब काटाक्‌चि चा बिस्‍वास्‌ङि बोल्‍लेउ लिमा लोङ्‌सा घुवार फाडुचि॥”

२ कोरिन्‌थि 11:30

आङा आप्‍पेलाउङ्‌सा आनिङ् चोन्‍डुङ्‌टुङ् भोने, आङा दोरो वाइना नुङ् निमेट्‌माना रिङ्‌ङि डोक् आनिङ् चोन्‍डुङ्‌टुङ्॥

२ कोरिन्‌थि 12:5

आङा हिट्‌ना याप्‌मिङाना बिसाएङि आनाभुक् ठेलोक् चोगुङ्‌टुङ्, टरो आप्‍पे आङाना रिङ्‌ङिम्‍बाक् आङाना निम्‍छारो माले आरु रिङ्‌ङि आनाभुक् ठेना चोक्‌निङ्‌ना॥

गालाति 4:13

आङा खानिङि पाइलेना खेप् नुना खाबोर आप्‍टुङ्‌ना बेला आङा टुगाङ्‌ना रिङ् खानि लाउङ्‌सा ठाहा युङ्‌ग्‍वा॥

एफिसि 4:18

हिट्‌नागाँ पारचिन्‍दा बुजा ओचोगुन्‍गा, हिट्‌नुङ् हिट्‌नागा माङ्‌हाङ्‌ङा आपिना चोलालाम्‍मा लाप्‍माङ् उलिसेसे, पोङ्‌भोने हिट्‌नागाँ बुजा चोक्‍माना ठोना उछुप्‍टुएसुए हिट्‌नुङ् उन्‌चि निङ्‌ग्‍वा ठुम्‍ना ओचोगुएसुए॥

१ तिमोथि 1:13

हिट्‌नुङ् चा आङा उन् खिसि चोगुङे, बिस्‍वासिचि याङ्‌छामा हिट्‌नुङ् ओचाफेन्‍लोक् मेट्‌टुङ्‌चिङे, नागा ख्‍वाप्‍पा थोक् आङा ठाहा मिटोक्‍ङे हिट्‌नुङ् बिस्‍वास माले चोगुङ्‌नाँ आङा मायादाया टोगुङे॥

हिब्‍रु 12:13

खानि याम्‍बो-टोम्‍बो मिचोक्‍ङे सोजो लाम्‍बो लाम्‌टियानि, हिट्‌डेउङ् फेटुलोचि हिटनुङ् ओखेट्‌लेङ्‌बाचि ओकोनिगा, टरो बोल्‍लेउ उलियुक्॥

हिब्‍रु 2:17

हिड्‌डे लिसाउङ् सोब्‍बे रिङ्‌ङि उन् आप्‍पे उम्‍भु-उन्‍झाचि गाड्‌डे लिमा कोले॥ नाड्‌डेउङ् माङ्‌हाङ्‌ङाना सेवा चोक्‍माना रिङ्‌ङि उन् दाया काचोक्‍बा हिट्‌नुङ् बिस्‍वासिलो सानिङ्‌डाङ्‌बा लिमाहिना लिसे॥ हिट्‌नुङ् आनि पाप छेमा पिमाउङ्‌सा उन् आप्‍पेङा भोक् चोगुए॥

हिब्‍रु 2:18

उन् आप्‍पेङा चा जोम् याङ्‌छामा आङ्‌डुए हिट्‌नुङ् निङ्‌ग्‍वा छिक्‍माङि ठाए, हिड्‌डेउङ् निङ्‌ग्‍वा छिक्‍माङि ओठायागा लाउङ्‌सा उन्‍ङा घुवार फामा हिडुचिचि॥

हिब्‍रु 4:15

आनिना सानिङ्‌डाङ्‌बाङा आनिना काम्‍जोरि ठाहा टोगुटु, पोङ्‌भोने आनि गाड्‌डे डोक् उन् याप्‍मा रिङ्‌ङि वारिक्‌ङि ठाए, टरो उन्‍ङा पाप चोग्‍वाट्‌टुन्॥

हिब्‍रु 7:28

धारमाबिधिङा गाल्‌ति चोक्‍मा उहिडुगा याप्‌मिचि सानिङ्‌डाङ्‌बा लिमा सेगुचे, टरो धारमाबिधि नुङ्‌ना एङ्‌स्‍वा टाएना चामारसिङाङा माङ्‌हाङ् आप्‍पेङा उइछा सानिङ्‌डाङ्‌बा लिमा सेगुए॥ हिड्‌डेप्‍मा एडोक् माखाक्, उन् सोरोक् चोखो सानिङ्‌डाङ्‌बा लियुयाक्‌युक्॥

हिब्‍रु 9:7

टरो भिट्‌रा आड्‌डिक् सेङ्‌सेङ्‌ना डेन्‌ङिम्‍बाक् सानिङ्‌डाङ्‌बा सालङि ठिक् खेप् एडोक् लिग्‍मा टोगुना डाना॥ उन्‍ङा सोरोक् हिट्‌ना हेलिक् आप्‍पे उन्‍ङाना पाप लोक् याप्‌मिचिङा ठाहा मिटोक्‍ङे ओचोगुना पापलाम्‍मा छेमा टोक्‍मा ठाङ्‌सुना डाना॥

याकुब 5:19

आम्‍भु-आन्‍झाचि हिट्‌नुङ् आनो-आन्‍झाचि, कोइ छेम्‍बाना रिङ्‌लाम्‍मा बान्‍डाउङ् खाडे भोने, खानिङा उन् नोक्‍मा आप्‍मा कोन्‌युक्॥

१ पाटरुस 2:25

पोङ्‌भोने खानि खेडोक् ओवायुजागा ठुँबाचि गाड्‌डे आलिसिएसिगा, टरो हाट्‌लेम्‍टे खानि कापुबा हिट्‌नुङ् खानि हाङ्‌सा सुरेक्‍छा काचोक्‍बाङि नोक्‌टि आटाइसिए॥